2. ทุกํ

[153] จตฺตาโร ขนฺธา น เหตูฯ สงฺขารกฺขนฺโธ สิยา เหตุ, สิยา น เหตุฯ รูปกฺขนฺโธ อเหตุโกฯ จตฺตาโร ขนฺธา สิยา สเหตุกา, สิยา อเหตุกาฯ รูปกฺขนฺโธ เหตุวิปฺปยุตฺโตฯ จตฺตาโร ขนฺธา สิยา เหตุสมฺปยุตฺตา, สิยา เหตุวิปฺปยุตฺตาฯ รูปกฺขนฺโธ น วตฺตพฺโพ – ‘‘เหตุ เจว สเหตุโก จา’’ติปิ, ‘‘สเหตุโก เจว น จ เหตู’’ติปิฯ ตโย ขนฺธา น วตฺตพฺพา – ‘‘เหตู เจว สเหตุกา จา’’ติ, สิยา สเหตุกา เจว น จ เหตู, สิยา น วตฺตพฺพา – ‘‘สเหตุกา เจว น จ เหตู’’ติฯ สงฺขารกฺขนฺโธ สิยา เหตุ เจว สเหตุโก จ, สิยา สเหตุโก เจว น จ เหตุ, สิยา น วตฺตพฺโพ – ‘‘เหตุ เจว สเหตุโก จา’’ติปิ, ‘‘สเหตุโก เจว น จ เหตู’’ติปิฯ รูปกฺขนฺโธ น วตฺตพฺโพ – ‘‘เหตุ เจว เหตุสมฺปยุตฺโต จา’’ติปิ, ‘‘เหตุสมฺปยุตฺโต เจว น จ เหตู’’ติปิฯ ตโย ขนฺธา น วตฺตพฺพา – ‘‘เหตู เจว เหตุสมฺปยุตฺตา จา’’ติ, สิยา เหตุสมฺปยุตฺตา เจว น จ เหตู, สิยา น วตฺตพฺพา – ‘‘เหตุสมฺปยุตฺตา เจว น จ เหตู’’ติฯ สงฺขารกฺขนฺโธ สิยา เหตุ เจว เหตุสมฺปยุตฺโต จ, สิยา เหตุสมฺปยุตฺโต เจว น จ เหตุ, สิยา น วตฺตพฺโพ – ‘‘เหตุ เจว เหตุสมฺปยุตฺโต จา’’ติปิ, ‘‘เหตุสมฺปยุตฺโต เจว น จ เหตู’’ติปิฯ รูปกฺขนฺโธ น เหตุ อเหตุโก ฯ ตโย ขนฺธา สิยา น เหตู สเหตุกา, สิยา น เหตู อเหตุกาฯ สงฺขารกฺขนฺโธ สิยา น เหตุ สเหตุโก, สิยา น เหตุ อเหตุโก, สิยา น วตฺตพฺโพ – ‘‘น เหตุ สเหตุโก’’ติปิ, ‘‘น เหตุ อเหตุโก’’ติปิฯ

สปฺปจฺจยา, สงฺขตาฯ

จตฺตาโร ขนฺธา อนิทสฺสนาฯ รูปกฺขนฺโธ สิยา สนิทสฺสโน, สิยา อนิทสฺสโนฯ จตฺตาโร ขนฺธา อปฺปฏิฆาฯ รูปกฺขนฺโธ สิยา สปฺปฏิโฆ, สิยา อปฺปฏิโฆฯ รูปกฺขนฺโธ รูปํฯ จตฺตาโร ขนฺธา อรูปาฯ รูปกฺขนฺโธ โลกิโยฯ จตฺตาโร ขนฺธา สิยา โลกิยา, สิยา โลกุตฺตรา; เกนจิ วิญฺเญยฺยา, เกนจิ น วิญฺเญยฺยาฯ

