น วตฺตพฺพํ – ‘‘คิหิสฺส อรหา’’ติ? อามนฺตาฯ นนุ ยโส กุลปุตฺโต, อุตฺติโย คหปติ, เสตุ มาณโว, คิหิพฺยญฺชเนน อรหตฺตํ ปตฺโตติ? อามนฺตาฯ หญฺจิ ยโส กุลปุตฺโต, อุตฺติโย คหปติ, เสตุ มาณโว, คิหิพฺยญฺชเนน อรหตฺตํ ปตฺโต, เตน วต เร วตฺตพฺเพ – ‘‘คิหิสฺส อรหา’’ติฯ

คิหิสฺส อรหาติกถา นิฏฺฐิตาฯ

4. จตุตฺถวคฺโค

(34) 2. อุปปตฺติกถา

[388] สห อุปปตฺติยา อรหาติ? อามนฺตาฯ สห อุปปตฺติยา โสตาปนฺโน โหตีติ? น เหวํ วตฺตพฺเพ…เป.…ฯ

สห อุปปตฺติยา อรหาติ? อามนฺตา ฯ สห อุปปตฺติยา สกทาคามี โหตีติ? น เหวํ วตฺตพฺเพ…เป.…ฯ

สห อุปปตฺติยา อรหาติ? อามนฺตาฯ สห อุปปตฺติยา อนาคามี โหตีติ? น เหวํ วตฺตพฺเพ…เป.…ฯ

สห อุปปตฺติยา โสตาปนฺโน น โหตีติ? อามนฺตาฯ หญฺจิ สห อุปปตฺติยา โสตาปนฺโน น โหติ, โน จ วต เร วตฺตพฺเพ – ‘‘สห อุปปตฺติยา อรหา’’ติฯ

สห อุปปตฺติยา สกทาคามี น โหตีติ? อามนฺตาฯ หญฺจิ สห อุปปตฺติยา สกทาคามี น โหติ, โน จ วต เร วตฺตพฺเพ – ‘‘สห อุปปตฺติยา อรหา’’ติฯ

สห อุปปตฺติยา อนาคามี น โหตีติ? อามนฺตาฯ หญฺจิ สห อุปปตฺติยา อนาคามี น โหติ, โน จ วต เร วตฺตพฺเพ – ‘‘สห อุปปตฺติยา อรหา’’ติฯ

[389] สห อุปปตฺติยา อรหาติ? อามนฺตาฯ สาริปุตฺโต เถโร สห อุปปตฺติยา อรหาติ? น เหวํ วตฺตพฺเพฯ

มหาโมคฺคลฺลาโน เถโร …เป.… มหากสฺสโป เถโร…เป.… มหากจฺจาโน เถโร…เป.… มหาโกฏฺฐิโก เถโร…เป.… มหาปนฺถโก เถโร สห อุปปตฺติยา อรหาติ? น เหวํ วตฺตพฺเพ…เป.…ฯ

สาริปุตฺโต เถโร น สห อุปปตฺติยา อรหาติ? อามนฺตาฯ หญฺจิ สาริปุตฺโต เถโร น สห อุปปตฺติยา อรหา, โน จ วต เร วตฺตพฺเพ – ‘‘สห อุปปตฺติยา อรหา’’ติฯ

มหาโมคฺคลฺลาโน เถโร…เป.… มหากสฺสโป เถโร…เป.… มหากจฺจาโน เถโร…เป.… มหาโกฏฺฐิโก เถโร…เป.… มหาปนฺถโก เถโร น สห อุปปตฺติยา อรหาติ? อามนฺตาฯ หญฺจิ มหาปนฺถโก เถโร น สห อุปปตฺติยา อรหา, โน จ วต เร วตฺตพฺเพ – ‘‘สห อุปปตฺติยา อรหา’’ติฯ

[390] สห อุปปตฺติยา อรหาติ? อามนฺตาฯ อุปปตฺเตสิเยน จิตฺเตน อรหตฺตํ สจฺฉิกโรติ โลกิเยน สาสเวน…เป.… สํกิเลสิเยนาติ ? น เหวํ วตฺตพฺเพ…เป.…ฯ

สห อุปปตฺติยา อรหาติ? อามนฺตาฯ อุปปตฺเตสิยํ จิตฺตํ นิยฺยานิกํ ขยคามี โพธคามี อปจยคามี อนาสวํ…เป.… อสํกิเลสิยนฺติ? น เหวํ วตฺตพฺเพ…เป.…ฯ

