มงฺคลตฺถทีปนิยา
ปฐโม ภาโค
---------
ปณามคาถา
[1] พุทฺโธ โย มงฺคลตฺถีนํ มงฺคลํ อิติ วิสฺสุโต
เทสโก มงฺคลตฺถานํ มงฺคลนฺตํ นมามิหํ ฯ
ธมฺโม โย มงฺคลตฺถีนํ มงฺคลํ อิติ วิสฺสุโต
โชตโก มงฺคลตฺถานํ มงฺคลนฺตํ นมามิหํ ฯ
สงฺโฆ โย มงฺคลตฺถีนํ มงฺคลํ อิติ วิสฺสุโต
การโก มงฺคลตฺถานํ มงฺคลนฺตํ นมามิหํ ฯ
อิจฺเจวํ มงฺคลานมฺเม ปณาโม สุกโต อหุ
ตพฺพาหสา¹ อหํ หุตฺวา อนฺตรายวินาสโก
มงฺคลทีปกํ ยนฺตํ มงฺคเลน สุเทสิตํ
มงฺคลสุตฺตนาเมน วิสฺสุตํ อติอาณกํ
มงฺคลตฺถญฺจ ปาณีนํ กถิตสฺสิธ เกนจิ
โกฏิลกฺเขสุ ยสฺสาณา จกฺกวาเฬสุ ปตฺถฏา
นานาคนฺเถสุ สารตฺถํ วิโลเกตฺวา ตมาทิย
ตสฺสตฺถํ ทีปยิสฺสามิ ตํ สุณาถ สมาหิตาติ ฯ
1. ตพฺพาหสาติ ตงฺการณาติ อตฺโถ ฯ