จตฺตาโร ขนฺธา โน อาสวาฯ สงฺขารกฺขนฺโธ สิยา อาสโว, สิยา โน อาสโวฯ รูปกฺขนฺโธ สาสโวฯ จตฺตาโร ขนฺธา สิยา สาสวา, สิยา อนาสวาฯ รูปกฺขนฺโธ อาสววิปฺปยุตฺโตฯ จตฺตาโร ขนฺธา สิยา อาสวสมฺปยุตฺตา, สิยา อาสววิปฺปยุตฺตาฯ รูปกฺขนฺโธ น วตฺตพฺโพ – ‘‘อาสโว เจว สาสโว จา’’ติ, สาสโว เจว โน จ อาสโวฯ ตโย ขนฺธา น วตฺตพฺพา – ‘‘อาสวา เจว สาสวา จา’’ติ, สิยา สาสวา เจว โน จ อาสวา, สิยา น วตฺตพฺพา – ‘‘สาสวา เจว โน จ อาสวา’’ติฯ สงฺขารกฺขนฺโธ สิยา อาสโว เจว สาสโว จ, สิยา สาสโว เจว โน จ อาสโว, สิยา น วตฺตพฺโพ – ‘‘อาสโว เจว สาสโว จา’’ติปิ, ‘‘สาสโว เจว โน จ อาสโว’’ติปิฯ รูปกฺขนฺโธ น วตฺตพฺโพ – ‘‘อาสโว เจว อาสวสมฺปยุตฺโต จา’’ติปิ, ‘‘อาสวสมฺปยุตฺโต เจว โน จ อาสโว’’ติปิฯ ตโย ขนฺธา น วตฺตพฺพา – ‘‘อาสวา เจว อาสวสมฺปยุตฺตา จา’’ติ, สิยา อาสวสมฺปยุตฺตา เจว โน จ อาสวา, สิยา น วตฺตพฺพา – ‘‘อาสวสมฺปยุตฺตา เจว โน จ อาสวา’’ติฯ สงฺขารกฺขนฺโธ สิยา อาสโว เจว อาสวสมฺปยุตฺโต จ, สิยา อาสวสมฺปยุตฺโต เจว โน จ อาสโว, สิยา น วตฺตพฺโพ – ‘‘อาสโว เจว อาสวสมฺปยุตฺโต จา’’ติปิ, ‘‘อาสวสมฺปยุตฺโต เจว โน จ อาสโว’’ติปิฯ รูปกฺขนฺโธ อาสววิปฺปยุตฺตสาสโวฯ

จตฺตาโร ขนฺธา สิยา อาสววิปฺปยุตฺตสาสวา, สิยา อาสววิปฺปยุตฺตอนาสวา, สิยา น วตฺตพฺพา – ‘‘อาสววิปฺปยุตฺตสาสวา’’ติปิ, ‘‘อาสววิปฺปยุตฺตอนาสวา’’ติปิฯ

จตฺตาโร ขนฺธา โน สํโยชนาฯ สงฺขารกฺขนฺโธ สิยา สํโยชนํ, สิยา โน สํโยชนํฯ รูปกฺขนฺโธ สํโยชนิโยฯ จตฺตาโร ขนฺธา สิยา สํโยชนิยา, สิยา อสํโยชนิยาฯ รูปกฺขนฺโธ สํโยชนวิปฺปยุตฺโตฯ จตฺตาโร ขนฺธา สิยา สํโยชนสมฺปยุตฺตา, สิยา สํโยชนวิปฺปยุตฺตาฯ รูปกฺขนฺโธ น วตฺตพฺโพ – ‘‘สํโยชนญฺเจว สํโยชนิโย จา’’ติ, ‘‘สํโยชนิโย เจว โน จ สํโยชนํ’’ฯ ตโย ขนฺธา น วตฺตพฺพา – ‘‘สํโยชนา เจว สํโยชนิยา จา’’ติ, สิยา สํโยชนิยา เจว โน จ สํโยชนา, สิยา น วตฺตพฺพา – ‘‘สํโยชนิยา เจว โน จ สํโยชนา’’ติฯ สงฺขารกฺขนฺโธ สิยา สํโยชนญฺเจว สํโยชนิโย จ, สิยา สํโยชนิโย เจว โน จ สํโยชนํ, สิยา น วตฺตพฺโพ – ‘‘สํโยชนญฺเจว สํโยชนิโย จา’’ติปิ, ‘‘สํโยชนิโย เจว โน จ สํโยชน’’นฺติปิฯ รูปกฺขนฺโธ น วตฺตพฺโพ – ‘‘สํโยชนญฺเจว สํโยชนสมฺปยุตฺโต จา’’ติปิ, ‘‘สํโยชนสมฺปยุตฺโต เจว โน จ สํโยชน’’นฺติปิฯ ตโย ขนฺธา น วตฺตพฺพา – ‘‘สํโยชนา เจว สํโยชนสมฺปยุตฺตา จา’’ติ, สิยา สํโยชนสมฺปยุตฺตา เจว โน จ สํโยชนา, สิยา น วตฺตพฺพา – ‘‘สํโยชนสมฺปยุตฺตา เจว โน จ สํโยชนา’’ติฯ สงฺขารกฺขนฺโธ สิยา สํโยชนญฺเจว สํโยชนสมฺปยุตฺโต จ, สิยา สํโยชนสมฺปยุตฺโต เจว โน จ สํโยชนํ, สิยา น วตฺตพฺโพ – ‘‘สํโยชนญฺเจว สํโยชนสมฺปยุตฺโต จา’’ติปิ, ‘‘สํโยชนสมฺปยุตฺโต เจว โน จ สํโยชน’’นฺติปิฯ รูปกฺขนฺโธ สํโยชนวิปฺปยุตฺตสํโยชนิโยฯ จตฺตาโร ขนฺธา สิยา สํโยชนวิปฺปยุตฺตสํโยชนิยา, สิยา สํโยชนวิปฺปยุตฺตอสํโยชนิยา, สิยา น วตฺตพฺพา – ‘‘สํโยชนวิปฺปยุตฺตสํโยชนิยา’’ติปิ, ‘‘สํโยชนวิปฺปยุตฺตอสํโยชนิยา’’ติปิฯ

