[239] ปริหายติ อรหา อรหตฺตาติ? อามนฺตาฯ สพฺพตฺถ อรหา อรหตฺตา ปริหายตีติ? น เหวํ วตฺตพฺเพ…เป.… สพฺพตฺถ อรหา อรหตฺตา ปริหายตีติ? อามนฺตาฯ สพฺพตฺถ อรหโต ปริหานีติ? น เหวํ วตฺตพฺเพ…เป.…ฯ

ปริหายติ อรหา อรหตฺตาติ? อามนฺตา ฯ สพฺพทา อรหา อรหตฺตา ปริหายตีติ? น เหวํ วตฺตพฺเพ…เป.… สพฺพทา อรหา อรหตฺตา ปริหายตีติ? อามนฺตาฯ สพฺพทา อรหโต ปริหานีติ? น เหวํ วตฺตพฺเพ…เป.…ฯ

ปริหายติ อรหา อรหตฺตาติ? อามนฺตาฯ สพฺเพว อรหนฺโต อรหตฺตา ปริหายนฺตีติ? น เหวํ วตฺตพฺเพ…เป.… สพฺเพว อรหนฺโต อรหตฺตา ปริหายนฺตีติ? อามนฺตาฯ สพฺเพสํเยว อรหนฺตานํ ปริหานีติ? น เหวํ วตฺตพฺเพ…เป.…ฯ

ปริหายติ อรหา อรหตฺตาติ? อามนฺตาฯ อรหา อรหตฺตา ปริหายมาโน จตูหิ ผเลหิ ปริหายตีติ? น เหวํ วตฺตพฺเพ…เป.…ฯ

จตูหิ สตสหสฺเสหิ เสฏฺฐี เสฏฺฐิตฺตํ กาเรนฺโต สตสหสฺเส ปริหีเน เสฏฺฐิตฺตา ปริหีโน โหตีติ? อามนฺตาฯ สพฺพสาปเตยฺยา ปริหีโน โหตีติ? น เหวํ วตฺตพฺเพ…เป.…ฯ

จตูหิ สตสหสฺเสหิ เสฏฺฐี เสฏฺฐิตฺตํ กาเรนฺโต สตสหสฺเส ปริหีเน ภพฺโพ สพฺพสาปเตยฺยา ปริหายิตุนฺติ? อามนฺตาฯ อรหา อรหตฺตา ปริหายมาโน ภพฺโพ จตูหิ ผเลหิ ปริหายิตุนฺติ? น เหวํ วตฺตพฺเพ…เป.…ฯ

2. อริยปุคฺคลสํสนฺทนปริหานิ

[240] ปริหายติ อรหา อรหตฺตาติ? อามนฺตาฯ ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

ปริหายติ อรหา อรหตฺตาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตพฺเพ…เป.…ฯ

ปริหายติ อรหา อรหตฺตาติ? อามนฺตาฯ ปริหายติ อนาคามี อนาคามิผลาติ? น เหวํ วตฺตพฺเพ…เป.…ฯ

ปริหายติ อนาคามี อนาคามิผลาติ? อามนฺตาฯ ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

ปริหายติ อนาคามี อนาคามิผลาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตพฺเพ…เป.…ฯ

ปริหายติ สกทาคามี สกทาคามิผลาติ? อามนฺตาฯ ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

น ปริหายติ โสตาปนฺโน โสตาปตฺติผลาติ? อามนฺตาฯ น ปริหายติ อรหา อรหตฺตาติ? น เหวํ วตฺตพฺเพ…เป.…ฯ

น ปริหายติ สกทาคามี สกทาคามิผลาติ? อามนฺตาฯ น ปริหายติ อรหา อรหตฺตาติ? น เหวํ วตฺตพฺเพ…เป.…ฯ

น ปริหายติ อนาคามี อนาคามิผลาติ? อามนฺตาฯ น ปริหายติ อรหา อรหตฺตาติ? น เหวํ วตฺตพฺเพ…เป.…ฯ

น ปริหายติ โสตาปนฺโน โสตาปตฺติผลาติ? อามนฺตาฯ น ปริหายติ อนาคามี อนาคามิผลาติ? น เหวํ วตฺตพฺเพ…เป.…ฯ

น ปริหายติ สกทาคามี สกทาคามิผลาติ? อามนฺตา ฯ น ปริหายติ อนาคามี อนาคามิผลาติ? น เหวํ วตฺตพฺเพ…เป.…ฯ

น ปริหายติ โสตาปนฺโน โสตาปตฺติผลาติ? อามนฺตาฯ น ปริหายติ สกทาคามี สกทาคามิผลาติ? น เหวํ วตฺตพฺเพ…เป.…ฯ

[241] ปริหายติ อรหา อรหตฺตาติ? อามนฺตาฯ อรหา อรหตฺตา ปริหายมาโน กตฺถ สณฺฐาตีติ? อนาคามิผเลติฯ อนาคามี อนาคามิผลา ปริหายมาโน กตฺถ สณฺฐาตีติ? สกทาคามิผเลติฯ สกทาคามี สกทาคามิผลา ปริหายมาโน กตฺถ สณฺฐาตีติ? โสตาปตฺติผเลติฯ โสตาปนฺโน โสตาปตฺติผลา ปริหายมาโน ปุถุชฺชนภูมิยํ สณฺฐาตีติ? น เหวํ วตฺตพฺเพฯ

อาชานาหิ นิคฺคหํฯ หญฺจิ อรหา อรหตฺตา ปริหายมาโน อนาคามิผเล สณฺฐาติ, อนาคามี อนาคามิผลา ปริหายมาโน สกทาคามิผเล สณฺฐาติ, สกทาคามี สกทาคามิผลา ปริหายมาโน โสตาปตฺติผเล สณฺฐาติ; เตน วต เร วตฺตพฺเพ – ‘‘โสตาปนฺโน โสตาปตฺติผลา ปริหายมาโน ปุถุชฺชนภูมิยํ สณฺฐาตี’’ติฯ

