‘‘อยํ เม ปจฺฉิมา ชาติ, จริโม วตฺตเต ภโว;

อชฺชาปิ เสตจฺฉตฺตํ เม, สพฺพกาลํ ธรียติฯ

[45]

‘‘สตสหสฺสิโต กปฺเป, ยํ ฉตฺตมททิํ ตทา;

ทุคฺคติํ นาภิชานามิ, ฉตฺตทานสฺสิทํ ผลํฯ

[46]

‘‘กิเลสา ฌาปิตา มยฺหํ…เป.… วิหรามิ อนาสโวฯ

[47]

‘‘สฺวาคตํ วต เม อาสิ…เป.… กตํ พุทฺธสฺส สาสนํฯ

[48]

‘‘ปฏิสมฺภิทา จตสฺโส…เป.… กตํ พุทฺธสฺส สาสนํ’’ฯ

อิตฺถํ สุทํ อายสฺมา เอกฉตฺติโย เถโร อิมา คาถาโย

อภาสิตฺถาติฯ

เอกฉตฺติยตฺเถรสฺสาปทานํ สตฺตมํฯ

8. ชาติปุปฺผิยตฺเถรอปทานํ

[49]

‘‘ปรินิพฺพุเต ภควติ, ปทุมุตฺตเร มหายเส;

ปุปฺผวฏํสเก กตฺวา [ปุปฺผจงฺโกฏเก คเหตฺวา (สฺยา.)], สรีรมภิโรปยิํฯ

[50]

‘‘ตตฺถ จิตฺตํ ปสาเทตฺวา, นิมฺมานํ อคมาสหํ;

เทวโลกคโต สนฺโต, ปุญฺญกมฺมํ สรามหํฯ

[51]

‘‘อมฺพรา ปุปฺผวสฺโส เม, สพฺพกาลํ ปวสฺสติ;

สํสรามิ มนุสฺเส เจ [เว (สฺยา.)], ราชา โหมิ มหายโสฯ

[52]

‘‘ตหิํ กุสุมวสฺโส เม, อภิวสฺสติ สพฺพทา;

ตสฺเสว [กาเยสุ (สฺยา.), กาเยว (ปี.)] ปุปฺผปูชาย, วาหสา สพฺพทสฺสิโนฯ

[53]

‘‘อยํ ปจฺฉิมโก มยฺหํ, จริโม วตฺตเต ภโว;

อชฺชาปิ ปุปฺผวสฺโส เม, อภิวสฺสติ สพฺพทาฯ

[54]

‘‘สตสหสฺสิโต กปฺเป, ยํ ปุปฺผมภิโรปยิํ;

ทุคฺคติํ นาภิชานามิ, เทหปูชายิทํ ผลํฯ

[55]

‘‘กิเลสา ฌาปิตา มยฺหํ…เป.… วิหรามิ อนาสโวฯ

[56]

‘‘สฺวาคตํ วต เม อาสิ…เป.… กตํ พุทฺธสฺส สาสนํฯ

[57]

‘‘ปฏิสมฺภิทา จตสฺโส…เป.… กตํ พุทฺธสฺส สาสนํ’’ฯ

อิตฺถํ สุทํ อายสฺมา ชาติปุปฺผิโย เถโร อิมา คาถาโย

อภาสิตฺถาติฯ

ชาติปุปฺผิยตฺเถรสฺสาปทานํ อฏฺฐมํฯ

9. ปฏฺฏิปุปฺผิยตฺเถรอปทานํ

[58]

‘‘นีหรนฺเต สรีรมฺหิ, วชฺชมานาสุ เภริสุ;

ปสนฺนจิตฺโต สุมโน, ปฏฺฏิปุปฺผมปูชยิํ [สตฺติ… (สฺยา. ปี.)]ฯ

[59]

‘‘สตสหสฺสิโต กปฺเป, ยํ ปุปฺผมภิปูชยิํ;

ทุคฺคติํ นาภิชานามิ, เทหปูชายิทํ ผลํฯ

[60]

‘‘กิเลสา ฌาปิตา มยฺหํ…เป.… วิหรามิ อนาสโวฯ

[61]

‘‘สฺวาคตํ วต เม อาสิ…เป.… กตํ พุทฺธสฺส สาสนํฯ

[62]

‘‘ปฏิสมฺภิทา จตสฺโส…เป.… กตํ พุทฺธสฺส สาสนํ’’ฯ

อิตฺถํ สุทํ อายสฺมา ปฏฺฏิปุปฺผิโย [สตฺติปณฺณิโย (สฺยา. ปี.)] เถโร อิมา คาถาโย

อภาสิตฺถาติฯ

ปฏฺฏิปุปฺผิยตฺเถรสฺสาปทานํ นวมํฯ

10. คนฺธปูชกตฺเถรอปทานํ

[63]

‘‘จิตาสุ กุรุมานาสุ [จิตฺเตสุ กยิรมาเนสุ (สี.)], นานาคนฺเธ สมาหเฏ;

ปสนฺนจิตฺโต สุมโน, คนฺธมุฏฺฐิมปูชยิํฯ

[64]

‘‘สตสหสฺสิโต กปฺเป, จิตกํ ยมปูชยิํ;

ทุคฺคติํ นาภิชานามิ, จิตปูชายิทํ ผลํฯ

[65]

‘‘กิเลสา ฌาปิตา มยฺหํ…เป.… วิหรามิ อนาสโวฯ

[66]

‘‘สฺวาคตํ วต เม อาสิ…เป.… กตํ พุทฺธสฺส สาสนํฯ

[67]