จตฺตาโร ขนฺธา โน คนฺถาฯ สงฺขารกฺขนฺโธ สิยา คนฺโถ, สิยา โน คนฺโถฯ รูปกฺขนฺโธ คนฺถนิโยฯ จตฺตาโร ขนฺธา สิยา คนฺถนิยา, สิยา อคนฺถนิยาฯ รูปกฺขนฺโธ คนฺถวิปฺปยุตฺโตฯ จตฺตาโร ขนฺธา สิยา คนฺถสมฺปยุตฺตา, สิยา คนฺถวิปฺปยุตฺตาฯ รูปกฺขนฺโธ น วตฺตพฺโพ – ‘‘คนฺโถ เจว คนฺถนิโย จา’’ติ, ‘‘คนฺถนิโย เจว โน จ คนฺโถ’’ฯ

ตโย ขนฺธา น วตฺตพฺพา – ‘‘คนฺถา เจว คนฺถนิยา จา’’ติ, สิยา คนฺถนิยา เจว โน จ คนฺถา, สิยา น วตฺตพฺพา – ‘‘คนฺถนิยา เจว โน จ คนฺถา’’ติฯ สงฺขารกฺขนฺโธ สิยา คนฺโถ เจว คนฺถนิโย จ, สิยา คนฺถนิโย เจว โน จ คนฺโถ, สิยา น วตฺตพฺโพ – ‘‘คนฺโถ เจว คนฺถนิโย จา’’ติปิ, ‘‘คนฺถนิโย เจว โน จ คนฺโถ’’ติปิฯ รูปกฺขนฺโธ น วตฺตพฺโพ – ‘‘คนฺโถ เจว คนฺถสมฺปยุตฺโต จา’’ติปิ, ‘‘คนฺถสมฺปยุตฺโต เจว โน จ คนฺโถ’’ติปิฯ ตโย ขนฺธา น วตฺตพฺพา – ‘‘คนฺถา เจว คนฺถสมฺปยุตฺตา จา’’ติ, สิยา คนฺถสมฺปยุตฺตา เจว โน จ คนฺถา, สิยา น วตฺตพฺพา – ‘‘คนฺถสมฺปยุตฺตา เจว โน จ คนฺถา’’ติฯ สงฺขารกฺขนฺโธ สิยา คนฺโถ เจว คนฺถสมฺปยุตฺโต จ, สิยา คนฺถสมฺปยุตฺโต เจว โน จ คนฺโถ, สิยา น วตฺตพฺโพ – ‘‘คนฺโถ เจว คนฺถสมฺปยุตฺโต จา’’ติปิ, ‘‘คนฺถสมฺปยุตฺโต เจว โน จ คนฺโถ’’ติ ปิฯ รูปกฺขนฺโธ คนฺถวิปฺปยุตฺตคนฺถนิโยฯ จตฺตาโร ขนฺธา สิยา คนฺถวิปฺปยุตฺตคนฺถนิยา , สิยา คนฺถวิปฺปยุตฺตอคนฺถนิยา, สิยา น วตฺตพฺพา – ‘‘คนฺถวิปฺปยุตฺตคนฺถนิยา’’ติปิ, ‘‘คนฺถวิปฺปยุตฺตอคนฺถนิยา’’ติปิฯ