อรหา อรหตฺตา ปริหายมาโน โสตาปตฺติผเล สณฺฐาตีติ? อามนฺตาฯ โสตาปตฺติผลสฺส อนนฺตรา อรหตฺตํเยว สจฺฉิกโรตีติ? น เหวํ วตฺตพฺเพ…เป.…ฯ

[242] ปริหายติ อรหา อรหตฺตาติ? อามนฺตาฯ ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.… กสฺส พหุตรา กิเลสา ปหีนา อรหโต วา โสตาปนฺนสฺส วาติ? อรหโตฯ หญฺจิ อรหโต พหุตรา กิเลสา ปหีนา, ปริหายติ อรหา อรหตฺตา; เตน วต เร วตฺตพฺเพ – ‘‘ปริหายติ โสตาปนฺโน โสตาปตฺติผลา’’ติฯ

ปริหายติ อรหา อรหตฺตาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตพฺเพ…เป.… กสฺส พหุตรา กิเลสา ปหีนา อรหโต วา สกทาคามิสฺส วาติ? อรหโตฯ หญฺจิ อรหโต พหุตรา กิเลสา ปหีนา, ปริหายติ อรหา อรหตฺตา; เตน วต เร วตฺตพฺเพ – ‘‘ปริหายติ สกทาคามี สกทาคามิผลา’’ติฯ

ปริหายติ อรหา อรหตฺตาติ? อามนฺตาฯ ปริหายติ อนาคามี อนาคามิผลาติ? น เหวํ วตฺตพฺเพ…เป.… กสฺส พหุตรา กิเลสา ปหีนา อรหโต วา อนาคามิสฺส วาติ? อรหโตฯ หญฺจิ อรหโต พหุตรา กิเลสา ปหีนา, ปริหายติ อรหา อรหตฺตา; เตน วต เร วตฺตพฺเพ – ‘‘ปริหายติ อนาคามี อนาคามิผลา’’ติฯ

ปริหายติ อนาคามี อนาคามิผลาติ? อามนฺตาฯ ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.… กสฺส พหุตรา กิเลสา ปหีนา อนาคามิสฺส วา โสตาปนฺนสฺส วาติ? อนาคามิสฺสฯ หญฺจิ อนาคามิสฺส พหุตรา กิเลสา ปหีนา, ปริหายติ อนาคามี อนาคามิผลา; เตน วต เร วตฺตพฺเพ – ‘‘ปริหายติ โสตาปนฺโน โสตาปตฺติผลา’’ติฯ

[243] ปริหายติ อนาคามี อนาคามิผลาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตพฺเพ…เป.… กสฺส พหุตรา กิเลสา ปหีนา อนาคามิสฺส วา สกทาคามิสฺส วาติ? อนาคามิสฺสฯ หญฺจิ อนาคามิสฺส พหุตรา กิเลสา ปหีนา, ปริหายติ อนาคามี อนาคามิผลา; เตน วต เร วตฺตพฺเพ – ‘‘ปริหายติ สกทาคามี สกทาคามิผลา’’ติฯ

ปริหายติ สกทาคามี สกทาคามิผลาติ? อามนฺตาฯ ปริหายติ โสตาปนฺโน โสตาปตฺติผลาติ ? น เหวํ วตฺตพฺเพ…เป.… กสฺส พหุตรา กิเลสา ปหีนา สกทาคามิสฺส วา โสตาปนฺนสฺส วาติ? สกทาคามิสฺสฯ หญฺจิ สกทาคามิสฺส พหุตรา กิเลสา ปหีนา, ปริหายติ สกทาคามี สกทาคามิผลา; เตน วต เร วตฺตพฺเพ – ‘‘ปริหายติ โสตาปนฺโน โสตาปตฺติผลา’’ติฯ

[244] ปริหายติ อรหา อรหตฺตาติ? อามนฺตาฯ ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.… กสฺส อธิมตฺตา มคฺคภาวนา อรหโต วา โสตาปนฺนสฺส วาติ? อรหโตฯ หญฺจิ อรหโต อธิมตฺตา มคฺคภาวนา, ปริหายติ อรหา อรหตฺตา; เตน วต เร วตฺตพฺเพ – ‘‘ปริหายติ โสตาปนฺโน โสตาปตฺติผลา’’ติฯ

ปริหายติ อรหา อรหตฺตาติ? อามนฺตาฯ ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.… กสฺส อธิมตฺตา สติปฏฺฐานภาวนา…เป.… สมฺมปฺปธานภาวนา… อิทฺธิปาทภาวนา… อินฺทฺริยภาวนา … พลภาวนา… โพชฺฌงฺคภาวนา อรหโต วา โสตาปนฺนสฺส วาติ? อรหโตฯ หญฺจิ อรหโต อธิมตฺตา โพชฺฌงฺคภาวนา, ปริหายติ อรหา อรหตฺตา; เตน วต เร วตฺตพฺเพ – ‘‘ปริหายติ โสตาปนฺโน โสตาปตฺติผลา’’ติฯ

ปริหายติ อรหา อรหตฺตาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตพฺเพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา อรหโต วา สกทาคามิสฺส วาติ? อรหโตฯ หญฺจิ อรหโต อธิมตฺตา โพชฺฌงฺคภาวนา, ปริหายติ อรหา อรหตฺตา; เตน วต เร วตฺตพฺเพ – ‘‘ปริหายติ สกทาคามี สกทาคามิผลา’’ติฯ

ปริหายติ อรหา อรหตฺตาติ? อามนฺตาฯ ปริหายติ อนาคามี อนาคามิผลาติ? น เหวํ วตฺตพฺเพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา อรหโต วา อนาคามิสฺส วาติ? อรหโตฯ หญฺจิ อรหโต อธิมตฺตา โพชฺฌงฺคภาวนา, ปริหายติ อรหา อรหตฺตา; เตน วต เร วตฺตพฺเพ – ‘‘ปริหายติ อนาคามี อนาคามิผลา’’ติฯ

[245] ปริหายติ อนาคามี อนาคามิผลาติ? อามนฺตาฯ ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา อนาคามิสฺส วา โสตาปนฺนสฺส วาติ? อนาคามิสฺสฯ หญฺจิ อนาคามิสฺส อธิมตฺตา โพชฺฌงฺคภาวนา, ปริหายติ อนาคามี อนาคามิผลา; เตน วต เร วตฺตพฺเพ – ‘‘ปริหายติ โสตาปนฺโน โสตาปตฺติผลา’’ติฯ

