อฏฺฐวิเธน รูปกฺขนฺโธ – จกฺขุวิญฺเญยฺยํ รูปํ, โสตวิญฺเญยฺยํ รูปํ, ฆานวิญฺเญยฺยํ รูปํ, ชิวฺหาวิญฺเญยฺยํ รูปํ, กายวิญฺเญยฺยํ รูปํ อตฺถิ สุขสมฺผสฺสํ, อตฺถิ ทุกฺขสมฺผสฺสํ, มโนธาตุวิญฺเญยฺยํ รูปํ, มโนวิญฺญาณธาตุวิญฺเญยฺยํ รูปํฯ เอวํ อฏฺฐวิเธน รูปกฺขนฺโธฯ

นววิเธน รูปกฺขนฺโธ – จกฺขุนฺทฺริยํ, โสตินฺทฺริยํ, ฆานินฺทฺริยํ, ชิวฺหินฺทฺริยํ, กายินฺทฺริยํ, อิตฺถินฺทฺริยํ, ปุริสินฺทฺริยํ, ชีวิตินฺทฺริยํ, ยญฺจ รูปํ น อินฺทฺริยํฯ เอวํ นววิเธน รูปกฺขนฺโธฯ

ทสวิเธน รูปกฺขนฺโธ – จกฺขุนฺทฺริยํ, โสตินฺทฺริยํ, ฆานินฺทฺริยํ, ชิวฺหินฺทฺริยํ, กายินฺทฺริยํ, อิตฺถินฺทฺริยํ, ปุริสินฺทฺริยํ, ชีวิตินฺทฺริยํ, น อินฺทฺริยํ รูปํ อตฺถิ สปฺปฏิฆํ, อตฺถิ อปฺปฏิฆํฯ เอวํ ทสวิเธน รูปกฺขนฺโธฯ

เอกาทสวิเธน รูปกฺขนฺโธ – จกฺขายตนํ, โสตายตนํ, ฆานายตนํ, ชิวฺหายตนํ, กายายตนํ, รูปายตนํ, สทฺทายตนํ, คนฺธายตนํ, รสายตนํ, โผฏฺฐพฺพายตนํ, ยญฺจ รูปํ อนิทสฺสนอปฺปฏิฆํ ธมฺมายตนปริยาปนฺนํฯ เอวํ เอกาทสวิเธน รูปกฺขนฺโธฯ

อยํ วุจฺจติ รูปกฺขนฺโธฯ

2. เวทนากฺขนฺโธ

[34] ตตฺถ กตโม เวทนากฺขนฺโธ? เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สเหตุโก, อตฺถิ อเหตุโกฯ

ติวิเธน เวทนากฺขนฺโธ – อตฺถิ กุสโล, อตฺถิ อกุสโล, อตฺถิ อพฺยากโตฯ

จตุพฺพิเธน เวทนากฺขนฺโธ – อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปนฺโนฯ

ปญฺจวิเธน เวทนากฺขนฺโธ – อตฺถิ สุขินฺทฺริยํ, อตฺถิ ทุกฺขินฺทฺริยํ, อตฺถิ โสมนสฺสินฺทฺริยํ, อตฺถิ โทมนสฺสินฺทฺริยํ, อตฺถิ อุเปกฺขินฺทฺริยํฯ เอวํ ปญฺจวิเธน เวทนากฺขนฺโธฯ

ฉพฺพิเธน เวทนากฺขนฺโธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ ฉพฺพิเธน เวทนากฺขนฺโธฯ

สตฺตวิเธน เวทนากฺขนฺโธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนธาตุสมฺผสฺสชา เวทนา, มโนวิญฺญาณธาตุสมฺผสฺสชา เวทนาฯ เอวํ สตฺตวิเธน เวทนากฺขนฺโธฯ