จตฺตาโร ขนฺธา โน โอฆา…เป.… โน โยคา…เป.… โน นีวรณาฯ สงฺขารกฺขนฺโธ สิยา นีวรณํ, สิยา โน นีวรณํฯ รูปกฺขนฺโธ นีวรณิโยฯ จตฺตาโร ขนฺธา สิยา นีวรณิยา, สิยา อนีวรณิยาฯ รูปกฺขนฺโธ นีวรณวิปฺปยุตฺโตฯ จตฺตาโร ขนฺธา สิยา นีวรณสมฺปยุตฺตา, สิยา นีวรณวิปฺปยุตฺตาฯ รูปกฺขนฺโธ น วตฺตพฺโพ – ‘‘นีวรณญฺเจว นีวรณิโย จา’’ติ, ‘‘นีวรณิโย เจว โน จ นีวรณํ’’ฯ ตโย ขนฺธา น วตฺตพฺพา – ‘‘นีวรณา เจว นีวรณิยา จา’’ติ, สิยา นีวรณิยา เจว โน จ นีวรณา, สิยา น วตฺตพฺพา – ‘‘นีวรณิยา เจว โน จ นีวรณา’’ติฯ สงฺขารกฺขนฺโธ สิยา นีวรณญฺเจว นีวรณิโย จ, สิยา นีวรณิโย เจว โน จ นีวรณํ, สิยา น วตฺตพฺโพ – ‘‘นีวรณญฺเจว นีวรณิโย จา’’ติปิ, ‘‘นีวรณิโย เจว โน จ นีวรณ’’นฺติปิฯ รูปกฺขนฺโธ น วตฺตพฺโพ – ‘‘นีวรณญฺเจว นีวรณสมฺปยุตฺโต จา’’ติปิ, ‘‘นีวรณสมฺปยุตฺโต เจว โน จ นีวรณ’’นฺติปิฯ ตโย ขนฺธา น วตฺตพฺพา – ‘‘นีวรณา เจว นีวรณสมฺปยุตฺตา จา’’ติ, สิยา นีวรณสมฺปยุตฺตา เจว โน จ นีวรณา, สิยา น วตฺตพฺพา – ‘‘นีวรณสมฺปยุตฺตา เจว โน จ นีวรณา’’ติฯ

สงฺขารกฺขนฺโธ สิยา นีวรณญฺเจว นีวรณสมฺปยุตฺโต จ, สิยา นีวรณสมฺปยุตฺโต เจว โน จ นีวรณํ, สิยา น วตฺตพฺโพ – ‘‘นีวรณญฺเจว นีวรณสมฺปยุตฺโต จา’’ติปิ, ‘‘นีวรณสมฺปยุตฺโต เจว โน จ นีวรณ’’นฺติปิฯ รูปกฺขนฺโธ นีวรณวิปฺปยุตฺตนีวรณิโยฯ จตฺตาโร ขนฺธา สิยา นีวรณวิปฺปยุตฺตนีวรณิยา, สิยา นีวรณวิปฺปยุตฺตอนีวรณิยา, สิยา น วตฺตพฺพา – ‘‘นีวรณวิปฺปยุตฺตนีวรณิยา’’ติปิ, ‘‘นีวรณวิปฺปยุตฺตอนีวรณิยา’’ติปิฯ

