[254] (ก) โย จกฺขายตนํ ปริชานิตฺถ โส โสตายตนํ ปริชานิสฺสตีติ? โนฯ

(ข) โย วา ปน โสตายตนํ ปริชานิสฺสติ โส จกฺขายตนํ ปริชานิตฺถาติ? โนฯ

(ก) โย จกฺขายตนํ น ปริชานิตฺถ โส โสตายตนํ น ปริชานิสฺสตีติ?

เย มคฺคํ ปฏิลภิสฺสนฺติ เต จกฺขายตนํ น ปริชานิตฺถ, โน จ โสตายตนํ น ปริชานิสฺสนฺติฯ อคฺคมคฺคสมงฺคี เย จ ปุถุชฺชนา มคฺคํ น ปฏิลภิสฺสนฺติ เต จกฺขายตนญฺจ น ปริชานิตฺถ โสตายตนญฺจ น ปริชานิสฺสนฺติฯ

(ข) โย วา ปน โสตายตนํ น ปริชานิสฺสติ โส จกฺขายตนํ น ปริชานิตฺถาติ?

อรหา โสตายตนํ น ปริชานิสฺสติ, โน จ จกฺขายตนํ น ปริชานิตฺถฯ อคฺคมคฺคสมงฺคี เย จ ปุถุชฺชนา มคฺคํ น ปฏิลภิสฺสนฺติ เต โสตายตนญฺจ น ปริชานิสฺสนฺติ จกฺขายตนญฺจ น ปริชานิตฺถฯ

ปริญฺญาวาโรฯ

อายตนยมกํ นิฏฺฐิตํฯ

ฯ นโม ตสฺส ภควโต อรหโต สมฺมาสมฺพุทฺธสฺสฯ

4. ธาตุยมกํ

1. ปณฺณตฺติวาโร

(ก) อุทฺเทโส

[1] อฏฺฐารส ธาตุโย – จกฺขุธาตุ, โสตธาตุ, ฆานธาตุ, ชิวฺหาธาตุ, กายธาตุ, รูปธาตุ, สทฺทธาตุ, คนฺธธาตุ, รสธาตุ, โผฏฺฐพฺพธาตุ, จกฺขุวิญฺญาณธาตุ, โสตวิญฺญาณธาตุ, ฆานวิญฺญาณธาตุ, ชิวฺหาวิญฺญาณธาตุ, กายวิญฺญาณธาตุ, มโนธาตุ, มโนวิญฺญาณธาตุ, ธมฺมธาตุฯ

1. ปทโสธนวาโร

(ก) อนุโลมํ

[2] (ก) จกฺขุ จกฺขุธาตุ?

(ข) จกฺขุธาตุ จกฺขุ?

(ก) โสตํ โสตธาตุ?

(ข) โสตธาตุ โสตํ?…เป.…

(ก) จกฺขุวิญฺญาณํ จกฺขุวิญฺญาณธาตุ?

(ข) จกฺขุวิญฺญาณธาตุ จกฺขุวิญฺญาณํ?…เป.…

(ก) มโน มโนธาตุ?

(ข) มโนธาตุ มโน?

(ก) มโนวิญฺญาณํ มโนวิญฺญาณธาตุ?

(ข) มโนวิญฺญาณธาตุ มโนวิญฺญาณํ?

(ก) ธมฺโม ธมฺมธาตุ?

(ข) ธมฺมธาตุ ธมฺโม?