เมนู

…อนาทริยํ ปฏิจฺจ สสิตฺถกํ ปตฺตโธวนํ อนฺตรฆเร ฉฑฺเฑนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ฉตฺตปาณิสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ทณฺฑปาณิสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ สตฺถปาณิสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ อาวุธปาณิสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

สุรุสุรุวคฺโค ฉฏฺโฐฯ

7. ปาทุกวคฺโค

[181] …อนาทริยํ ปฏิจฺจ ปาทุการุฬฺหสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ อุปาหนารุฬฺหสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ยานคตสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ สยนคตสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ปลฺลตฺถิกาย นิสินฺนสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ เวฐิตสีสสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ โอคุณฺฐิตสีสสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ฉมายํ นิสีทิตฺวา อาสเน นิสินฺนสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ นีเจ อาสเน นิสีทิตฺวา อุจฺเจ อาสเน นิสินฺนสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ฐิโต นิสินฺนสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ปจฺฉโต คจฺฉนฺโต ปุรโต คจฺฉนฺตสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ อุปฺปเถน คจฺฉนฺโต ปเถน คจฺฉนฺตสฺส ธมฺมํ เทเสนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ฐิโต อุจฺจารํ วา ปสฺสาวํ วา กโรนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ หริเต อุจฺจารํ วา ปสฺสาวํ วา เขฬํ วา กโรนฺโต เอกํ อาปตฺติํ อาปชฺชติฯ ทุกฺกฏํ…ฯ

อนาทริยํ ปฏิจฺจ อุทเก อุจฺจารํ วา ปสฺสาวํ วา เขฬํ วา กโรนฺโต กติ อาปตฺติโย อาปชฺชติ? อนาทริยํ ปฏิจฺจ อุทเก อุจฺจารํ วา ปสฺสาวํ วา เขฬํ วา กโรนฺโต เอกํ อาปตฺติํ อาปชฺชติฯ ทุกฺกฏํ – อนาทริยํ ปฏิจฺจ อุทเก อุจฺจารํ วา ปสฺสาวํ วา เขฬํ วา กโรนฺโต อิมํ เอกํ อาปตฺติํ อาปชฺชติฯ

ปาทุกวคฺโค สตฺตโมฯ

เสขิยา นิฏฺฐิตาฯ

กตาปตฺติวาโร นิฏฺฐิโต ทุติโยฯ

3. วิปตฺติวาโร

[182] เมถุนํ ธมฺมํ ปฏิเสวนฺตสฺส อาปตฺติโย จตุนฺนํ วิปตฺตีนํ กติ วิปตฺติโย ภชนฺติ? เมถุนํ ธมฺมํ ปฏิเสวนฺตสฺส อาปตฺติโย จตุนฺนํ วิปตฺตีนํ ทฺเว วิปตฺติโย ภชนฺติ – สิยา สีลวิปตฺติํ, สิยา อาจารวิปตฺติํ…เป.…ฯ