ปริหายติ อนาคามี อนาคามิผลาติ? อามนฺตาฯ ปริหายติ สกทาคามี สกทาคามิผลาติ? น เหวํ วตฺตพฺเพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา อนาคามิสฺส วา สกทาคามิสฺส วาติ? อนาคามิสฺสฯ หญฺจิ อนาคามิสฺส อธิมตฺตา โพชฺฌงฺคภาวนา, ปริหายติ อนาคามี อนาคามิผลา; เตน วต เร วตฺตพฺเพ – ‘‘ปริหายติ สกทาคามี สกทาคามิผลา’’ติฯ

[246] ปริหายติ สกทาคามี สกทาคามิผลาติ? อามนฺตาฯ ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.… กสฺส อธิมตฺตา มคฺคภาวนา…เป.… โพชฺฌงฺคภาวนา สกทาคามิสฺส วา โสตาปนฺนสฺส วาติ? สกทาคามิสฺสฯ หญฺจิ สกทาคามิสฺส อธิมตฺตา โพชฺฌงฺคภาวนา, ปริหายติ สกทาคามี สกทาคามิผลา; เตน วต เร วตฺตพฺเพ – ‘‘ปริหายติ โสตาปนฺโน โสตาปตฺติผลา’’ติ…เป.…ฯ

[247] อรหตา ทุกฺขํ ทิฏฺฐํ, ปริหายติ อรหา อรหตฺตาติ? อามนฺตาฯ โสตาปนฺเนน ทุกฺขํ ทิฏฺฐํ, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อรหตา สมุทโย ทิฏฺโฐ, ปริหายติ อรหา อรหตฺตาติ ? อามนฺตาฯ โสตาปนฺเนน สมุทโย ทิฏฺโฐ, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อรหตา นิโรโธ ทิฏฺโฐ, ปริหายติ อรหา อรหตฺตาติ? อามนฺตาฯ โสตาปนฺเนน นิโรโธ ทิฏฺโฐ, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อรหตา มคฺโค ทิฏฺโฐ, ปริหายติ อรหา อรหตฺตาติ? อามนฺตาฯ โสตาปนฺเนน มคฺโค ทิฏฺโฐ, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อรหตา จตฺตาริ สจฺจานิ ทิฏฺฐานิ, ปริหายติ อรหา อรหตฺตาติ? อามนฺตาฯ โสตาปนฺเนน จตฺตาริ สจฺจานิ ทิฏฺฐานิ, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อรหตา ทุกฺขํ ทิฏฺฐํ, ปริหายติ อรหา อรหตฺตาติ? อามนฺตาฯ สกทาคามินา ทุกฺขํ ทิฏฺฐํ, ปริหายติ สกทาคามี สกทาคามิผลาติ? น เหวํ วตฺตพฺเพ…เป.…ฯ

อรหตา สมุทโย ทิฏฺโฐ…เป.… นิโรโธ ทิฏฺโฐ…เป.… มคฺโค ทิฏฺโฐ…เป.… จตฺตาริ สจฺจานิ ทิฏฺฐานิ, ปริหายติ อรหา อรหตฺตาติ? อามนฺตาฯ สกทาคามินา จตฺตาริ สจฺจานิ ทิฏฺฐานิ, ปริหายติ สกทาคามี สกทาคามิผลาติ? น เหวํ วตฺตพฺเพ…เป.…ฯ

อรหตา ทุกฺขํ ทิฏฺฐํ, ปริหายติ อรหา อรหตฺตาติ? อามนฺตาฯ อนาคามินา ทุกฺขํ ทิฏฺฐํ, ปริหายติ อนาคามี อนาคามิผลาติ? น เหวํ วตฺตพฺเพ…เป.…ฯ

อรหตา สมุทโย ทิฏฺโฐ…เป.… นิโรโธ ทิฏฺโฐ…เป.… มคฺโค ทิฏฺโฐ…เป.… จตฺตาริ สจฺจานิ ทิฏฺฐานิ, ปริหายติ อรหา อรหตฺตาติ? อามนฺตาฯ อนาคามินา จตฺตาริ สจฺจานิ ทิฏฺฐานิ, ปริหายติ อนาคามี อนาคามิผลาติ? น เหวํ วตฺตพฺเพ…เป.…ฯ

[248] อนาคามินา ทุกฺขํ ทิฏฺฐํ, ปริหายติ อนาคามี อนาคามิผลาติ? อามนฺตาฯ โสตาปนฺเนน ทุกฺขํ ทิฏฺฐํ, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อนาคามินา สมุทโย ทิฏฺโฐ…เป.… นิโรโธ ทิฏฺโฐ…เป.… มคฺโค ทิฏฺโฐ…เป.… จตฺตาริ สจฺจานิ ทิฏฺฐานิ, ปริหายติ อนาคามี อนาคามิผลาติ? อามนฺตา ฯ โสตาปนฺเนน จตฺตาริ สจฺจานิ ทิฏฺฐานิ, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อนาคามินา ทุกฺขํ ทิฏฺฐํ, ปริหายติ อนาคามี อนาคามิผลาติ? อามนฺตาฯ สกทาคามินา ทุกฺขํ ทิฏฺฐํ, ปริหายติ สกทาคามี สกทาคามิผลาติ? น เหวํ วตฺตพฺเพ…เป.…ฯ

อนาคามินา สมุทโย ทิฏฺโฐ…เป.… นิโรโธ ทิฏฺโฐ…เป.… มคฺโค ทิฏฺโฐ…เป.… จตฺตาริ สจฺจานิ ทิฏฺฐานิ, ปริหายติ อนาคามี อนาคามิผลาติ? อามนฺตาฯ สกทาคามินา จตฺตาริ สจฺจานิ ทิฏฺฐานิ, ปริหายติ สกทาคามี สกทาคามิผลาติ? น เหวํ วตฺตพฺเพ…เป.…ฯ

