เมนู

ภุญฺชิสฺสามีติ ปฏิคฺคณฺหาติ, อาปตฺติ ทุกฺกฏสฺส; อชฺโฌหาเร อชฺโฌหาเร อาปตฺติ ปาฏิเทสนียสฺส – อารญฺญเกสุ เสนาสเนสุ ปุพฺเพ อปฺปฏิสํวิทิตํ ขาทนียํ วา โภชนียํ วา อชฺฌาราเม สหตฺถา ปฏิคฺคเหตฺวา ภุญฺชนฺโต อิมา ทฺเว อาปตฺติโย อาปชฺชติฯ

จตฺตาโร ปาฏิเทสนียา นิฏฺฐิตาฯ

6. เสขิยกณฺฑํ

1. ปริมณฺฑลวคฺโค

[175] อนาทริยํ ปฏิจฺจ ปุรโต วา ปจฺฉโต วา โอลมฺเพนฺโต นิวาเสนฺโต กติ อาปตฺติโย อาปชฺชติ? อนาทริยํ ปฏิจฺจ ปุรโต วา ปจฺฉโต วา โอลมฺเพนฺโต นิวาเสนฺโต เอกํ อาปตฺติํ อาปชฺชติฯ ทุกฺกฏํ – อนาทริยํ ปฏิจฺจ ปุรโต วา ปจฺฉโต วา โอลมฺเพนฺโต นิวาเสนฺโต อิมํ เอกํ อาปตฺติํ อาปชฺชติฯ

…อนาทริยํ ปฏิจฺจ ปุรโต วา ปจฺฉโต วา โอลมฺเพนฺโต ปารุปนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ กายํ วิวริตฺวา อนฺตรฆเร คจฺฉนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ กายํ วิวริตฺวา อนฺตรฆเร นิสีทนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ หตฺถํ วา ปาทํ วา กีฬาเปนฺโต อนฺตรฆเร คจฺฉนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ หตฺถํ วา ปาทํ วา กีฬาเปนฺโต อนฺตรฆเร นิสีทนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ตหํ ตหํ โอโลเกนฺโต อนฺตรฆเร คจฺฉนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ ตหํ ตหํ โอโลเกนฺโต อนฺตรฆเร นิสีทนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ อุกฺขิตฺตกาย อนฺตรฆเร คจฺฉนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ อุกฺขิตฺตกาย อนฺตรฆเร นิสีทนฺโต เอกํ อาปตฺติํ อาปชฺชติฯ ทุกฺกฏํ…ฯ

ปริมณฺฑลวคฺโค ปฐโมฯ

2. อุชฺชคฺฆิกวคฺโค

[176] …อนาทริยํ ปฏิจฺจ อุชฺชคฺฆิกาย อนฺตรฆเร คจฺฉนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ อุชฺชคฺฆิกาย อนฺตรฆเร นิสีทนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ อุจฺจาสทฺทํ มหาสทฺทํ กโรนฺโต อนฺตรฆเร คจฺฉนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ อุจฺจาสทฺทํ มหาสทฺทํ กโรนฺโต อนฺตรฆเร นิสีทนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ กายปฺปจาลกํ อนฺตรฆเร คจฺฉนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ กายปฺปจาลกํ อนฺตรฆเร นิสีทนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ พาหุปฺปจาลกํ อนฺตรฆเร คจฺฉนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ พาหุปฺปจาลกํ อนฺตรฆเร นิสีทนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ สีสปฺปจาลกํ อนฺตรฆเร คจฺฉนฺโต เอกํ อาปตฺติํ อาปชฺชติฯ ทุกฺกฏํ…ฯ

…อนาทริยํ ปฏิจฺจ สีสปฺปจาลกํ อนฺตรฆเร นิสีทนฺโต เอกํ อาปตฺติํ อาปชฺชติฯ ทุกฺกฏํ…ฯ

อุชฺชคฺฆิกวคฺโค ทุติโยฯ