‘‘สพฺพโสณฺณมยํ ฆรํ, วิสฺสกมฺเมน มาปิตํ;

อชฺฌาวุตฺถํ มยา เอตํ, ฆรทานสฺสิทํ ผลํฯ

[76]

‘‘เต สพฺเพ อนุโภตฺวาน, เทวมานุสเก ภเว;

อชฺฌปตฺโตมฺหิ นิพฺพานํ, สนฺติปทมนุตฺตรํฯ

[77]

‘‘ติํสกปฺปสหสฺสมฺหิ, โพธิฆรมการยิํ;

ทุคฺคติํ นาภิชานามิ, ฆรทานสฺสิทํ ผลํฯ

[78]

‘‘กิเลสา ฌาปิตา มยฺหํ…เป.… วิหรามิ อนาสโวฯ

[79]

‘‘สฺวาคตํ วต เม อาสิ…เป.… กตํ พุทฺธสฺส สาสนํฯ

[80]

‘‘ปฏิสมฺภิทา จตสฺโส…เป.… กตํ พุทฺธสฺส สาสนํ’’ฯ

อิตฺถํ สุทํ อายสฺมา โพธิฆรทายโก เถโร อิมา คาถาโย

อภาสิตฺถาติฯ

โพธิฆรทายกตฺเถรสฺสาปทานํ ทสมํฯ

วิภีตกวคฺโค ปญฺจจตฺตาลีสโมฯ

ตสฺสุทฺทานํ –

วิภีตกี โกลผลี, พิลฺลภลฺลาตกปฺปโท;

อุตฺตลมฺพฏกี เจว, อาสนี ปาทปีฐโกฯ

เวทิโก โพธิฆริโก, คาถาโย คณิตาปิ จ;

เอกูนาสีติกา สพฺพา, อสฺมิํ วคฺเค ปกิตฺติตาฯ

46. ชคติทายกวคฺโค