อฏฺฐวิเธน เวทนากฺขนฺโธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา อตฺถิ สุขา, อตฺถิ ทุกฺขา, มโนธาตุสมฺผสฺสชา เวทนา, มโนวิญฺญาณธาตุสมฺผสฺสชา เวทนาฯ เอวํ อฏฺฐวิเธน เวทนากฺขนฺโธฯ

นววิเธน เวทนากฺขนฺโธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนธาตุสมฺผสฺสชา เวทนา, มโนวิญฺญาณธาตุสมฺผสฺสชา เวทนา อตฺถิ กุสลา, อตฺถิ อกุสลา, อตฺถิ อพฺยากตาฯ เอวํ นววิเธน เวทนากฺขนฺโธฯ

ทสวิเธน เวทนากฺขนฺโธ – จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา อตฺถิ สุขา, อตฺถิ ทุกฺขา, มโนธาตุสมฺผสฺสชา เวทนา, มโนวิญฺญาณธาตุสมฺผสฺสชา เวทนา อตฺถิ กุสลา, อตฺถิ อกุสลา, อตฺถิ อพฺยากตาฯ เอวํ ทสวิเธน เวทนากฺขนฺโธฯ

[35] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สเหตุโก, อตฺถิ อเหตุโกฯ

ติวิเธน เวทนากฺขนฺโธ – อตฺถิ วิปาโก, อตฺถิ วิปากธมฺมธมฺโม, อตฺถิ เนววิปากนวิปากธมฺมธมฺโมฯ อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโยฯ อตฺถิ สํกิลิฏฺฐสํกิเลสิโก, อตฺถิ อสํกิลิฏฺฐสํกิเลสิโก, อตฺถิ อสํกิลิฏฺฐอสํกิเลสิโกฯ

อตฺถิ สวิตกฺกสวิจาโร, อตฺถิ อวิตกฺกวิจารมตฺโต, อตฺถิ อวิตกฺกอวิจาโรฯ อตฺถิ ทสฺสเนน ปหาตพฺโพ, อตฺถิ ภาวนาย ปหาตพฺโพ, อตฺถิ เนว ทสฺสเนน น ภาวนาย ปหาตพฺโพฯ อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโกฯ อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามีฯ อตฺถิ เสกฺโข, อตฺถิ อเสกฺโข, อตฺถิ เนวเสกฺขนาเสกฺโขฯ อตฺถิ ปริตฺโต, อตฺถิ มหคฺคโต, อตฺถิ อปฺปมาโณฯ อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณฯ อตฺถิ หีโน, อตฺถิ มชฺฌิโม, อตฺถิ ปณีโตฯ อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโตฯ อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติฯ อตฺถิ อุปฺปนฺโน, อตฺถิ อนุปฺปนฺโน, อตฺถิ อุปฺปาทีฯ อตฺถิ อตีโต, อตฺถิ อนาคโต, อตฺถิ ปจฺจุปฺปนฺโนฯ อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณฯ อตฺถิ อชฺฌตฺโต, อตฺถิ พหิทฺโธ, อตฺถิ อชฺฌตฺตพหิทฺโธฯ อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขนฺโธฯ

[36] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ เหตุสมฺปยุตฺโต, อตฺถิ เหตุวิปฺปยุตฺโต…เป.… อตฺถิ น เหตุสเหตุโก, อตฺถิ น เหตุอเหตุโกฯ อตฺถิ โลกิโย, อตฺถิ โลกุตฺตโรฯ อตฺถิ เกนจิ วิญฺเญยฺโย, อตฺถิ เกนจิ น วิญฺเญยฺโยฯ อตฺถิ สาสโว, อตฺถิ อนาสโวฯ อตฺถิ อาสวสมฺปยุตฺโต, อตฺถิ อาสววิปฺปยุตฺโตฯ อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ อตฺถิ สํโยชนิโย, อตฺถิ อสํโยชนิโยฯ อตฺถิ สํโยชนสมฺปยุตฺโต, อตฺถิ สํโยชนวิปฺปยุตฺโตฯ อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ อตฺถิ คนฺถนิโย, อตฺถิ อคนฺถนิโยฯ อตฺถิ คนฺถสมฺปยุตฺโต, อตฺถิ คนฺถวิปฺปยุตฺโต ฯ อตฺถิ คนฺถวิปฺปยุตฺตคนฺถนิโย, อตฺถิ คนฺถวิปฺปยุตฺตอคนฺถนิโยฯ อตฺถิ โอฆนิโย, อตฺถิ อโนฆนิโยฯ อตฺถิ โอฆสมฺปยุตฺโต, อตฺถิ โอฆวิปฺปยุตฺโตฯ อตฺถิ โอฆวิปฺปยุตฺตโอฆนิโย, อตฺถิ โอฆวิปฺปยุตฺตอโนฆนิโยฯ อตฺถิ โยคนิโย, อตฺถิ อโยคนิโยฯ อตฺถิ โยคสมฺปยุตฺโต, อตฺถิ โยควิปฺปยุตฺโตฯ

อตฺถิ โยควิปฺปยุตฺตโยคนิโย, อตฺถิ โยควิปฺปยุตฺตอโยคนิโยฯ อตฺถิ นีวรณิโย, อตฺถิ อนีวรณิโยฯ อตฺถิ นีวรณสมฺปยุตฺโต, อตฺถิ นีวรณวิปฺปยุตฺโตฯ อตฺถิ นีวรณวิปฺปยุตฺตนีวรณิโย, อตฺถิ นีวรณวิปฺปยุตฺตอนีวรณิโยฯ อตฺถิ ปรามฏฺโฐ, อตฺถิ อปรามฏฺโฐฯ อตฺถิ ปรามาสสมฺปยุตฺโต, อตฺถิ ปรามาสวิปฺปยุตฺโต ฯ อตฺถิ ปรามาสวิปฺปยุตฺตปรามฏฺโฐ, อตฺถิ ปรามาสวิปฺปยุตฺตอปรามฏฺโฐฯ อตฺถิ อุปาทินฺโน, อตฺถิ อนุปาทินฺโนฯ อตฺถิ อุปาทานิโย, อตฺถิ อนุปาทานิโยฯ อตฺถิ อุปาทานสมฺปยุตฺโต, อตฺถิ อุปาทานวิปฺปยุตฺโตฯ อตฺถิ อุปาทานวิปฺปยุตฺตอุปาทานิโย, อตฺถิ อุปาทานวิปฺปยุตฺตอนุปาทานิโยฯ อตฺถิ สํกิเลสิโก, อตฺถิ อสํกิเลสิโกฯ อตฺถิ สํกิลิฏฺโฐ, อตฺถิ อสํกิลิฏฺโฐฯ อตฺถิ กิเลสสมฺปยุตฺโต, อตฺถิ กิเลสวิปฺปยุตฺโตฯ อตฺถิ กิเลสวิปฺปยุตฺตสํกิเลสิโก, อตฺถิ กิเลสวิปฺปยุตฺตอสํกิเลสิโกฯ อตฺถิ ทสฺสเนน ปหาตพฺโพ, อตฺถิ น ทสฺสเนน ปหาตพฺโพฯ อตฺถิ ภาวนาย ปหาตพฺโพ, อตฺถิ น ภาวนาย ปหาตพฺโพฯ อตฺถิ ทสฺสเนน ปหาตพฺพเหตุโก, อตฺถิ น ทสฺสเนน ปหาตพฺพเหตุโกฯ อตฺถิ ภาวนาย ปหาตพฺพเหตุโก, อตฺถิ น ภาวนาย ปหาตพฺพเหตุโกฯ อตฺถิ สวิตกฺโก, อตฺถิ อวิตกฺโกฯ อตฺถิ สวิจาโร, อตฺถิ อวิจาโรฯ อตฺถิ สปฺปีติโก, อตฺถิ อปฺปีติโกฯ อตฺถิ ปีติสหคโต, อตฺถิ น ปีติสหคโตฯ อตฺถิ กามาวจโร, อตฺถิ น กามาวจโรฯ อตฺถิ รูปาวจโร, อตฺถิ น รูปาวจโรฯ อตฺถิ อรูปาวจโร, อตฺถิ น อรูปาวจโรฯ อตฺถิ ปริยาปนฺโน, อตฺถิ อปริยาปนฺโนฯ อตฺถิ นิยฺยานิโก, อตฺถิ อนิยฺยานิโกฯ อตฺถิ นิยโต, อตฺถิ อนิยโตฯ อตฺถิ สอุตฺตโร, อตฺถิ อนุตฺตโรฯ อตฺถิ สรโณ, อตฺถิ อรโณฯ

ติวิเธน เวทนากฺขนฺโธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขนฺโธฯ

[37] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สรโณ, อตฺถิ อรโณฯ

ติวิเธน เวทนากฺขนฺโธ – อตฺถิ วิปาโก, อตฺถิ วิปากธมฺมธมฺโม, อตฺถิ เนววิปากนวิปากธมฺมธมฺโมฯ

อตฺถิ อุปาทินฺนุปาทานิโย…เป.… อตฺถิ อชฺฌตฺตารมฺมโณ , อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขนฺโธฯ

ทุกมูลกํฯ

[38] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สเหตุโก, อตฺถิ อเหตุโกฯ

ติวิเธน เวทนากฺขนฺโธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขนฺโธฯ

[39] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ เหตุสมฺปยุตฺโต, อตฺถิ เหตุวิปฺปยุตฺโตฯ

ติวิเธน เวทนากฺขนฺโธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขนฺโธฯ

[40] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ น เหตุสเหตุโก, อตฺถิ น เหตุอเหตุโกฯ อตฺถิ โลกิโย, อตฺถิ โลกุตฺตโรฯ อตฺถิ เกนจิ วิญฺเญยฺโย, อตฺถิ เกนจิ น วิญฺเญยฺโยฯ อตฺถิ สาสโว, อตฺถิ อนาสโวฯ อตฺถิ อาสวสมฺปยุตฺโต, อตฺถิ อาสววิปฺปยุตฺโตฯ อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโว…เป.… อตฺถิ สรโณ, อตฺถิ อรโณฯ

ติวิเธน เวทนากฺขนฺโธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขนฺโธฯ

[41] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สเหตุโก, อตฺถิ อเหตุโกฯ

ติวิเธน เวทนากฺขนฺโธ – อตฺถิ วิปาโก, อตฺถิ วิปากธมฺมธมฺโม, อตฺถิ เนววิปากนวิปากธมฺมธมฺโมฯ

อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย , อตฺถิ อนุปาทินฺนอนุปาทานิโยฯ อตฺถิ สํกิลิฏฺฐสํกิเลสิโก, อตฺถิ อสํกิลิฏฺฐสํกิเลสิโก, อตฺถิ อสํกิลิฏฺฐอสํกิเลสิโกฯ อตฺถิ สวิตกฺกสวิจาโร, อตฺถิ อวิตกฺกวิจารมตฺโต, อตฺถิ อวิตกฺกอวิจาโรฯ อตฺถิ ทสฺสเนน ปหาตพฺโพ, อตฺถิ ภาวนาย ปหาตพฺโพ, อตฺถิ เนว ทสฺสเนน น ภาวนาย ปหาตพฺโพฯ อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโกฯ อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามีฯ อตฺถิ เสกฺโข, อตฺถิ อเสกฺโข, อตฺถิ เนวเสกฺขนาเสกฺโขฯ อตฺถิ ปริตฺโต, อตฺถิ มหคฺคโต, อตฺถิ อปฺปมาโณฯ อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณฯ อตฺถิ หีโน, อตฺถิ มชฺฌิโม, อตฺถิ ปณีโตฯ อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโตฯ อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติฯ อตฺถิ อุปฺปนฺโน, อตฺถิ อนุปฺปนฺโน, อตฺถิ อุปฺปาทีฯ อตฺถิ อตีโต, อตฺถิ อนาคโต, อตฺถิ ปจฺจุปฺปนฺโนฯ อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณฯ อตฺถิ อชฺฌตฺโต, อตฺถิ พหิทฺโธ, อตฺถิ อชฺฌตฺตพหิทฺโธฯ อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขนฺโธฯ

[42] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ เหตุสมฺปยุตฺโต, อตฺถิ เหตุวิปฺปยุตฺโตฯ อตฺถิ น เหตุสเหตุโก, อตฺถิ น เหตุอเหตุโกฯ อตฺถิ โลกิโย, อตฺถิ โลกุตฺตโรฯ อตฺถิ เกนจิ วิญฺเญยฺโย , อตฺถิ เกนจิ น วิญฺเญยฺโยฯ อตฺถิ สาสโว, อตฺถิ อนาสโวฯ อตฺถิ อาสวสมฺปยุตฺโต, อตฺถิ อาสววิปฺปยุตฺโตฯ อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ อตฺถิ สํโยชนิโย, อตฺถิ อสํโยชนิโย…เป.… อตฺถิ สรโณ , อตฺถิ อรโณฯ

ติวิเธน เวทนากฺขนฺโธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขนฺโธฯ

ติกมูลกํฯ

[43] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สเหตุโก, อตฺถิ อเหตุโกฯ

ติวิเธน เวทนากฺขนฺโธ – อตฺถิ กุสโล, อตฺถิ อกุสโล, อตฺถิ อพฺยากโต…เป.…ฯ เอวํ ทสวิเธน เวทนากฺขนฺโธฯ

[44] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ เหตุสมฺปยุตฺโต, อตฺถิ เหตุวิปฺปยุตฺโตฯ

ติวิเธน เวทนากฺขนฺโธ – อตฺถิ วิปาโก, อตฺถิ วิปากธมฺมธมฺโม, อตฺถิ เนววิปากนวิปากธมฺมธมฺโม…เป.…ฯ เอวํ ทสวิเธน เวทนากฺขนฺโธฯ

[45] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ น เหตุสเหตุโก, อตฺถิ น เหตุอเหตุโกฯ

ติวิเธน เวทนากฺขนฺโธ – อตฺถิ อุปาทินฺนุปาทานิโย, อตฺถิ อนุปาทินฺนุปาทานิโย, อตฺถิ อนุปาทินฺนอนุปาทานิโย…เป.…ฯ เอวํ ทสวิเธน เวทนากฺขนฺโธฯ

[46] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ โลกิโย, อตฺถิ โลกุตฺตโรฯ

ติวิเธน เวทนากฺขนฺโธ – อตฺถิ สํกิลิฏฺฐสํกิเลสิโก, อตฺถิ อสํกิลิฏฺฐสํกิเลสิโก, อตฺถิ อสํกิลิฏฺฐอสํกิเลสิโก…เป.…ฯ เอวํ ทสวิเธน เวทนากฺขนฺโธฯ

[47] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ เกนจิ วิญฺเญยฺโย , อตฺถิ เกนจิ น วิญฺเญยฺโยฯ

ติวิเธน เวทนากฺขนฺโธ – อตฺถิ สวิตกฺกสวิจาโร, อตฺถิ อวิตกฺกวิจารมตฺโต, อตฺถิ อวิตกฺกอวิจาโร…เป.…ฯ เอวํ ทสวิเธน เวทนากฺขนฺโธฯ

[48] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สาสโว, อตฺถิ อนาสโวฯ

ติวิเธน เวทนากฺขนฺโธ – อตฺถิ ทสฺสเนน ปหาตพฺโพ, อตฺถิ ภาวนาย ปหาตพฺโพ, อตฺถิ เนว ทสฺสเนน น ภาวนาย ปหาตพฺโพ…เป.…ฯ เอวํ ทสวิเธน เวทนากฺขนฺโธฯ