[249] สกทาคามินา ทุกฺขํ ทิฏฺฐํ, ปริหายติ สกทาคามี สกทาคามิผลาติ? อามนฺตาฯ โสตาปนฺเนน ทุกฺขํ ทิฏฺฐํ, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

สกทาคามินา สมุทโย ทิฏฺโฐ…เป.… นิโรโธ ทิฏฺโฐ…เป.… มคฺโค ทิฏฺโฐ…เป.… จตฺตาริ สจฺจานิ ทิฏฺฐานิ, ปริหายติ สกทาคามี สกทาคามิผลาติ? อามนฺตาฯ โสตาปนฺเนน จตฺตาริ สจฺจานิ ทิฏฺฐานิ, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

[250] โสตาปนฺเนน ทุกฺขํ ทิฏฺฐํ, น ปริหายติ โสตาปนฺโน โสตาปตฺติผลาติ? อามนฺตาฯ อรหตา ทุกฺขํ ทิฏฺฐํ, น ปริหายติ อรหา อรหตฺตาติ? น เหวํ วตฺตพฺเพ…เป.…ฯ

โสตาปนฺเนน สมุทโย ทิฏฺโฐ…เป.… นิโรโธ ทิฏฺโฐ…เป.… มคฺโค ทิฏฺโฐ…เป.… จตฺตาริ สจฺจานิ ทิฏฺฐานิ, น ปริหายติ โสตาปนฺโน โสตาปตฺติผลาติ? อามนฺตาฯ อรหตา จตฺตาริ สจฺจานิ ทิฏฺฐานิ, น ปริหายติ อรหา อรหตฺตาติ? น เหวํ วตฺตพฺเพ…เป.…ฯ

สกทาคามินา ทุกฺขํ ทิฏฺฐํ…เป.… จตฺตาริ สจฺจานิ ทิฏฺฐานิ, น ปริหายติ สกทาคามี สกทาคามิผลาติ? อามนฺตาฯ อรหตา จตฺตาริ สจฺจานิ ทิฏฺฐานิ, น ปริหายติ อรหา อรหตฺตาติ? น เหวํ วตฺตพฺเพ…เป.…ฯ

อนาคามินา ทุกฺขํ ทิฏฺฐํ…เป.… จตฺตาริ สจฺจานิ ทิฏฺฐานิ, น ปริหายติ อนาคามี อนาคามิผลาติ? อามนฺตาฯ อรหตา จตฺตาริ สจฺจานิ ทิฏฺฐานิ, น ปริหายติ อรหา อรหตฺตาติ? น เหวํ วตฺตพฺเพ…เป.…ฯ

โสตาปนฺเนน ทุกฺขํ ทิฏฺฐํ…เป.… จตฺตาริ สจฺจานิ ทิฏฺฐานิ, น ปริหายติ โสตาปนฺโน โสตาปตฺติผลาติ? อามนฺตาฯ

อนาคามินา ทุกฺขํ ทิฏฺฐํ…เป.… จตฺตาริ สจฺจานิ ทิฏฺฐานิ, น ปริหายติ อนาคามี อนาคามิผลาติ? น เหวํ วตฺตพฺเพ…เป.…ฯ

สกทาคามินา ทุกฺขํ ทิฏฺฐํ…เป.… จตฺตาริ สจฺจานิ ทิฏฺฐานิ, น ปริหายติ สกทาคามี สกทาคามิผลาติ? อามนฺตาฯ อนาคามินา ทุกฺขํ ทิฏฺฐํ…เป.… จตฺตาริ สจฺจานิ ทิฏฺฐานิ, น ปริหายติ อนาคามี อนาคามิผลาติ? น เหวํ วตฺตพฺเพ…เป.…ฯ

โสตาปนฺเนน ทุกฺขํ ทิฏฺฐํ…เป.… จตฺตาริ สจฺจานิ ทิฏฺฐานิ, น ปริหายติ โสตาปนฺโน โสตาปตฺติผลาติ? อามนฺตาฯ สกทาคามินา ทุกฺขํ ทิฏฺฐํ…เป.… จตฺตาริ สจฺจานิ ทิฏฺฐานิ, น ปริหายติ สกทาคามี สกทาคามิผลาติ? น เหวํ วตฺตพฺเพ…เป.…ฯ

[251] อรหโต ราโค ปหีโน, ปริหายติ อรหา อรหตฺตาติ? อามนฺตาฯ โสตาปนฺนสฺส สกฺกายทิฏฺฐิ ปหีนา, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อรหโต ราโค ปหีโน, ปริหายติ อรหา อรหตฺตาติ? อามนฺตาฯ โสตาปนฺนสฺส วิจิกิจฺฉา ปหีนา…เป.… สีลพฺพตปรามาโส ปหีโน…เป.… อปายคมนีโย ราโค ปหีโน …เป.… อปายคมนีโย โทโส ปหีโน…เป.… อปายคมนีโย โมโห ปหีโน, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อรหโต โทโส ปหีโน…เป.… โมโห ปหีโน… มาโน ปหีโน… ทิฏฺฐิ ปหีนา… วิจิกิจฺฉา ปหีนา… ถินํ [ถีนํ (สี. สฺยา. กํ. ปี.)] ปหีนํ… อุทฺธจฺจํ ปหีนํ… อหิริกํ ปหีนํ…เป.… อโนตฺตปฺปํ ปหีนํ, ปริหายติ อรหา อรหตฺตาติ ? อามนฺตาฯ โสตาปนฺนสฺส สกฺกายทิฏฺฐิ ปหีนา, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อรหโต อโนตฺตปฺปํ ปหีนํ, ปริหายติ อรหา อรหตฺตาติ? อามนฺตาฯ

โสตาปนฺนสฺส วิจิกิจฺฉา ปหีนา…เป.… สีลพฺพตปรามาโส ปหีโน…เป.… อปายคมนีโย ราโค ปหีโน…เป.… อปายคมนีโย โทโส ปหีโน…เป.… อปายคมนีโย โมโห ปหีโน, ปริหายติ โสตาปนฺโน โสตาปตฺติผลาติ? น เหวํ วตฺตพฺเพ…เป.…ฯ

