(ก) อนุโลมํ
[6] (ก) จกฺขุ ธาตุ?
(ข) ธาตู จกฺขุ?
(ก) โสตํ ธาตุ?
(ข) ธาตู โสตํ?
ฆานํ ธาตุ?…เป.… ชิวฺหา ธาตุ?… กาโย ธาตุ?… รูปํ ธาตุ?… สทฺโท ธาตุ?… คนฺโธ ธาตุ?… รโส ธาตุ?… โผฏฺฐพฺโพ ธาตุ?…
(ก) จกฺขุวิญฺญาณํ ธาตุ?
(ข) ธาตู จกฺขุวิญฺญาณํ?
(ก) โสตวิญฺญาณํ ธาตุ?
(ข) ธาตู โสตวิญฺญาณํ?
… ฆานวิญฺญาณํ?…เป.… ชิวฺหาวิญฺญาณํ?… กายวิญฺญาณํ?
(ก) มโน ธาตุ?
(ข) ธาตู มโน?
(ก) มโนวิญฺญาณํ ธาตุ?
(ข) ธาตู มโนวิญฺญาณํ?
(ก) ธมฺโม ธาตุ?
(ข) ธาตู ธมฺโม?
(ข) ปจฺจนีกํ
[7] (ก) น จกฺขุ น ธาตุ?
(ข) น ธาตู น จกฺขุ?
(ก) น โสตํ น ธาตุ?
(ข) น ธาตู น โสตํ?
… น ฆานํ?… น ชิวฺหา?… น กาโย?… น รูปํ? … น สทฺโท?… น คนฺโธ?… น รโส?… น โผฏฺฐพฺโพ?
(ก) น จกฺขุวิญฺญาณํ น ธาตุ?
(ข) น ธาตู น จกฺขุวิญฺญาณํ?
… น โสตวิญฺญาณํ?…เป.… น ฆานวิญฺญาณํ?… น ชิวฺหาวิญฺญาณํ?
(ก) น กายวิญฺญาณํ น ธาตุ?
(ข) น ธาตู น กายวิญฺญาณํ?
(ก) น มโน น ธาตุ?
(ข) น ธาตู น มโน?
(ก) น มโนวิญฺญาณํ น ธาตุ?
(ข) น ธาตู น มโนวิญฺญาณํ?
(ก) น ธมฺโม น ธาตุ?
(ข) น ธาตู น ธมฺโม?
4. สุทฺธธาตุมูลจกฺกวาโร
(ก) อนุโลมํ
[8] (ก) จกฺขุ ธาตุ?
(ข) ธาตู โสตํ?…เป.…
(ก) จกฺขุ ธาตุ?
(ข) ธาตู ธมฺโม?…เป.…
(ก) ธมฺโม ธาตุ?
(ข) ธาตู จกฺขุ?…เป.…
(ก) ธมฺโม ธาตุ?
(ข) ธาตู มโนวิญฺญาณํ? (จกฺกํ พนฺธิตพฺพํ)ฯ
(ข) ปจฺจนีกํ
[9] (ก) น จกฺขุ น ธาตุ?
(ข) น ธาตู น โสตํ?
(ก) น จกฺขุ น ธาตุ?
(ข) น ธาตู น ฆานํ?…เป.…ฯ
(ก) น จกฺขุ น ธาตุ?
(ข) น ธาตู น ธมฺโม?…เป.…
(ก) น ธมฺโม น ธาตุ?
(ข) น ธาตู น จกฺขุ?…เป.…
(ก) น ธมฺโม น ธาตุ?
(ข) น ธาตู น มโนวิญฺญาณํ? (จกฺกํ พนฺธิตพฺพํ)ฯ
ปณฺณตฺติอุทฺเทสวาโรฯ
(ข) นิทฺเทโส
1. ปทโสธนวาโร
(ก) อนุโลมํ
[10] (ก) จกฺขุ จกฺขุธาตูติ?
ทิพฺพจกฺขุ ปญฺญาจกฺขุ จกฺขุ, น จกฺขุธาตุฯ จกฺขุธาตุ จกฺขุ เจว จกฺขุธาตุ จฯ
(ข) จกฺขุธาตุ จกฺขูติ? อามนฺตาฯ
(ก) โสตํ โสตธาตูติ?
ทิพฺพโสตํ ตณฺหาโสตํ โสตํ, น โสตธาตุฯ โสตธาตุ โสตญฺเจว โสตธาตุ จฯ
(ข) โสตธาตุ โสตนฺติ? อามนฺตาฯ
(ก) ฆานํ ฆานธาตูติ? อามนฺตาฯ
(ข) ฆานธาตุ ฆานนฺติ? อามนฺตาฯ (ชิวฺหาปิ ฆานธาตุสทิสา)ฯ
(ก) กาโย กายธาตูติ?
กายธาตุํ ฐเปตฺวา อวเสโส กาโย [อวเสโส กาโย กาโย (สฺยา.)], น กายธาตุฯ กายธาตุ กาโย เจว กายธาตุ จฯ
(ข) กายธาตุ กาโยติ? อามนฺตาฯ
(ก) รูปํ รูปธาตูติ?
รูปธาตุํ ฐเปตฺวา อวเสสํ รูปํ, น รูปธาตุฯ รูปธาตุ รูปญฺเจว รูปธาตุ จฯ
(ข) รูปธาตุ รูปนฺติ? อามนฺตาฯ (สทฺโท ฆานสทิโส)ฯ
