ทุกํ

ทุวิเธน รูปสงฺคโห –

อตฺถิ รูปํ อุปาทา, อตฺถิ รูปํ โน อุปาทาฯ

อตฺถิ รูปํ อุปาทิณฺณํ, อตฺถิ รูปํ อนุปาทิณฺณํฯ

อตฺถิ รูปํ อุปาทิณฺณุปาทานิยํ, อตฺถิ รูปํ อนุปาทิณฺณุปาทานิยํฯ

อตฺถิ รูปํ สนิทสฺสนํ, อตฺถิ รูปํ อนิทสฺสนํฯ

อตฺถิ รูปํ สปฺปฏิฆํ, อตฺถิ รูปํ อปฺปฏิฆํฯ

อตฺถิ รูปํ อินฺทฺริยํ, อตฺถิ รูปํ น อินฺทฺริยํฯ

อตฺถิ รูปํ มหาภูตํ, อตฺถิ รูปํ น มหาภูตํฯ

อตฺถิ รูปํ วิญฺญตฺติ, อตฺถิ รูปํ น วิญฺญตฺติฯ

อตฺถิ รูปํ จิตฺตสมุฏฺฐานํ, อตฺถิ รูปํ น จิตฺตสมุฏฺฐานํฯ

อตฺถิ รูปํ จิตฺตสหภุ, อตฺถิ รูปํ น จิตฺตสหภุฯ

อตฺถิ รูปํ จิตฺตานุปริวตฺติ, อตฺถิ รูปํ น จิตฺตานุปริวตฺติฯ

อตฺถิ รูปํ อชฺฌตฺติกํ, อตฺถิ รูปํ พาหิรํฯ

อตฺถิ รูปํ โอฬาริกํ, อตฺถิ รูปํ สุขุมํฯ

อตฺถิ รูปํ ทูเร, อตฺถิ รูปํ สนฺติเกฯ

อตฺถิ รูปํ จกฺขุสมฺผสฺสสฺส วตฺถุ, อตฺถิ รูปํ จกฺขุสมฺผสฺสสฺส น วตฺถุฯ อตฺถิ รูปํ จกฺขุสมฺผสฺสชาย เวทนาย…เป.… สญฺญาย…เป.… เจตนาย…เป.… จกฺขุวิญฺญาณสฺส วตฺถุ, อตฺถิ รูปํ จกฺขุวิญฺญาณสฺส น วตฺถุฯ

อตฺถิ รูปํ โสตสมฺผสฺสสฺส…เป.… ฆานสมฺผสฺสสฺส…เป.… ชิวฺหาสมฺผสฺสสฺส…เป.… กายสมฺผสฺสสฺส วตฺถุ, อตฺถิ รูปํ กายสมฺผสฺสสฺส น วตฺถุฯ อตฺถิ รูปํ กายสมฺผสฺสชาย เวทนาย…เป.… สญฺญาย…เป.… เจตนาย …เป.… กายวิญฺญาณสฺส วตฺถุ, อตฺถิ รูปํ กายวิญฺญาณสฺส น วตฺถุฯ

อตฺถิ รูปํ จกฺขุสมฺผสฺสสฺส อารมฺมณํ, อตฺถิ รูปํ จกฺขุสมฺผสฺสสฺส นารมฺมณํฯ อตฺถิ รูปํ จกฺขุสมฺผสฺสชาย เวทนาย…เป.… สญฺญาย…เป.… เจตนาย…เป.… จกฺขุวิญฺญาณสฺส อารมฺมณํ, อตฺถิ รูปํ จกฺขุวิญฺญาณสฺส นารมฺมณํฯ

อตฺถิ รูปํ โสตสมฺผสฺสสฺส…เป.… ฆานสมฺผสฺสสฺส…เป.… ชิวฺหาสมฺผสฺสสฺส…เป.… กายสมฺผสฺสสฺส อารมฺมณํ, อตฺถิ รูปํ กายสมฺผสฺสสฺส นารมฺมณํฯ อตฺถิ รูปํ กายสมฺผสฺสชาย เวทนาย…เป.… สญฺญาย…เป.… เจตนาย…เป.… กายวิญฺญาณสฺส อารมฺมณํ, อตฺถิ รูปํ กายวิญฺญาณสฺส นารมฺมณํฯ

อตฺถิ รูปํ จกฺขายตนํ, อตฺถิ รูปํ น จกฺขายตนํฯ อตฺถิ รูปํ โสตายตนํ…เป.… ฆานายตนํ…เป.… ชิวฺหายตนํ…เป.… กายายตนํ, อตฺถิ รูปํ น กายายตนํฯ

อตฺถิ รูปํ รูปายตนํ, อตฺถิ รูปํ น รูปายตนํฯ อตฺถิ รูปํ สทฺทายตนํ…เป.… คนฺธายตนํ…เป.… รสายตนํ…เป.… โผฏฺฐพฺพายตนํ, อตฺถิ รูปํ น โผฏฺฐพฺพายตนํฯ

อตฺถิ รูปํ จกฺขุธาตุ, อตฺถิ รูปํ น จกฺขุธาตุฯ อตฺถิ รูปํ โสตธาตุ…เป.… ฆานธาตุ…เป.… ชิวฺหาธาตุ…เป.… กายธาตุ, อตฺถิ รูปํ น กายธาตุฯ