อรหโต ราโค ปหีโน, ปริหายติ อรหา อรหตฺตาติ? อามนฺตาฯ สกทาคามิสฺส สกฺกายทิฏฺฐิ ปหีนา, ปริหายติ สกทาคามี สกทาคามิผลาติ? น เหวํ วตฺตพฺเพฯ

อรหโต ราโค ปหีโน, ปริหายติ อรหา อรหตฺตาติ? อามนฺตาฯ สกทาคามิสฺส วิจิกิจฺฉา ปหีนา…เป.… สีลพฺพตปรามาโส ปหีโน…เป.… โอฬาริโก กามราโค ปหีโน… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ? น เหวํ วตฺตพฺเพ…เป.…ฯ

อรหโต โทโส ปหีโน…เป.… อโนตฺตปฺปํ ปหีนํ, ปริหายติ อรหา อรหตฺตาติ? อามนฺตาฯ สกทาคามิสฺส สกฺกายทิฏฺฐิ ปหีนา…เป.… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ? น เหวํ วตฺตพฺเพฯ

อรหโต ราโค ปหีโน, ปริหายติ อรหา อรหตฺตาติ? อามนฺตาฯ อนาคามิสฺส สกฺกายทิฏฺฐิ ปหีนา, ปริหายติ อนาคามี อนาคามิผลาติ? น เหวํ วตฺตพฺเพ…เป.…ฯ

อรหโต ราโค ปหีโน, ปริหายติ อรหา อรหตฺตาติ? อามนฺตาฯ อนาคามิสฺส วิจิกิจฺฉา ปหีนา…เป.… สีลพฺพตปรามาโส ปหีโน… อณุสหคโต กามราโค ปหีโน… อณุสหคโต พฺยาปาโท ปหีโน, ปริหายติ อนาคามี อนาคามิผลาติ? น เหวํ วตฺตพฺเพฯ

อรหโต โทโส ปหีโน…เป.… อโนตฺตปฺปํ ปหีนํ, ปริหายติ อรหา อรหตฺตาติ? อามนฺตาฯ อนาคามิสฺส สกฺกายทิฏฺฐิ ปหีนา…เป.… อณุสหคโต พฺยาปาโท ปหีโน, ปริหายติ อนาคามี อนาคามิผลาติ? น เหวํ วตฺตพฺเพฯ

[252] อนาคามิสฺส สกฺกายทิฏฺฐิ ปหีนา, ปริหายติ อนาคามี อนาคามิผลาติ? อามนฺตาฯ โสตาปนฺนสฺส สกฺกายทิฏฺฐิ ปหีนา, ปริหายติ โสตาปนฺโน โสตาปตฺติผลาติ? น เหวํ วตฺตพฺเพฯ

อนาคามิสฺส สกฺกายทิฏฺฐิ ปหีนา, ปริหายติ อนาคามี อนาคามิผลาติ? อามนฺตาฯ โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, ปริหายติ โสตาปนฺโน โสตาปตฺติผลาติ? น เหวํ วตฺตพฺเพฯ

อนาคามิสฺส วิจิกิจฺฉา ปหีนา…เป.… อณุสหคโต พฺยาปาโท ปหีโน, ปริหายติ อนาคามี อนาคามิผลาติ? อามนฺตา ฯ โสตาปนฺนสฺส สกฺกายทิฏฺฐิ ปหีนา…เป.… อปายคมนีโย โมโห ปหีโน, ปริหายติ โสตาปนฺโน โสตาปตฺติผลาติ? น เหวํ วตฺตพฺเพฯ

อนาคามิสฺส สกฺกายทิฏฺฐิ ปหีนา, ปริหายติ อนาคามี อนาคามิผลาติ? อามนฺตาฯ สกทาคามิสฺส สกฺกายทิฏฺฐิ ปหีนา, ปริหายติ สกทาคามี สกทาคามิผลาติ? น เหวํ วตฺตพฺเพฯ

อนาคามิสฺส สกฺกายทิฏฺฐิ ปหีนา, ปริหายติ อนาคามี อนาคามิผลาติ? อามนฺตาฯ สกทาคามิสฺส วิจิกิจฺฉา ปหีนา…เป.… สีลพฺพตปรามาโส ปหีโน… โอฬาริโก กามราโค ปหีโน… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ? น เหวํ วตฺตพฺเพฯ

อนาคามิสฺส วิจิกิจฺฉา ปหีนา…เป.… อณุสหคโต พฺยาปาโท ปหีโน, ปริหายติ อนาคามี อนาคามิผลาติ? อามนฺตาฯ สกทาคามิสฺส สกฺกายทิฏฺฐิ ปหีนา…เป.… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ? น เหวํ วตฺตพฺเพฯ

[253] สกทาคามิสฺส สกฺกายทิฏฺฐิ ปหีนา, ปริหายติ สกทาคามี สกทาคามิผลาติ? อามนฺตาฯ โสตาปนฺนสฺส สกฺกายทิฏฺฐิ ปหีนา, ปริหายติ โสตาปนฺโน โสตาปตฺติผลาติ? น เหวํ วตฺตพฺเพฯ

สกทาคามิสฺส สกฺกายทิฏฺฐิ ปหีนา, ปริหายติ สกทาคามี สกทาคามิผลาติ? อามนฺตาฯ โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, ปริหายติ โสตาปนฺโน โสตาปตฺติผลาติ? น เหวํ วตฺตพฺเพฯ

สกทาคามิสฺส วิจิกิจฺฉา ปหีนา…เป.… โอฬาริโก กามราโค ปหีโน… โอฬาริโก พฺยาปาโท ปหีโน, ปริหายติ สกทาคามี สกทาคามิผลาติ ? อามนฺตา ฯ โสตาปนฺนสฺส สกฺกายทิฏฺฐิ ปหีนา…เป.… อปายคมนีโย โมโห ปหีโน, ปริหายติ โสตาปนฺโน โสตาปตฺติผลาติ? น เหวํ วตฺตพฺเพฯ

[254] โสตาปนฺนสฺส สกฺกายทิฏฺฐิ ปหีนา, น ปริหายติ โสตาปนฺโน โสตาปตฺติผลาติ? อามนฺตาฯ อรหโต ราโค ปหีโน, น ปริหายติ อรหา อรหตฺตาติ? น เหวํ วตฺตพฺเพฯ

