เมนู

4. จตุกฺกมาติกา

[835] (1) จตฺตาโร อาสวา (2) จตฺตาโร คนฺถา (3) จตฺตาโร โอฆา (4) จตฺตาโร โยคา (5) จตฺตาริ อุปาทานานิ (6) จตฺตาโร ตณฺหุปฺปาทา (7) จตฺตาริ อคติคมนานิ (8) จตฺตาโร วิปริยาสา [วิปริเยสา (สี. สฺยา. ก.)] (9) จตฺตาโร อนริยโวหารา (10) อปเรปิ จตฺตาโร อนริยโวหารา (11) จตฺตาริ ทุจฺจริตานิ (12) อปรานิปิ จตฺตาริ ทุจฺจริตานิ (13)จตฺตาริ ภยานิ (14) อปรานิปิ จตฺตาริ ภยานิ (15) จตสฺโส ทิฏฺฐิโย

จตุกฺกํฯ

5. ปญฺจกมาติกา

[836] (1) ปญฺโจรมฺภาคิยานิ สํโยชนานิ (2) ปญฺจุทฺธมฺภาคิยานิ สํโยชนานิ (3) ปญฺจ มจฺฉริยานิ (4) ปญฺจ สงฺคา (5) ปญฺจ สลฺลา (6) ปญฺจ เจโตขิลา (7)ปญฺจ เจตโสวินิพนฺธา [เจตโสวินิพทฺธา (ก.)] (8) ปญฺจ นีวรณานิ (9) ปญฺจ กมฺมานิ อานนฺตริกานิ (10) ปญฺจ ทิฏฺฐิโย (11) ปญฺจ เวรา (12) ปญฺจ พฺยสนา (13) ปญฺจ อกฺขนฺติยา อาทีนวา (14) ปญฺจ ภยานิ (15) ปญฺจ ทิฏฺฐธมฺมนิพฺพานวาทา

ปญฺจกํฯ

6. ฉกฺกมาติกา

[837] (1) ฉ วิวาทมูลานิ (2) ฉ ฉนฺทราคา (3) ฉ วิโรธวตฺถูนิ (4) ฉ ตณฺหากายา (5) ฉ อคารวา (6) ฉ ปริหานิยา ธมฺมา (7) อปเรปิ ฉ ปริหานิยา ธมฺมา (8) ฉ โสมนสฺสุปวิจารา (9) ฉ โทมนสฺสุปวิจารา (10) ฉ อุเปกฺขุปวิจารา (11) ฉ เคหสิตานิ โสมนสฺสานิ (12) ฉ เคหสิตานิ โทมนสฺสานิ (13) ฉ เคหสิตา อุเปกฺขา (14) ฉ ทิฏฺฐิโย

ฉกฺกํฯ

7. สตฺตกมาติกา

[838] (1) สตฺต อนุสยา (2) สตฺต สํโยชนานิ (3) สตฺต ปริยุฏฺฐานานิ (4)สตฺต อสทฺธมฺมา (5) สตฺต ทุจฺจริตานิ (6) สตฺต มานา (7) สตฺต ทิฏฺฐิโย

สตฺตกํฯ

8. อฏฺฐกมาติกา

[839] (1) อฏฺฐ กิเลสวตฺถูนิ (2) อฏฺฐ กุสีตวตฺถูนิ (3) อฏฺฐสุ โลกธมฺเมสุ จิตฺตสฺส ปฏิฆาโต (4) อฏฺฐ อนริยโวหารา (5) อฏฺฐ มิจฺฉตฺตา (6) อฏฺฐ ปุริสโทสา (7) อฏฺฐ อสญฺญิวาทา (8) อฏฺฐ เนวสญฺญินาสญฺญิวาทา

อฏฺฐกํฯ

9. นวกมาติกา

[840] (1) นว อาฆาตวตฺถูนิ (2) นว ปุริสมลานิ (3) นววิธา มานา (4)นว ตณฺหามูลกา ธมฺมา (5) นว อิญฺชิตานิ (6) นว มญฺญิตานิ (7) นว ผนฺทิตานิ (8) นว ปปญฺจิตานิ (9) นว สงฺขตานิ

นวกํฯ

10. ทสกมาติกา

[841] (1) ทส กิเลสวตฺถูนิ (2) ทส อาฆาตวตฺถูนิ (3) ทส อกุสลกมฺมปถา (4) ทส สํโยชนานิ (5) ทส มิจฺฉตฺตา (6) ทสวตฺถุกา มิจฺฉาทิฏฺฐิ (7) ทสวตฺถุกา อนฺตคฺคาหิกา ทิฏฺฐิ

ทสกํฯ

[842] อฏฺฐารส ตณฺหาวิจริตานิ อชฺฌตฺติกสฺส อุปาทาย, อฏฺฐารส ตณฺหาวิจริตานิ พาหิรสฺส อุปาทาย, ตเทกชฺฌํ อภิสญฺญูหิตฺวา อภิสงฺขิปิตฺวา ฉตฺติํส ตณฺหาวิจริตานิ โหนฺติฯ อิติ อตีตานิ ฉตฺติํส ตณฺหาวิจริตานิ, อนาคตานิ ฉตฺติํส ตณฺหาวิจริตานิ, ปจฺจุปฺปนฺนานิ ฉตฺติํส ตณฺหาวิจริตานิ, ตเทกชฺฌํ อภิสญฺญูหิตฺวา อภิสงฺขิปิตฺวา อฏฺฐ ตณฺหาวิจริตสตํ โหติฯ ยานิ จ ทฺวาสฏฺฐิ ทิฏฺฐิคตานิ พฺรหฺมชาเล เวยฺยากรเณ วุตฺตานิ ภควตาฯ

มาติกาฯ

1. เอกกนิทฺเทโส