อตฺถิ รูปํ รูปธาตุ, อตฺถิ รูปํ น รูปธาตุฯ อตฺถิ รูปํ สทฺทธาตุ…เป.… คนฺธธาตุ…เป.… รสธาตุ…เป.… โผฏฺฐพฺพธาตุ, อตฺถิ รูปํ น โผฏฺฐพฺพธาตุฯ

อตฺถิ รูปํ จกฺขุนฺทฺริยํ, อตฺถิ รูปํ น จกฺขุนฺทฺริยํฯ อตฺถิ รูปํ โสตินฺทฺริยํ…เป.… ฆานินฺทฺริยํ…เป.… ชิวฺหินฺทฺริยํ…เป.… กายินฺทฺริยํ, อตฺถิ รูปํ น กายินฺทฺริยํฯ

อตฺถิ รูปํ อิตฺถินฺทฺริยํ, อตฺถิ รูปํ น อิตฺถินฺทฺริยํฯ

อตฺถิ รูปํ ปุริสินฺทฺริยํ, อตฺถิ รูปํ น ปุริสินฺทฺริยํฯ

อตฺถิ รูปํ ชีวิตินฺทฺริยํ, อตฺถิ รูปํ น ชีวิตินฺทฺริยํฯ

อตฺถิ รูปํ กายวิญฺญตฺติ, อตฺถิ รูปํ น กายวิญฺญตฺติฯ

อตฺถิ รูปํ วจีวิญฺญตฺติ, อตฺถิ รูปํ น วจีวิญฺญตฺติฯ

อตฺถิ รูปํ อากาสธาตุ, อตฺถิ รูปํ น อากาสธาตุฯ

อตฺถิ รูปํ อาโปธาตุ, อตฺถิ รูปํ น อาโปธาตุฯ

อตฺถิ รูปํ รูปสฺส ลหุตา, อตฺถิ รูปํ รูปสฺส น ลหุตาฯ

อตฺถิ รูปํ รูปสฺส มุทุตา, อตฺถิ รูปํ รูปสฺส น มุทุตาฯ

อตฺถิ รูปํ รูปสฺส กมฺมญฺญตา, อตฺถิ รูปํ รูปสฺส น กมฺมญฺญตาฯ

อตฺถิ รูปํ รูปสฺส อุปจโย, อตฺถิ รูปํ รูปสฺส น อุปจโยฯ

อตฺถิ รูปํ รูปสฺส สนฺตติ, อตฺถิ รูปํ รูปสฺส น สนฺตติฯ

อตฺถิ รูปํ รูปสฺส ชรตา, อตฺถิ รูปํ รูปสฺส น ชรตาฯ

อตฺถิ รูปํ รูปสฺส อนิจฺจตา, อตฺถิ รูปํ รูปสฺส น อนิจฺจตาฯ

อตฺถิ รูปํ กพฬีกาโร อาหาโร, อตฺถิ รูปํ น กพฬีกาโร อาหาโรฯ

เอวํ ทุวิเธน รูปสงฺคโหฯ

ทุกํฯ

ติกํ

ติวิเธน รูปสงฺคโห –

[585] ยํ ตํ รูปํ อชฺฌตฺติกํ, ตํ อุปาทาฯ ยํ ตํ รูปํ พาหิรํ, ตํ อตฺถิ อุปาทา, อตฺถิ โน อุปาทาฯ

ยํ ตํ รูปํ อชฺฌตฺติกํ, ตํ อุปาทิณฺณํฯ ยํ ตํ รูปํ พาหิรํ, ตํ อตฺถิ อุปาทิณฺณํ, อตฺถิ อนุปาทิณฺณํฯ

ยํ ตํ รูปํ อชฺฌตฺติกํ, ตํ อุปาทิณฺณุปาทานิยํฯ ยํ ตํ รูปํ พาหิรํ, ตํ อตฺถิ อุปาทิณฺณุปาทานิยํ, อตฺถิ อนุปาทิณฺณุปาทานิยํฯ

ยํ ตํ รูปํ อชฺฌตฺติกํ, ตํ อนิทสฺสนํฯ ยํ ตํ รูปํ พาหิรํ, ตํ อตฺถิ สนิทสฺสนํ, อตฺถิ อนิทสฺสนํฯ

ยํ ตํ รูปํ อชฺฌตฺติกํ, ตํ สปฺปฏิฆํฯ ยํ ตํ รูปํ พาหิรํ, ตํ อตฺถิ สปฺปฏิฆํ, อตฺถิ อปฺปฏิฆํฯ

ยํ ตํ รูปํ อชฺฌตฺติกํ, ตํ อินฺทฺริยํฯ ยํ ตํ รูปํ พาหิรํ, ตํ อตฺถิ อินฺทฺริยํ, อตฺถิ น อินฺทฺริยํฯ

ยํ ตํ รูปํ อชฺฌตฺติกํ, ตํ น มหาภูตํฯ ยํ ตํ รูปํ พาหิรํ, ตํ อตฺถิ มหาภูตํ, อตฺถิ น มหาภูตํฯ

ยํ ตํ รูปํ อชฺฌตฺติกํ, ตํ น วิญฺญตฺติฯ ยํ ตํ รูปํ พาหิรํ, ตํ อตฺถิ วิญฺญตฺติ, อตฺถิ น วิญฺญตฺติฯ