โสตาปนฺนสฺส สกฺกายทิฏฺฐิ ปหีนา, น ปริหายติ โสตาปนฺโน โสตาปตฺติผลาติ? อามนฺตาฯ อรหโต โทโส ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตพฺเพฯ

โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, น ปริหายติ โสตาปนฺโน โสตาปตฺติผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตพฺเพฯ

[255] สกทาคามิสฺส สกฺกายทิฏฺฐิ ปหีนา, น ปริหายติ สกทาคามี สกทาคามิผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตพฺเพฯ

สกทาคามิสฺส วิจิกิจฺฉา ปหีนา…เป.… โอฬาริโก พฺยาปาโท ปหีโน, น ปริหายติ สกทาคามี สกทาคามิผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตพฺเพฯ

[256] อนาคามิสฺส สกฺกายทิฏฺฐิ ปหีนา, น ปริหายติ อนาคามี อนาคามิผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตพฺเพ ฯ

อนาคามิสฺส วิจิกิจฺฉา ปหีนา…เป.… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? อามนฺตาฯ อรหโต ราโค ปหีโน…เป.… อโนตฺตปฺปํ ปหีนํ, น ปริหายติ อรหา อรหตฺตาติ? น เหวํ วตฺตพฺเพฯ

[257] โสตาปนฺนสฺส สกฺกายทิฏฺฐิ ปหีนา, น ปริหายติ โสตาปนฺโน โสตาปตฺติผลาติ? อามนฺตาฯ อนาคามิสฺส สกฺกายทิฏฺฐิ ปหีนา… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? น เหวํ วตฺตพฺเพฯ

โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, น ปริหายติ โสตาปนฺโน โสตาปตฺติผลาติ? อามนฺตาฯ อนาคามิสฺส สกฺกายทิฏฺฐิ ปหีนา…เป.… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? น เหวํ วตฺตพฺเพฯ

[258] สกทาคามิสฺส สกฺกายทิฏฺฐิ ปหีนา, น ปริหายติ สกทาคามี สกทาคามิผลาติ? อามนฺตาฯ อนาคามิสฺส สกฺกายทิฏฺฐิ ปหีนา…เป.… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? น เหวํ วตฺตพฺเพฯ

สกทาคามิสฺส วิจิกิจฺฉา ปหีนา…เป.… โอฬาริโก พฺยาปาโท ปหีโน, น ปริหายติ สกทาคามี สกทาคามิผลาติ? อามนฺตาฯ อนาคามิสฺส สกฺกายทิฏฺฐิ ปหีนา…เป.… อณุสหคโต พฺยาปาโท ปหีโน, น ปริหายติ อนาคามี อนาคามิผลาติ? น เหวํ วตฺตพฺเพฯ

[259] โสตาปนฺนสฺส สกฺกายทิฏฺฐิ ปหีนา, น ปริหายติ โสตาปนฺโน โสตาปตฺติผลาติ? อามนฺตาฯ สกทาคามิสฺส สกฺกายทิฏฺฐิ ปหีนา…เป.… โอฬาริโก พฺยาปาโท ปหีโน, น ปริหายติ สกทาคามี สกทาคามิผลาติ? น เหวํ วตฺตพฺเพฯ

โสตาปนฺนสฺส วิจิกิจฺฉา ปหีนา…เป.… อปายคมนีโย โมโห ปหีโน, น ปริหายติ โสตาปนฺโน โสตาปตฺติผลาติ? อามนฺตาฯ สกทาคามิสฺส สกฺกายทิฏฺฐิ ปหีนา…เป.… โอฬาริโก พฺยาปาโท ปหีโน, น ปริหายติ สกทาคามี สกทาคามิผลาติ? น เหวํ วตฺตพฺเพฯ

[260] ปริหายติ อรหา อรหตฺตาติ? อามนฺตาฯ นนุ อรหโต ราโค ปหีโน อุจฺฉินฺนมูโล ตาลาวตฺถุกโต อนภาวงฺกโต [อนภาวกโต (สี.)] อายติํ อนุปฺปาทธมฺโมติ? อามนฺตาฯ

หญฺจิ อรหโต ราโค ปหีโน อุจฺฉินฺนมูโล ตาลาวตฺถุกโต อนภาวงฺกโต อายติํ อนุปฺปาทธมฺโม, โน จ วต เร [โน วต เร (สฺยา. ปี.) เอวมุปริปิ] วตฺตพฺเพ – ‘‘ปริหายติ อรหา อรหตฺตา’’ติฯ

ปริหายติ อรหา อรหตฺตาติ? อามนฺตาฯ นนุ อรหโต โทโส ปหีโน…เป.… โมโห ปหีโน… มาโน ปหีโน… ทิฏฺฐิ ปหีนา… วิจิกิจฺฉา ปหีนา… ถินํ ปหีนํ… อุทฺธจฺจํ ปหีนํ… อหิริกํ ปหีนํ… อโนตฺตปฺปํ ปหีนํ อุจฺฉินฺนมูลํ ตาลาวตฺถุกตํ อนภาวงฺกตํ อายติํ อนุปฺปาทธมฺมนฺติ? อามนฺตาฯ หญฺจิ อรหโต อโนตฺตปฺปํ ปหีนํ อุจฺฉินฺนมูลํ ตาลาวตฺถุกตํ อนภาวงฺกตํ อายติํ อนุปฺปาทธมฺมํ, โน จ วต เร วตฺตพฺเพ – ‘‘ปริหายติ อรหา อรหตฺตา’’ติฯ

ปริหายติ อรหา อรหตฺตาติ? อามนฺตาฯ นนุ อรหโต ราคปฺปหานาย มคฺโค ภาวิโตติ ? อามนฺตาฯ หญฺจิ อรหโต ราคปฺปหานาย มคฺโค ภาวิโต, โน จ วต เร วตฺตพฺเพ – ‘‘ปริหายติ อรหา อรหตฺตา’’ติฯ

