เมนู

โลกุตฺตรํ กุสลํ อวิปากนฺติ? อามนฺตาฯ กามาวจรํ กุสลํ อวิปากนฺติ? น เหวํ วตฺตพฺเพ…เป.… โลกุตฺตรํ กุสลํ อวิปากนฺติ? อามนฺตา ฯ รูปาวจรํ…เป.… อรูปาวจรํ กุสลํ อวิปากนฺติ? น เหวํ วตฺตพฺเพ…เป.…ฯ

[500] กามาวจรํ กุสลํ สวิปากํ อาจยคามีติ? อามนฺตาฯ โลกุตฺตรํ กุสลํ สวิปากํ อาจยคามีติ? น เหวํ วตฺตพฺเพ…เป.… รูปาวจรํ…เป.… อรูปาวจรํ กุสลํ สวิปากํ อาจยคามีติ? อามนฺตาฯ โลกุตฺตรํ กุสลํ สวิปากํ อาจยคามีติ? น เหวํ วตฺตพฺเพ…เป.…ฯ

โลกุตฺตรํ กุสลํ สวิปากํ อปจยคามีติ? อามนฺตาฯ กามาวจรํ กุสลํ สวิปากํ อปจยคามีติ? น เหวํ วตฺตพฺเพ…เป.…ฯ โลกุตฺตรํ กุสลํ สวิปากํ อปจยคามีติ? อามนฺตาฯ รูปาวจรํ…เป.… อรูปาวจรํ กุสลํ สวิปากํ อปจยคามีติ? น เหวํ วตฺตพฺเพ…เป.…ฯ

อริยธมฺมวิปากกถา นิฏฺฐิตาฯ

7. สตฺตมวคฺโค

(72) 10. วิปาโก วิปากธมฺมธมฺโมติกถา

[501] วิปาโก วิปากธมฺมธมฺโมติ? อามนฺตาฯ ตสฺส วิปาโก วิปากธมฺมธมฺโมติ? น เหวํ วตฺตพฺเพ…เป.… ตสฺส วิปาโก วิปากธมฺมธมฺโมติ? อามนฺตาฯ ตสฺส ตสฺเสว นตฺถิ ทุกฺขสฺส อนฺตกิริยา นตฺถิ วฏฺฏุปจฺเฉโท นตฺถิ อนุปาทาปรินิพฺพานนฺติ? น เหวํ วตฺตพฺเพ…เป.…ฯ

วิปาโก วิปากธมฺมธมฺโมติ? อามนฺตาฯ วิปาโกติ วา วิปากธมฺมธมฺโมติ วา วิปากธมฺมธมฺโมติ วา วิปาโกติ วา เอเสเส เอกฏฺเฐ สเม สมภาเค ตชฺชาเตติ? น เหวํ วตฺตพฺเพ…เป.…ฯ

วิปาโก วิปากธมฺมธมฺโมติ? อามนฺตาฯ วิปาโก จ วิปากธมฺมธมฺโม จ วิปากธมฺมธมฺโม จ วิปาโก จ สหคตา สหชาตา สํสฏฺฐา สมฺปยุตฺตา เอกุปฺปาทา เอกนิโรธา เอกวตฺถุกา เอการมฺมณาติ? น เหวํ วตฺตพฺเพ…เป.…ฯ

วิปาโก วิปากธมฺมธมฺโมติ? อามนฺตาฯ ตญฺเญว อกุสลํ โส อกุสลสฺส วิปาโก, ตญฺเญว กุสลํ โส กุสลสฺส วิปาโกติ? น เหวํ วตฺตพฺเพ…เป.…ฯ

วิปาโก วิปากธมฺมธมฺโมติ? อามนฺตาฯ เยเนว จิตฺเตน ปาณํ หนติ เตเนว จิตฺเตน นิรเย ปจฺจติ, เยเนว จิตฺเตน ทานํ เทติ เตเนว จิตฺเตน สคฺเค โมทตีติ? น เหวํ วตฺตพฺเพ…เป.…ฯ

[502] วตฺตพฺพํ – ‘‘วิปาโก วิปากธมฺมธมฺโม’’ติ? อามนฺตาฯ นนุ วิปากา จตฺตาโร ขนฺธา อรูปิโน อญฺญมญฺญปจฺจยาติ? อามนฺตาฯ หญฺจิ วิปากา จตฺตาโร ขนฺธา อรูปิโน อญฺญมญฺญปจฺจยา, เตน วต เร วตฺตพฺเพ – ‘‘วิปาโก วิปากธมฺมธมฺโม’’ติฯ

วิปาโก วิปากธมฺมธมฺโมติกถา นิฏฺฐิตาฯ

สตฺตมวคฺโคฯ

ตสฺสุทฺทานํ –

สงฺคโห , สมฺปยุตฺโต, เจตสิโก ธมฺโม, เจตสิกํ ทานํ, ปริโภคมยํ ปุญฺญํ วฑฺฒติ, อิโต ทินฺเนน ตตฺถ ยาเปนฺติ, ปถวี กมฺมวิปาโก, ชรามรณํ วิปาโก, นตฺถิ อริยธมฺมวิปาโก, วิปาโก วิปากธมฺมธมฺโมติฯ

8. อฏฺฐมวคฺโค

(73) 1. ฉคติกถา

[503] คติโยติ? อามนฺตาฯ นนุ ปญฺจ คติโย วุตฺตา ภควตา – นิรโย, ติรจฺฉานโยนิ, เปตฺติวิสโย, มนุสฺสา, เทวาติ [ม. นิ. 1.153]? อามนฺตาฯ หญฺจิ ปญฺจ คติโย วุตฺตา ภควตา – นิรโย, ติรจฺฉานโยนิ, เปตฺติวิสโย, มนุสฺสา, เทวา; โน จ วต เร วตฺตพฺเพ – ‘‘ฉ คติโย’’ติฯ