นวกํ
นววิเธน รูปสงฺคโห –
[591] จกฺขุนฺทฺริยํ, โสตินฺทฺริยํ, ฆานินฺทฺริยํ, ชิวฺหินฺทฺริยํ กายินฺทฺริยํ, อิตฺถินฺทฺริยํ, ปุริสินฺทฺริยํ, ชีวิตินฺทฺริยํ, ยญฺจ รูปํ น อินฺทฺริยํฯ
เอวํ นววิเธน รูปสงฺคโหฯ
นวกํฯ
ทสกํ
ทสวิเธน รูปสงฺคโห –
[592] จกฺขุนฺทฺริยํ, โสตินฺทฺริยํ, ฆานินฺทฺริยํ, ชิวฺหินฺทฺริยํ กายินฺทฺริยํ, อิตฺถินฺทฺริยํ, ปุริสินฺทฺริยํ, ชีวิตินฺทฺริยํ, น อินฺทฺริยํ รูปํ อตฺถิ สปฺปฏิฆํ, อตฺถิ อปฺปฏิฆํฯ
เอวํ ทสวิเธน รูปสงฺคโหฯ
ทสกํฯ
เอกาทสกํ
เอกาทสวิเธน รูปสงฺคโห –
[593] จกฺขายตนํ, โสตายตนํ, ฆานายตนํ, ชิวฺหายตนํ, กายายตนํ, รูปายตนํ, สทฺทายตนํ , คนฺธายตนํ, รสายตนํ, โผฏฺฐพฺพายตนํ, ยญฺจ รูปํ อนิทสฺสนอปฺปฏิฆํ [อนิทสฺสนํ อปฺปฏิฆํ (สี. สฺยา.)] ธมฺมายตนปริยาปนฺนํฯ
เอวํ เอกาทสวิเธน รูปสงฺคโหฯ
เอกาทสกํฯ
มาติกาฯ
รูปวิภตฺติ