ปริหายติ อรหา อรหตฺตาติ? อามนฺตาฯ นนุ อรหโต ราคปฺปหานาย สติปฏฺฐานา ภาวิตา…เป.… สมฺมปฺปธานา ภาวิตา… อิทฺธิปาทา ภาวิตา… อินฺทฺริยา ภาวิตา… พลา ภาวิตา… โพชฺฌงฺคา ภาวิตาติ? อามนฺตาฯ หญฺจิ อรหโต ราคปฺปหานาย โพชฺฌงฺคา ภาวิตา, โน จ วต เร วตฺตพฺเพ – ‘‘ปริหายติ อรหา อรหตฺตา’’ติฯ

ปริหายติ อรหา อรหตฺตาติ? อามนฺตาฯ นนุ อรหโต โทสปฺปหานาย…เป.… อโนตฺตปฺปปหานาย มคฺโค ภาวิโต…เป.… โพชฺฌงฺคา ภาวิตาติ? อามนฺตาฯ หญฺจิ อรหโต อโนตฺตปฺปปหานาย โพชฺฌงฺคา ภาวิตา, โน จ วต เร วตฺตพฺเพ – ‘‘ปริหายติ อรหา อรหตฺตา’’ติฯ

[261] ปริหายติ อรหา อรหตฺตาติ? อามนฺตาฯ

นนุ อรหา วีตราโค วีตโทโส วีตโมโห กตกรณีโย โอหิตภาโร อนุปฺปตฺตสทตฺโถ ปริกฺขีณภวสํโยชโน สมฺมทญฺญาวิมุตฺโต อุกฺขิตฺตปลิโฆ สงฺกิณฺณปริโข อพฺพูฬฺเหสิโก นิรคฺคโฬ อริโย ปนฺนทฺธโช ปนฺนภาโร วิสญฺญุตฺโต สุวิชิตวิชโย; ทุกฺขํ ตสฺส ปริญฺญาตํ, สมุทโย ปหีโน, นิโรโธ สจฺฉิกโต, มคฺโค ภาวิโต, อภิญฺเญยฺยํ อภิญฺญาตํ , ปริญฺเญยฺยํ ปริญฺญาตํ, ปหาตพฺพํ ปหีนํ, ภาเวตพฺพํ ภาวิตํ, สจฺฉิกาตพฺพํ สจฺฉิกตนฺติ? อามนฺตาฯ หญฺจิ อรหา วีตราโค วีตโทโส วีตโมโห…เป.… สจฺฉิกาตพฺพํ สจฺฉิกตํ, โน จ วต เร วตฺตพฺเพ – ‘‘ปริหายติ อรหา อรหตฺตา’’ติฯ

[262] ปริหายติ อรหา อรหตฺตาติ? ( ) [(อามนฺตา) (ก.)] สมยวิมุตฺโต อรหา อรหตฺตา ปริหายติ, อสมยวิมุตฺโต อรหา อรหตฺตา น ปริหายตีติฯ สมยวิมุตฺโต อรหา อรหตฺตา ปริหายตีติ? อามนฺตาฯ อสมยวิมุตฺโต อรหา อรหตฺตา ปริหายตีติ [น ปริหายตีติ (ก.)]? น เหวํ วตฺตพฺเพฯ

อสมยวิมุตฺโต อรหา อรหตฺตา น ปริหายตีติ? อามนฺตาฯ สมยวิมุตฺโต อรหา อรหตฺตา น ปริหายตีติ? น เหวํ วตฺตพฺเพฯ

สมยวิมุตฺตสฺส อรหโต ราโค ปหีโน, ปริหายติ สมยวิมุตฺโต อรหา อรหตฺตาติ? อามนฺตาฯ อสมยวิมุตฺตสฺส อรหโต ราโค ปหีโน, ปริหายติ อสมยวิมุตฺโต อรหา อรหตฺตาติ? น เหวํ วตฺตพฺเพฯ

สมยวิมุตฺตสฺส อรหโต โทโส ปหีโน…เป.… อโนตฺตปฺปํ ปหีนํ, ปริหายติ สมยวิมุตฺโต อรหา อรหตฺตาติ? อามนฺตาฯ อสมยวิมุตฺตสฺส อรหโต อโนตฺตปฺปํ ปหีนํ, ปริหายติ อสมยวิมุตฺโต อรหา อรหตฺตาติ? น เหวํ วตฺตพฺเพฯ

สมยวิมุตฺตสฺส อรหโต ราคปฺปหานาย มคฺโค ภาวิโต, ปริหายติ สมยวิมุตฺโต อรหา อรหตฺตาติ? อามนฺตาฯ อสมยวิมุตฺตสฺส อรหโต ราคปฺปหานาย มคฺโค ภาวิโต, ปริหายติ อสมยวิมุตฺโต อรหา อรหตฺตาติ? น เหวํ วตฺตพฺเพฯ

สมยวิมุตฺตสฺส อรหโต ราคปฺปหานาย สติปฏฺฐานา ภาวิตา…เป.… สมฺมปฺปธานา ภาวิตา… อิทฺธิปาทา ภาวิตา… อินฺทฺริยา ภาวิตา… พลา ภาวิตา… โพชฺฌงฺคา ภาวิตา, ปริหายติ สมยวิมุตฺโต อรหา อรหตฺตาติ? อามนฺตาฯ

อสมยวิมุตฺตสฺส อรหโต ราคปฺปหานาย สติปฏฺฐานา ภาวิตา…เป.… โพชฺฌงฺคา ภาวิตา, ปริหายติ อสมยวิมุตฺโต อรหา อรหตฺตาติ? น เหวํ วตฺตพฺเพฯ

สมยวิมุตฺตสฺส อรหโต โทสปฺปหานาย…เป.… อโนตฺตปฺปปหานาย มคฺโค ภาวิโต…เป.… โพชฺฌงฺคา ภาวิตา, ปริหายติ สมยวิมุตฺโต อรหา อรหตฺตาติ? อามนฺตาฯ อสมยวิมุตฺตสฺส อรหโต อโนตฺตปฺปปหานาย มคฺโค ภาวิโต…เป.… โพชฺฌงฺคา ภาวิตา, ปริหายติ อสมยวิมุตฺโต อรหา อรหตฺตาติ? น เหวํ วตฺตพฺเพ…เป.…ฯ

