เมนู

มูลานิ ยานิ เอกโต อุปฺปชฺชนฺติ นามมูลานิ เอกมูลมูลกานิ เจว อญฺญมญฺญมูลมูลกานิ จฯ อวเสสา นามมูลสหชาตา ธมฺมา นามมูเลน เอกมูลมูลกา, น จ อญฺญมญฺญมูลมูลกาฯ

(ข) เย วา ปน นามมูเลน อญฺญมญฺญมูลมูลกา, สพฺเพ เต ธมฺมา นามาติ?

อามนฺตาฯ

มูลวารนิทฺเทโสฯ

2-10. เหตุวาราทิ

[98] เย เกจิ กุสลา ธมฺมา, สพฺเพ เต กุสลเหตูติ…?

ตโย เอว กุสลเหตู, อวเสสา กุสลา ธมฺมา น กุสลเหตู…เป.… กุสลนิทานา… กุสลสมฺภวา… กุสลปฺปภวา… กุสลสมุฏฺฐานา… กุสลาหารา… กุสลารมฺมณา… กุสลปจฺจยา… กุสลสมุทยา…ฯ

[99] เย เกจิ อกุสลา ธมฺมา… เย เกจิ อพฺยากตา ธมฺมา… เย เกจิ นามา ธมฺมา, สพฺเพ เต นามเหตู ติ… นามนิทานา… นามสมฺภวา… นามปฺปภวา… นามสมุฏฺฐานา… นามาหารา… นามารมฺมณา… นามปจฺจยา… นามสมุทยา…ฯ

มูลํ เหตุ นิทานญฺจ, สมฺภโว ปภเวน จ;

สมุฏฺฐานาหารารมฺมณา, ปจฺจโย สมุทเยน จาติฯ

นิทฺเทสวาโร นิฏฺฐิโตฯ

มูลยมกปาฬิ นิฏฺฐิตาฯ

ฯ นโม ตสฺส ภควโต อรหโต สมฺมาสมฺพุทฺธสฺสฯ

2. ขนฺธยมกํ

1. ปณฺณตฺติวาโร

(ก) อุทฺเทโส

[1] ปญฺจกฺขนฺธา – รูปกฺขนฺโธ, เวทนากฺขนฺโธ, สญฺญากฺขนฺโธ, สงฺขารกฺขนฺโธ, วิญฺญาณกฺขนฺโธฯ

1. ปทโสธนวาโร

(ก) อนุโลมํ

[2] (ก) รูปํ รูปกฺขนฺโธ?

(ข) รูปกฺขนฺโธ รูปํ?

(ก) เวทนา เวทนากฺขนฺโธ?

(ข) เวทนากฺขนฺโธ เวทนา?

(ก) สญฺญา สญฺญากฺขนฺโธ?

(ข) สญฺญากฺขนฺโธ สญฺญา?

(ก) สงฺขารา สงฺขารกฺขนฺโธ?

(ข) สงฺขารกฺขนฺโธ สงฺขารา?

(ก) วิญฺญาณํ วิญฺญาณกฺขนฺโธ?

(ข) วิญฺญาณกฺขนฺโธ วิญฺญาณํ?

(ข) ปจฺจนีกํ

[3] (ก) น รูปํ น รูปกฺขนฺโธ?

(ข) น รูปกฺขนฺโธ น รูปํ?

(ก) น เวทนา น เวทนากฺขนฺโธ?

(ข) น เวทนากฺขนฺโธ น เวทนา?

(ก) น สญฺญา น สญฺญากฺขนฺโธ?

(ข) น สญฺญากฺขนฺโธ น สญฺญา?

(ก) น สงฺขารา น สงฺขารกฺขนฺโธ?

(ข) น สงฺขารกฺขนฺโธ น สงฺขารา?

(ก) น วิญฺญาณํ น วิญฺญาณกฺขนฺโธ?

(ข) น วิญฺญาณกฺขนฺโธ น วิญฺญาณํ?

2. ปทโสธนมูลจกฺกวาโร