จตฺตาโร ขนฺธา โน ปรามาสาฯ สงฺขารกฺขนฺโธ สิยา ปรามาโส, สิยา โน ปรามาโสฯ รูปกฺขนฺโธ ปรามฏฺโฐฯ จตฺตาโร ขนฺธา สิยา ปรามฏฺฐา, สิยา อปรามฏฺฐาฯ รูปกฺขนฺโธ ปรามาสวิปฺปยุตฺโตฯ ตโย ขนฺธา สิยา ปรามาสสมฺปยุตฺตา, สิยา ปรามาสวิปฺปยุตฺตาฯ สงฺขารกฺขนฺโธ สิยา ปรามาสสมฺปยุตฺโต, สิยา ปรามาสวิปฺปยุตฺโต, สิยา น วตฺตพฺโพ – ‘‘ปรามาสสมฺปยุตฺโต’’ติปิ, ‘‘ปรามาสวิปฺปยุตฺโต’’ติปิฯ รูปกฺขนฺโธ น วตฺตพฺโพ – ‘‘ปรามาโส เจว ปรามฏฺโฐ จา’’ติ, ‘‘ปรามฏฺโฐ เจว โน จ ปรามาโส’’ฯ ตโย ขนฺธา น วตฺตพฺพา – ‘‘ปรามาสา เจว ปรามฏฺฐา จา’’ติ, สิยา ปรามฏฺฐา เจว โน จ ปรามาสา, สิยา น วตฺตพฺพา – ‘‘ปรามฏฺฐา เจว โน จ ปรามาสา’’ติฯ สงฺขารกฺขนฺโธ สิยา ปรามาโส เจว ปรามฏฺโฐ จ, สิยา ปรามฏฺโฐ เจว โน จ ปรามาโส, สิยา น วตฺตพฺโพ – ‘‘ปรามาโส เจว ปรามฏฺโฐ จา’’ติปิ, ‘‘ปรามฏฺโฐ เจว โน จ ปรามาโส’’ติปิฯ รูปกฺขนฺโธ ปรามาสวิปฺปยุตฺตปรามฏฺโฐฯ จตฺตาโร ขนฺธา สิยา ปรามาสวิปฺปยุตฺตปรามฏฺฐา, สิยา ปรามาสวิปฺปยุตฺตอปรามฏฺฐา , สิยา น วตฺตพฺพา – ‘‘ปรามาสวิปฺปยุตฺตปรามฏฺฐา’’ติปิ, ‘‘ปรามาสวิปฺปยุตฺตอปรามฏฺฐา’’ติปิฯ

รูปกฺขนฺโธ อนารมฺมโณฯ จตฺตาโร ขนฺธา สารมฺมณาฯ วิญฺญาณกฺขนฺโธ จิตฺตํฯ จตฺตาโร ขนฺธา โน จิตฺตาฯ ตโย ขนฺธา เจตสิกาฯ ทฺเว ขนฺธา อเจตสิกาฯ ตโย ขนฺธา จิตฺตสมฺปยุตฺตา ฯ รูปกฺขนฺโธ จิตฺตวิปฺปยุตฺโตฯ วิญฺญาณกฺขนฺโธ น วตฺตพฺโพ – ‘‘จิตฺเตน สมฺปยุตฺโต’’ติปิ, ‘‘จิตฺเตน วิปฺปยุตฺโต’’ติปิฯ ตโย ขนฺธา จิตฺตสํสฏฺฐาฯ รูปกฺขนฺโธ จิตฺตวิสํสฏฺโฐฯ วิญฺญาณกฺขนฺโธ น วตฺตพฺโพ – ‘‘จิตฺเตน สํสฏฺโฐ’’ติปิ, ‘‘จิตฺเตน วิสํสฏฺโฐ’’ติปิฯ ตโย ขนฺธา จิตฺตสมุฏฺฐานาฯ วิญฺญาณกฺขนฺโธ โน จิตฺตสมุฏฺฐาโนฯ รูปกฺขนฺโธ สิยา จิตฺตสมุฏฺฐาโน, สิยา โน จิตฺตสมุฏฺฐาโนฯ ตโย ขนฺธา จิตฺตสหภุโนฯ วิญฺญาณกฺขนฺโธ โน จิตฺตสหภูฯ รูปกฺขนฺโธ สิยา จิตฺตสหภู, สิยา โน จิตฺตสหภูฯ ตโย ขนฺธา จิตฺตานุปริวตฺติโนฯ วิญฺญาณกฺขนฺโธ โน จิตฺตานุปริวตฺติฯ