สมยวิมุตฺโต อรหา วีตราโค วีตโทโส วีตโมโห กตกรณีโย โอหิตภาโร อนุปฺปตฺตสทตฺโถ ปริกฺขีณภวสํโยชโน สมฺมทญฺญาวิมุตฺโต อุกฺขิตฺตปลิโฆ สงฺกิณฺณปริโข อพฺพูฬฺเหสิโก นิรคฺคโฬ อริโย ปนฺนทฺธโช ปนฺนภาโร วิสญฺญุตฺโต สุวิชิตวิชโย, ทุกฺขํ ตสฺส ปริญฺญาตํ, สมุทโย ปหีโน, นิโรโธ สจฺฉิกโต, มคฺโค ภาวิโต, อภิญฺเญยฺยํ อภิญฺญาตํ, ปริญฺเญยฺยํ ปริญฺญาตํ, ปหาตพฺพํ ปหีนํ, ภาเวตพฺพํ ภาวิตํ, สจฺฉิกาตพฺพํ สจฺฉิกตํ , ปริหายติ สมยวิมุตฺโต อรหา อรหตฺตาติ? อามนฺตาฯ อสมยวิมุตฺโต อรหา วีตราโค วีตโทโส วีตโมโห…เป.… สจฺฉิกาตพฺพํ สจฺฉิกตํ, ปริหายติ อสมยวิมุตฺโต อรหา อรหตฺตาติ? น เหวํ วตฺตพฺเพฯ

[263] อสมยวิมุตฺตสฺส อรหโต ราโค ปหีโน, น ปริหายติ อสมยวิมุตฺโต อรหา อรหตฺตาติ? อามนฺตาฯ สมยวิมุตฺตสฺส อรหโต ราโค ปหีโน, น ปริหายติ สมยวิมุตฺโต อรหา อรหตฺตาติ? น เหวํ วตฺตพฺเพฯ

อสมยวิมุตฺตสฺส อรหโต โทโส ปหีโน…เป.… อโนตฺตปฺปํ ปหีนํ, น ปริหายติ อสมยวิมุตฺโต อรหา อรหตฺตาติ? อามนฺตาฯ สมยวิมุตฺตสฺส อรหโต อโนตฺตปฺปํ ปหีนํ, น ปริหายติ สมยวิมุตฺโต อรหา อรหตฺตาติ? น เหวํ วตฺตพฺเพฯ

อสมยวิมุตฺตสฺส อรหโต ราคปฺปหานาย มคฺโค ภาวิโต…เป.… โพชฺฌงฺคา ภาวิตา, น ปริหายติ อสมยวิมุตฺโต อรหา อรหตฺตาติ? อามนฺตาฯ

สมยวิมุตฺตสฺส อรหโต ราคปฺปหานาย มคฺโค ภาวิโต…เป.… โพชฺฌงฺคา ภาวิตา, น ปริหายติ สมยวิมุตฺโต อรหา อรหตฺตาติ? น เหวํ วตฺตพฺเพฯ

อสมยวิมุตฺตสฺส อรหโต โทสปฺปหานาย…เป.… อโนตฺตปฺปปหานาย มคฺโค ภาวิโต…เป.… โพชฺฌงฺคา ภาวิตา, น ปริหายติ อสมยวิมุตฺโต อรหา อรหตฺตาติ? อามนฺตาฯ สมยวิมุตฺตสฺส อรหโต อโนตฺตปฺปปหานาย มคฺโค ภาวิโต…เป.… โพชฺฌงฺคา ภาวิตา, น ปริหายติ สมยวิมุตฺโต อรหา อรหตฺตาติ? น เหวํ วตฺตพฺเพฯ

อสมยวิมุตฺโต อรหา วีตราโค วีตโทโส วีตโมโห…เป.… สจฺฉิกาตพฺพํ สจฺฉิกตํ, น ปริหายติ อสมยวิมุตฺโต อรหา อรหตฺตาติ? อามนฺตาฯ สมยวิมุตฺโต อรหา วีตราโค วีตโทโส วีตโมโห…เป.… สจฺฉิกาตพฺพํ สจฺฉิกตํ, น ปริหายติ สมยวิมุตฺโต อรหา อรหตฺตาติ? น เหวํ วตฺตพฺเพ…เป.…ฯ

[264] ปริหายติ อรหา อรหตฺตาติ? อามนฺตาฯ สาริปุตฺโต เถโร ปริหายิตฺถ อรหตฺตาติ ? น เหวํ วตฺตพฺเพฯ มหาโมคฺคลฺลาโน [มหาโมคฺคลาโน (ก.)] เถโร… มหากสฺสโป เถโร… มหากจฺจายโน [มหากจฺจาโน (ม. นิ. 1.202 อาทโย)] เถโร… มหาโกฏฺฐิโก [มหาโกฏฺฐิโต (สี. สฺยา. กํ. ปี.)] เถโร… มหาปนฺถโก เถโร ปริหายิตฺถ อรหตฺตาติ? น เหวํ วตฺตพฺเพฯ

สาริปุตฺโต เถโร น ปริหายิตฺถ อรหตฺตาติ? อามนฺตาฯ หญฺจิ สาริปุตฺโต เถโร น ปริหายิตฺถ อรหตฺตา, โน จ วต เร วตฺตพฺเพ – ‘‘ปริหายติ อรหา อรหตฺตา’’ติฯ

มหาโมคฺคลฺลาโน เถโร… มหากสฺสโป เถโร… มหากจฺจายโน เถโร… มหาโกฏฺฐิโก เถโร… มหาปนฺถโก เถโร น ปริหายิตฺถ อรหตฺตาติ? อามนฺตาฯ หญฺจิ มหาปนฺถโก เถโร น ปริหายิตฺถ อรหตฺตา, โน จ วต เร วตฺตพฺเพ – ‘‘ปริหายติ อรหา อรหตฺตา’’ติฯ

อริยปุคฺคลสํสนฺทนํฯ

3. สุตฺตสาธนปริหานิ