(190) 5. ตถตากถา

[841] สพฺพธมฺมานํ ตถตา อสงฺขตาติ? อามนฺตาฯ นิพฺพานํ…เป.… อมตนฺติ? น เหวํ วตฺตพฺเพ…เป.… สพฺพธมฺมานํ ตถตา อสงฺขตา, นิพฺพานํ อสงฺขตนฺติ ? อามนฺตาฯ ทฺเว อสงฺขตานีติ? น เหวํ วตฺตพฺเพ…เป.… ทฺเว อสงฺขตานีติ? อามนฺตาฯ ทฺเว ตาณานิ…เป.… อนฺตริกา วาติ? น เหวํ วตฺตพฺเพ…เป.…ฯ

[842] รูปสฺส รูปตา, นนุ รูปตา อสงฺขตาติ? อามนฺตาฯ นิพฺพานํ…เป.… อมตนฺติ? น เหวํ วตฺตพฺเพ…เป.… รูปสฺส รูปตา, นนุ รูปตา อสงฺขตา, นิพฺพานํ อสงฺขตนฺติ? อามนฺตาฯ ทฺเว อสงฺขตานีติ? น เหวํ วตฺตพฺเพ…เป.… ทฺเว อสงฺขตานีติ? อามนฺตาฯ ทฺเว ตาณานิ…เป.… อนฺตริกา วาติ? น เหวํ วตฺตพฺเพ…เป.…ฯ

เวทนาย เวทนตา, นนุ เวทนตา…เป.… สญฺญาย สญฺญตา, นนุ สญฺญตา…เป.… สงฺขารานํ สงฺขารตา, นนุ สงฺขารตา…เป.… วิญฺญาณสฺส วิญฺญาณตา, นนุ วิญฺญาณตา อสงฺขตาติ? อามนฺตาฯ นิพฺพานํ…เป.… อมตนฺติ? น เหวํ วตฺตพฺเพ …เป.…ฯ

รูปสฺส รูปตา, นนุ รูปตา…เป.… วิญฺญาณสฺส วิญฺญาณตา, นนุ วิญฺญาณตา อสงฺขตา, นิพฺพานํ อสงฺขตนฺติ? อามนฺตาฯ ฉ อสงฺขตานีติ? น เหวํ วตฺตพฺเพ…เป.… ฉ อสงฺขตานีติ? อามนฺตาฯ ฉ ตาณานิ…เป.… อนฺตริกา วาติ? น เหวํ วตฺตพฺเพ…เป.…ฯ

[843] น วตฺตพฺพํ – ‘‘สพฺพธมฺมานํ ตถตา อสงฺขตา’’ติ? อามนฺตาฯ สพฺพธมฺมานํ ตถตา รูปํ… เวทนา… สญฺญา… สงฺขารา… วิญฺญาณนฺติ? น เหวํ วตฺตพฺเพ ฯ เตน หิ สพฺพธมฺมานํ ตถตา อสงฺขตาติฯ

ตถตากถา นิฏฺฐิตาฯ

19. เอกูนวีสติมวคฺโค

(191) 6. กุสลกถา

[844] นิพฺพานธาตุ กุสลาติ? อามนฺตาฯ สารมฺมณา, อตฺถิ ตาย อาวฏฺฏนา…เป.… ปณิธีติ? น เหวํ วตฺตพฺเพ…เป.… นนุ อนารมฺมณา, นตฺถิ ตาย อาวฏฺฏนา…เป.… ปณิธีติ? อามนฺตาฯ หญฺจิ อนารมฺมณา, นตฺถิ ตาย อาวฏฺฏนา…เป.… ปณิธิ, โน จ วต เร วตฺตพฺเพ – ‘‘นิพฺพานธาตุ กุสลา’’ติฯ

[845] อโลโภ กุสโล สารมฺมโณ, อตฺถิ ตสฺส อาวฏฺฏนา…เป.… ปณิธีติ? อามนฺตาฯ นิพฺพานธาตุ กุสลา สารมฺมณา, อตฺถิ ตาย อาวฏฺฏนา…เป.… ปณิธีติ? น เหวํ วตฺตพฺเพ …เป.… อโทโส กุสโล…เป.… อโมโห กุสโล…เป.… สทฺธา… วีริยํ… สติ… สมาธิ…เป.… ปญฺญา กุสลา สารมฺมณา, อตฺถิ ตาย อาวฏฺฏนา…เป.… ปณิธีติ? อามนฺตาฯ นิพฺพานธาตุ กุสลา สารมฺมณา, อตฺถิ ตาย อาวฏฺฏนา…เป.… ปณิธีติ? น เหวํ วตฺตพฺเพ…เป.…ฯ

นิพฺพานธาตุ กุสลา อนารมฺมณา, นตฺถิ ตาย อาวฏฺฏนา…เป.… ปณิธีติ? อามนฺตา ฯ อโลโภ กุสโล อนารมฺมโณ, นตฺถิ ตสฺส อาวฏฺฏนา…เป.… ปณิธีติ? น เหวํ วตฺตพฺเพ…เป.… นิพฺพานธาตุ กุสลา อนารมฺมณา, นตฺถิ ตาย อาวฏฺฏนา…เป.… ปณิธีติ? อามนฺตา ฯ อโทโส กุสโล…เป.… อโมโห กุสโล…เป.… สทฺธา… วีริยํ… สติ… สมาธิ…เป.… ปญฺญา กุสลา อนารมฺมณา, นตฺถิ ตาย อาวฏฺฏนา…เป.… ปณิธีติ? น เหวํ วตฺตพฺเพ…เป.…ฯ

[846] น วตฺตพฺพํ – ‘‘นิพฺพานธาตุ กุสลา’’ติ? อามนฺตาฯ นนุ นิพฺพานธาตุ อนวชฺชาติ? อามนฺตาฯ หญฺจิ นิพฺพานธาตุ อนวชฺชา, เตน วต เร วตฺตพฺเพ – ‘‘นิพฺพานธาตุ กุสลา’’ติฯ

กุสลกถา นิฏฺฐิตาฯ

19. เอกูนวีสติมวคฺโค

(192) 7. อจฺจนฺตนิยามกถา

[847] อตฺถิ ปุถุชฺชนสฺส อจฺจนฺตนิยามตาติ? อามนฺตาฯ มาตุฆาตโก อจฺจนฺตนิยโต, ปิตุฆาตโก…เป.… อรหนฺตฆาตโก…เป.… รุหิรุปฺปาทโก …เป.… สงฺฆเภทโก อจฺจนฺตนิยโตติ? น เหวํ วตฺตพฺเพ…เป.…ฯ