กุรุกจฺฉา ปยาตานํ, วาณิชานํ ธเนสินํ;
นาวาย วิปฺปนฏฺฐาย, พฬวามุขีติ [วฬภามุขีติ (สี. สฺยา.), พลวามุขีติ (สฺยา. ก.)] วุจฺจติฯ
[120]
ยโต สรามิ อตฺตานํ, ยโต ปตฺโตสฺมิ วิญฺญุตํ;
นาภิชานามิ สญฺจิจฺจ, เอกปาณมฺปิ หิํสิตํ;
เอเตน สจฺจวชฺเชน, โสตฺถิํ นาวา นิวตฺตตูติฯ
สุปฺปารกชาตกํ นวมํฯ
เอกาทสกนิปาตํ นิฏฺฐิตํฯ
ตสฺสุทฺทานํ –
สิริมาตุสุโปสกนาควโร, ปุน ชุณฺหก ธมฺมมุทยวโร;
อถ ปานิ ยุธญฺจยโก จ, ทสรถ สํวร ปารคเตน นวาติฯ
12. ทฺวาทสกนิปาโต
464. จูฬกุณาลชาตกํ (1)
[1]