[49] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ อาสวสมฺปยุตฺโต, อตฺถิ อาสววิปฺปยุตฺโตฯ

ติวิเธน เวทนากฺขนฺโธ – อตฺถิ ทสฺสเนน ปหาตพฺพเหตุโก, อตฺถิ ภาวนาย ปหาตพฺพเหตุโก, อตฺถิ เนว ทสฺสเนน น ภาวนาย ปหาตพฺพเหตุโก…เป.…ฯ เอวํ ทสวิเธน เวทนากฺขนฺโธฯ

[50] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ อาสววิปฺปยุตฺตสาสโว, อตฺถิ อาสววิปฺปยุตฺตอนาสโวฯ

ติวิเธน เวทนากฺขนฺโธ – อตฺถิ อาจยคามี, อตฺถิ อปจยคามี, อตฺถิ เนวาจยคามินาปจยคามี…เป.…ฯ เอวํ ทสวิเธน เวทนากฺขนฺโธฯ

[51] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สํโยชนิโย, อตฺถิ อสํโยชนิโยฯ

ติวิเธน เวทนากฺขนฺโธ – อตฺถิ เสกฺโข, อตฺถิ อเสกฺโข, อตฺถิ เนวเสกฺขนาเสกฺโข…เป.…ฯ เอวํ ทสวิเธน เวทนากฺขนฺโธฯ

[52] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สํโยชนสมฺปยุตฺโต, อตฺถิ สํโยชนวิปฺปยุตฺโต ฯ

ติวิเธน เวทนากฺขนฺโธ – อตฺถิ ปริตฺโต, อตฺถิ มหคฺคโต, อตฺถิ อปฺปมาโณ…เป.…ฯ เอวํ ทสวิเธน เวทนากฺขนฺโธฯ

[53] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ สํโยชนวิปฺปยุตฺตสํโยชนิโย, อตฺถิ สํโยชนวิปฺปยุตฺตอสํโยชนิโยฯ

ติวิเธน เวทนากฺขนฺโธ – อตฺถิ ปริตฺตารมฺมโณ, อตฺถิ มหคฺคตารมฺมโณ, อตฺถิ อปฺปมาณารมฺมโณ…เป.…ฯ เอวํ ทสวิเธน เวทนากฺขนฺโธฯ

[54] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ คนฺถนิโย, อตฺถิ อคนฺถนิโยฯ

ติวิเธน เวทนากฺขนฺโธ – อตฺถิ หีโน, อตฺถิ มชฺฌิโม, อตฺถิ ปณีโต…เป.…ฯ เอวํ ทสวิเธน เวทนากฺขนฺโธฯ

[55] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ คนฺถสมฺปยุตฺโต, อตฺถิ คนฺถวิปฺปยุตฺโตฯ

ติวิเธน เวทนากฺขนฺโธ – อตฺถิ มิจฺฉตฺตนิยโต, อตฺถิ สมฺมตฺตนิยโต, อตฺถิ อนิยโต…เป.…ฯ เอวํ ทสวิเธน เวทนากฺขนฺโธฯ

[56] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ คนฺถวิปฺปยุตฺตคนฺถนิโย, อตฺถิ คนฺถวิปฺปยุตฺตอคนฺถนิโยฯ

ติวิเธน เวทนากฺขนฺโธ – อตฺถิ มคฺคารมฺมโณ, อตฺถิ มคฺคเหตุโก, อตฺถิ มคฺคาธิปติ…เป.…ฯ เอวํ ทสวิเธน เวทนากฺขนฺโธฯ

[57] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ โอฆนิโย, อตฺถิ อโนฆนิโยฯ