นนุ อุปปตฺเตสิยํ จิตฺตํ อนิยฺยานิกํ น ขยคามิ น โพธคามิ น อปจยคามิ สาสวํ…เป.… สํกิเลสิยนฺติ? อามนฺตาฯ หญฺจิ อุปปตฺเตสิยํ จิตฺตํ อนิยฺยานิกํ น ขยคามิ น โพธคามิ น อปจยคามิ สาสวํ…เป.… สํกิเลสิยํ, โน จ วต เร วตฺตพฺเพ – ‘‘สห อุปปตฺติยา อรหา’’ติฯ

สห อุปปตฺติยา อรหาติ? อามนฺตาฯ อุปปตฺเตสิเยน จิตฺเตน ราคํ ปชหติ, โทสํ ปชหติ, โมหํ ปชหติ, อโนตฺตปฺปํ ปชหตีติ? น เหวํ วตฺตพฺเพ…เป.…ฯ

สห อุปปตฺติยา อรหาติ? อามนฺตาฯ อุปปตฺเตสิยํ จิตฺตํ มคฺโค… สติปฏฺฐานํ…เป.… สมฺมปฺปธานํ… อิทฺธิปาโท… อินฺทฺริยํ… พลํ… โพชฺฌงฺโคติ? น เหวํ วตฺตพฺเพ…เป.…ฯ

สห อุปปตฺติยา อรหาติ? อามนฺตาฯ

อุปปตฺเตสิเยน จิตฺเตน ทุกฺขํ ปริชานาติ, สมุทยํ ปชหติ, นิโรธํ สจฺฉิกโรติ, มคฺคํ ภาเวตีติ? น เหวํ วตฺตพฺเพ …เป.… สห อุปปตฺติยา อรหาติ? อามนฺตาฯ จุติจิตฺตํ มคฺคจิตฺตํ อุปปตฺเตสิยํ จิตฺตํ ผลจิตฺตนฺติ? น เหวํ วตฺตพฺเพ…เป.…ฯ

อุปปตฺติกถา นิฏฺฐิตาฯ

4. จตุตฺถวคฺโค

(35) 3. อนาสวกถา

[391] อรหโต สพฺเพ ธมฺมา อนาสวาติ? อามนฺตาฯ มคฺโค ผลํ นิพฺพานํ, โสตาปตฺติมคฺโค โสตาปตฺติผลํ, สกทาคามิมคฺโค สกทาคามิผลํ, อนาคามิมคฺโค อนาคามิผลํ, อรหตฺตมคฺโค อรหตฺตผลํ, สติปฏฺฐานํ สมฺมปฺปธานํ อิทฺธิปาโท อินฺทฺริยํ พลํ โพชฺฌงฺโคติ? น เหวํ วตฺตพฺเพ…เป.…ฯ

อรหโต สพฺเพ ธมฺมา อนาสวาติ? อามนฺตาฯ อรหโต จกฺขุํ อนาสวนฺติ? น เหวํ วตฺตพฺเพ…เป.…ฯ อรหโต จกฺขุํ อนาสวนฺติ? อามนฺตาฯ มคฺโค ผลํ นิพฺพานํ, โสตาปตฺติมคฺโค โสตาปตฺติผลํ…เป.… โพชฺฌงฺโคติ? น เหวํ วตฺตพฺเพ…เป.…ฯ

อรหโต โสตํ…เป.… อรหโต ฆานํ… อรหโต ชิวฺหา… อรหโต กาโย อนาสโวติ? น เหวํ วตฺตพฺเพ …เป.… อรหโต กาโย อนาสโวติ? อามนฺตาฯ มคฺโค ผลํ นิพฺพานํ, โสตาปตฺติมคฺโค โสตาปตฺติผลํ…เป.… โพชฺฌงฺโคติ? น เหวํ วตฺตพฺเพ…เป.…ฯ

อรหโต กาโย อนาสโวติ? อามนฺตาฯ อรหโต กาโย ปคฺคหนิคฺคหุปโค เฉทนเภทนุปโค กาเกหิ คิชฺเฌหิ กุลเลหิ สาธารโณติ? อามนฺตาฯ อนาสโว ธมฺโม ปคฺคหนิคฺคหุปโค เฉทนเภทนุปโค กาเกหิ คิชฺเฌหิ กุลเลหิ สาธารโณติ? น เหวํ วตฺตพฺเพ …เป.…ฯ

อรหโต กาเย วิสํ กเมยฺย, สตฺถํ กเมยฺย, อคฺคิ กเมยฺยาติ? อามนฺตาฯ อนาสเว ธมฺเม วิสํ กเมยฺย, สตฺถํ กเมยฺย, อคฺคิ กเมยฺยาติ? น เหวํ วตฺตพฺเพ…เป.…ฯ