รูปกฺขนฺโธ สิยา จิตฺตานุปริวตฺติ, สิยา โน จิตฺตานุปริวตฺติฯ ตโย ขนฺธา จิตฺตสํสฏฺฐสมุฏฺฐานาฯ ทฺเว ขนฺธา โน จิตฺตสํสฏฺฐสมุฏฺฐานาฯ ตโย ขนฺธา จิตฺตสํสฏฺฐสมุฏฺฐานสหภุโนฯ ทฺเว ขนฺธา โน จิตฺตสํสฏฺฐสมุฏฺฐานสหภุโนฯ ตโย ขนฺธา จิตฺตสํสฏฺฐสมุฏฺฐานานุปริวตฺติโนฯ ทฺเว ขนฺธา โน จิตฺตสํสฏฺฐสมุฏฺฐานานุปริวตฺติโนฯ

วิญฺญาณกฺขนฺโธ อชฺฌตฺติโกฯ ตโย ขนฺธา พาหิราฯ รูปกฺขนฺโธ สิยา อชฺฌตฺติโก, สิยา พาหิโรฯ จตฺตาโร ขนฺธา โน อุปาทาฯ รูปกฺขนฺโธ สิยา อุปาทา, สิยา โน อุปาทา, สิยา อุปาทินฺนา, สิยา อนุปาทินฺนาฯ จตฺตาโร ขนฺธา โน อุปาทานาฯ สงฺขารกฺขนฺโธ สิยา อุปาทานํ, สิยา โน อุปาทานํฯ รูปกฺขนฺโธ อุปาทานิโยฯ จตฺตาโร ขนฺธา สิยา อุปาทานิยา, สิยา อนุปาทานิยาฯ รูปกฺขนฺโธ อุปาทานวิปฺปยุตฺโตฯ จตฺตาโร ขนฺธา สิยา อุปาทานสมฺปยุตฺตา, สิยา อุปาทานวิปฺปยุตฺตาฯ รูปกฺขนฺโธ น วตฺตพฺโพ – ‘‘อุปาทานญฺเจว อุปาทานิโย จา’’ติ, ‘‘อุปาทานิโย เจว โน จ อุปาทานํ’’ฯ ตโย ขนฺธา น วตฺตพฺพา – ‘‘อุปาทานญฺเจว อุปาทานิยา จา’’ติ, สิยา อุปาทานิยา เจว โน จ อุปาทานา, สิยา น วตฺตพฺพา – ‘‘อุปาทานิยา เจว โน จ อุปาทานา’’ติฯ สงฺขารกฺขนฺโธ สิยา อุปาทานญฺเจว อุปาทานิโย จ, สิยา อุปาทานิโย เจว โน จ อุปาทานํ, สิยา น วตฺตพฺโพ – ‘‘อุปาทานญฺเจว อุปาทานิโย จา’’ติปิ, ‘‘อุปาทานิโย เจว โน จ อุปาทาน’’นฺติปิฯ รูปกฺขนฺโธ น วตฺตพฺโพ – ‘‘อุปาทานญฺเจว อุปาทานสมฺปยุตฺโต จา’’ติปิ, ‘‘อุปาทานสมฺปยุตฺโต เจว โน จ อุปาทาน’’นฺติปิฯ ตโย ขนฺธา น วตฺตพฺพา – ‘‘อุปาทานา เจว อุปาทานสมฺปยุตฺตา จา’’ติ, สิยา อุปาทานสมฺปยุตฺตา เจว โน จ อุปาทานา, สิยา น วตฺตพฺพา – ‘‘อุปาทานสมฺปยุตฺตา เจว โน จ อุปาทานา’’ติฯ สงฺขารกฺขนฺโธ สิยา อุปาทานญฺเจว อุปาทานสมฺปยุตฺโต จ, สิยา อุปาทานสมฺปยุตฺโต เจว โน จ อุปาทานํ, สิยา น วตฺตพฺโพ – ‘‘อุปาทานญฺเจว อุปาทานสมฺปยุตฺโต จา’’ติปิ, ‘‘อุปาทานสมฺปยุตฺโต เจว โน จ อุปาทาน’’นฺติปิฯ รูปกฺขนฺโธ อุปาทานวิปฺปยุตฺตอุปาทานิโยฯ จตฺตาโร ขนฺธา สิยา อุปาทานวิปฺปยุตฺตอุปาทานิยา, สิยา อุปาทานวิปฺปยุตฺตอนุปาทานิยา , สิยา น วตฺตพฺพา – ‘‘อุปาทานวิปฺปยุตฺตอุปาทานิยา’’ติปิ, ‘‘อุปาทานวิปฺปยุตฺตอนุปาทานิยา’’ติปิฯ