ติวิเธน เวทนากฺขนฺโธ – อตฺถิ อุปฺปนฺโน, อตฺถิ อนุปฺปนฺโน, อตฺถิ อุปฺปาที…เป.…ฯ เอวํ ทสวิเธน เวทนากฺขนฺโธฯ

[58] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ โอฆสมฺปยุตฺโต, อตฺถิ โอฆวิปฺปยุตฺโตฯ

ติวิเธน เวทนากฺขนฺโธ – อตฺถิ อตีโต, อตฺถิ อนาคโต, อตฺถิ ปจฺจุปฺปนฺโน…เป.…ฯ เอวํ ทสวิเธน เวทนากฺขนฺโธฯ

[59] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ โอฆวิปฺปยุตฺตโอฆนิโย, อตฺถิ โอฆวิปฺปยุตฺตอโนฆนิโยฯ

ติวิเธน เวทนากฺขนฺโธ – อตฺถิ อตีตารมฺมโณ, อตฺถิ อนาคตารมฺมโณ, อตฺถิ ปจฺจุปฺปนฺนารมฺมโณ…เป.…ฯ เอวํ ทสวิเธน เวทนากฺขนฺโธฯ

[60] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ โยคนิโย, อตฺถิ อโยคนิโยฯ

ติวิเธน เวทนากฺขนฺโธ – อตฺถิ อชฺฌตฺโต, อตฺถิ พหิทฺโธ, อตฺถิ อชฺฌตฺตพหิทฺโธ…เป.…ฯ เอวํ ทสวิเธน เวทนากฺขนฺโธฯ

[61] เอกวิเธน เวทนากฺขนฺโธ – ผสฺสสมฺปยุตฺโตฯ

ทุวิเธน เวทนากฺขนฺโธ – อตฺถิ โยคสมฺปยุตฺโต, อตฺถิ โยควิปฺปยุตฺโตฯ

ติวิเธน เวทนากฺขนฺโธ – อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ…เป.…ฯ เอวํ ทสวิเธน เวทนากฺขนฺโธฯ

อุภโตวฑฺฒกํฯ

สตฺตวิเธน เวทนากฺขนฺโธ – อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปนฺโนฯ เอวํ สตฺตวิเธน เวทนากฺขนฺโธฯ

อปโรปิ สตฺตวิเธน เวทนากฺขนฺโธ – อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ , อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปนฺโนฯ เอวํ สตฺตวิเธน เวทนากฺขนฺโธฯ

จตุวีสติวิเธน เวทนากฺขนฺโธ – จกฺขุสมฺผสฺสปจฺจยา เวทนากฺขนฺโธ อตฺถิ กุสโล, อตฺถิ อกุสโล, อตฺถิ อพฺยากโต; โสตสมฺผสฺสปจฺจยา เวทนากฺขนฺโธ…เป.… ฆานสมฺผสฺสปจฺจยา เวทนากฺขนฺโธ…เป.… ชิวฺหาสมฺผสฺสปจฺจยา เวทนากฺขนฺโธ…เป.… กายสมฺผสฺสปจฺจยา เวทนากฺขนฺโธ…เป.… มโนสมฺผสฺสปจฺจยา เวทนากฺขนฺโธ อตฺถิ กุสโล, อตฺถิ อกุสโล, อตฺถิ อพฺยากโต; จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ จตุวีสติวิเธน เวทนากฺขนฺโธฯ

อปโรปิ จตุวีสติวิเธน เวทนากฺขนฺโธ – จกฺขุสมฺผสฺสปจฺจยา เวทนากฺขนฺโธ อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, จกฺขุสมฺผสฺสชา เวทนา…เป.… มโนสมฺผสฺสชา เวทนา; โสตสมฺผสฺสปจฺจยา เวทนากฺขนฺโธ…เป.… ฆานสมฺผสฺสปจฺจยา เวทนากฺขนฺโธ…เป.… ชิวฺหาสมฺผสฺสปจฺจยา เวทนากฺขนฺโธ…เป.… กายสมฺผสฺสปจฺจยา เวทนากฺขนฺโธ…เป.… มโนสมฺผสฺสปจฺจยา เวทนากฺขนฺโธ อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, จกฺขุสมฺผสฺสชา เวทนา…เป.… มโนสมฺผสฺสชา เวทนาฯ เอวํ จตุวีสติวิเธน เวทนากฺขนฺโธฯ