จตฺตาโร ขนฺธา โน กิเลสาฯ สงฺขารกฺขนฺโธ สิยา กิเลโส, สิยา โน กิเลโสฯ รูปกฺขนฺโธ สํกิเลสิโกฯ

จตฺตาโร ขนฺธา สิยา สํกิเลสิกา , สิยา อสํกิเลสิกาฯ รูปกฺขนฺโธ อสํกิลิฏฺโฐฯ จตฺตาโร ขนฺธา สิยา สํกิลิฏฺฐา, สิยา อสํกิลิฏฺฐาฯ รูปกฺขนฺโธ กิเลสวิปฺปยุตฺโตฯ จตฺตาโร ขนฺธา สิยา กิเลสสมฺปยุตฺตา, สิยา กิเลสวิปฺปยุตฺตาฯ รูปกฺขนฺโธ น วตฺตพฺโพ – ‘‘กิเลโส เจว สํกิเลสิโก จา’’ติ, ‘‘สํกิเลสิโก เจว โน จ กิเลโส’’ฯ ตโย ขนฺธา น วตฺตพฺพา – ‘‘กิเลสา เจว สํกิเลสิกา จา’’ติ, สิยา สํกิเลสิกา เจว โน จ กิเลสา, สิยา น วตฺตพฺพา – ‘‘สํกิเลสิกา เจว โน จ กิเลสา’’ติฯ สงฺขารกฺขนฺโธ สิยา กิเลโส เจว สํกิเลสิโก จ, สิยา สํกิเลสิโก เจว โน จ กิเลโส, สิยา น วตฺตพฺโพ – ‘‘กิเลโส เจว สํกิเลสิโก จา’’ติปิ, ‘‘สํกิเลสิโก เจว โน จ กิเลโส’’ติปิฯ รูปกฺขนฺโธ น วตฺตพฺโพ – ‘‘กิเลโส เจว สํกิลิฏฺโฐ จา’’ติปิ, ‘‘สํกิลิฏฺโฐ เจว โน จ กิเลโส’’ติปิฯ ตโย ขนฺธา น วตฺตพฺพา – ‘‘กิเลโส เจว สํกิลิฏฺฐา จา’’ติ, สิยา สํกิลิฏฺฐา เจว โน จ กิเลสา, สิยา น วตฺตพฺพา – ‘‘สํกิลิฏฺฐา เจว โน จ กิเลสา’’ติฯ สงฺขารกฺขนฺโธ สิยา กิเลโส เจว สํกิลิฏฺโฐ จ, สิยา สํกิลิฏฺโฐ เจว โน จ กิเลโส, สิยา น วตฺตพฺโพ – ‘‘กิเลโส เจว สํกิลิฏฺโฐ จา’’ติปิ, ‘‘สํกิลิฏฺโฐ เจว โน จ กิเลโส’’ติปิฯ

รูปกฺขนฺโธ น วตฺตพฺโพ – ‘‘กิเลโส เจว กิเลสสมฺปยุตฺโต จา’’ติปิ, ‘‘กิเลสสมฺปยุตฺโต เจว โน จ กิเลโส’’ติปิฯ ตโย ขนฺธา น วตฺตพฺพา – ‘‘กิเลสา เจว กิเลสสมฺปยุตฺตา จา’’ติ, สิยา กิเลสสมฺปยุตฺตา เจว โน จ กิเลสา, สิยา น วตฺตพฺพา – กิเลสสมฺปยุตฺตา เจว โน จ กิเลสา’’ติฯ สงฺขารกฺขนฺโธ สิยา กิเลโส เจว กิเลสสมฺปยุตฺโต จ, สิยา กิเลสสมฺปยุตฺโต เจว โน จ กิเลโส, สิยา น วตฺตพฺโพ – ‘‘กิเลโส เจว กิเลสสมฺปยุตฺโต จา’’ติปิ, ‘‘กิเลสสมฺปยุตฺโต เจว โน จ กิเลโส’’ติปิฯ รูปกฺขนฺโธ กิเลสวิปฺปยุตฺตสํกิเลสิโกฯ จตฺตาโร ขนฺธา สิยา กิเลสวิปฺปยุตฺตสํกิเลสิกา , สิยา กิเลสวิปฺปยุตฺตอสํกิเลสิกา, สิยา น วตฺตพฺพา – ‘‘กิเลสวิปฺปยุตฺตสํกิเลสิกา’’ติปิ, ‘‘กิเลสวิปฺปยุตฺตอสํกิเลสิกา’’ติปิฯ

รูปกฺขนฺโธ น ทสฺสเนน ปหาตพฺโพฯ จตฺตาโร ขนฺธา สิยา ทสฺสเนน ปหาตพฺพา, สิยา น ทสฺสเนน ปหาตพฺพาฯ

รูปกฺขนฺโธ น ภาวนาย ปหาตพฺโพ ฯ จตฺตาโร ขนฺธา สิยา ภาวนาย ปหาตพฺพา, สิยา น ภาวนาย ปหาตพฺพาฯ รูปกฺขนฺโธ น ทสฺสเนน ปหาตพฺพเหตุโกฯ จตฺตาโร ขนฺธา สิยา ทสฺสเนน ปหาตพฺพเหตุกา, สิยา น ทสฺสเนน ปหาตพฺพเหตุกาฯ รูปกฺขนฺโธ น ภาวนาย ปหาตพฺพเหตุโกฯ จตฺตาโร ขนฺธา สิยา ภาวนาย ปหาตพฺพเหตุกา, สิยา น ภาวนาย ปหาตพฺพเหตุกาฯ รูปกฺขนฺโธ อวิตกฺโกฯ จตฺตาโร ขนฺธา สิยา สวิตกฺกา, สิยา อวิตกฺกาฯ รูปกฺขนฺโธ อวิจาโรฯ จตฺตาโร ขนฺธา สิยา สวิจารา, สิยา อวิจาราฯ รูปกฺขนฺโธ อปฺปีติโก, จตฺตาโร ขนฺธา สิยา สปฺปีติกา, สิยา อปฺปีติกาฯ รูปกฺขนฺโธ น ปีติสหคโตฯ จตฺตาโร ขนฺธา สิยา ปีติสหคตา, สิยา น ปีติสหคตาฯ ทฺเว ขนฺธา น สุขสหคตาฯ ตโย ขนฺธา สิยา สุขสหคตา, สิยา น สุขสหคตาฯ ทฺเว ขนฺธา น อุเปกฺขาสหคตาฯ ตโย ขนฺธา สิยา อุเปกฺขาสหคตา, สิยา น อุเปกฺขาสหคตาฯ

รูปกฺขนฺโธ กามาวจโรฯ จตฺตาโร ขนฺธา สิยา กามาวจรา, สิยา น กามาวจราฯ รูปกฺขนฺโธ น รูปาวจโรฯ จตฺตาโร ขนฺธา สิยา รูปาวจรา, สิยา น รูปาวจราฯ รูปกฺขนฺโธ น อรูปาวจโรฯ จตฺตาโร ขนฺธา สิยา อรูปาวจรา, สิยา น อรูปาวจราฯ รูปกฺขนฺโธ ปริยาปนฺโนฯ จตฺตาโร ขนฺธา สิยา ปริยาปนฺนา, สิยา อปริยาปนฺนาฯ รูปกฺขนฺโธ อนิยฺยานิโกฯ จตฺตาโร ขนฺธา สิยา นิยฺยานิกา, สิยา อนิยฺยานิกาฯ รูปกฺขนฺโธ อนิยโตฯ จตฺตาโร ขนฺธา สิยา นิยตา, สิยา อนิยตาฯ รูปกฺขนฺโธ สอุตฺตโรฯ จตฺตาโร ขนฺธา สิยา สอุตฺตรา, สิยา อนุตฺตราฯ รูปกฺขนฺโธ อรโณฯ จตฺตาโร ขนฺธา สิยา สรณา, สิยา อรณาติฯ

ปญฺหาปุจฺฉกํฯ

ขนฺธวิภงฺโค นิฏฺฐิโตฯ

2. อายตนวิภงฺโค

1. สุตฺตนฺตภาชนียํ