ติํสวิเธน เวทนากฺขนฺโธ – จกฺขุสมฺผสฺสปจฺจยา เวทนากฺขนฺโธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปนฺโน; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา เวทนากฺขนฺโธ อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปนฺโน; จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ ติํสวิเธน เวทนากฺขนฺโธฯ

พหุวิเธน เวทนากฺขนฺโธ – จกฺขุสมฺผสฺสปจฺจยา เวทนากฺขนฺโธ อตฺถิ กุสโล, อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปนฺโน; โสตสมฺผสฺสปจฺจยา…เป.… ฆานสมฺผสฺสปจฺจยา…เป.… ชิวฺหาสมฺผสฺสปจฺจยา…เป.… กายสมฺผสฺสปจฺจยา…เป.… มโนสมฺผสฺสปจฺจยา เวทนากฺขนฺโธ อตฺถิ กุสโล , อตฺถิ อกุสโล, อตฺถิ อพฺยากโต, อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปนฺโน; จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ พหุวิเธน เวทนากฺขนฺโธฯ

อปโรปิ พหุวิเธน เวทนากฺขนฺโธ – จกฺขุสมฺผสฺสปจฺจยา เวทนากฺขนฺโธ อตฺถิ วิปาโก…เป.… อตฺถิ อชฺฌตฺตารมฺมโณ, อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร , อตฺถิ อปริยาปนฺโน; โสตสมฺผสฺสปจฺจยา เวทนากฺขนฺโธ…เป.… ฆานสมฺผสฺสปจฺจยา เวทนากฺขนฺโธ…เป.… ชิวฺหาสมฺผสฺสปจฺจยา เวทนากฺขนฺโธ…เป.… กายสมฺผสฺสปจฺจยา เวทนากฺขนฺโธ…เป.… มโนสมฺผสฺสปจฺจยา เวทนากฺขนฺโธ อตฺถิ วิปาโก…เป.… อตฺถิ อชฺฌตฺตารมฺมโณ , อตฺถิ พหิทฺธารมฺมโณ, อตฺถิ อชฺฌตฺตพหิทฺธารมฺมโณ, อตฺถิ กามาวจโร, อตฺถิ รูปาวจโร, อตฺถิ อรูปาวจโร , อตฺถิ อปริยาปนฺโน; จกฺขุสมฺผสฺสชา เวทนา, โสตสมฺผสฺสชา เวทนา, ฆานสมฺผสฺสชา เวทนา, ชิวฺหาสมฺผสฺสชา เวทนา, กายสมฺผสฺสชา เวทนา, มโนสมฺผสฺสชา เวทนาฯ เอวํ พหุวิเธน เวทนากฺขนฺโธฯ

อยํ วุจฺจติ เวทนากฺขนฺโธฯ

3. สญฺญากฺขนฺโธ

[62] ตตฺถ กตโม สญฺญากฺขนฺโธ? เอกวิเธน สญฺญากฺขนฺโธ – ผสฺสสมฺปยุตฺโตฯ

ทุวิเธน สญฺญากฺขนฺโธ – อตฺถิ สเหตุโก, อตฺถิ อเหตุโกฯ

ติวิเธน สญฺญากฺขนฺโธ – อตฺถิ กุสโล, อตฺถิ อกุสโล, อตฺถิ อพฺยากโตฯ

จตุพฺพิเธน สญฺญากฺขนฺโธ – อตฺถิ กามาวจโร, อตฺถิ รูปาวจโร, อตฺถิ อรูปาวจโร, อตฺถิ อปริยาปนฺโนฯ