2. ปุปฺผถูปิยตฺเถรอปทานํ

[10]

‘‘หิมวนฺตสฺสาวิทูเร , กุกฺกุโร นาม [กุกฺกุโฏ นาม (สี.)] ปพฺพโต;

เวมชฺเฌ ตสฺส วสติ, พฺราหฺมโณ มนฺตปารคูฯ

[11]

‘‘ปญฺจ สิสฺสสหสฺสานิ, ปริวาเรนฺติ มํ สทา;

ปุพฺพุฏฺฐายี จ เต อาสุํ, มนฺเตสุ จ วิสารทาฯ

[12]

‘‘พุทฺโธ โลเก สมุปฺปนฺโน, ตํ วิชานาถ โน ภวํ;

อสีติพฺยญฺชนานสฺส, พาตฺติํสวรลกฺขณาฯ

[13]

‘‘พฺยามปฺปโภ ชินวโร, อาทิจฺโจว วิโรจติ;

สิสฺสานํ วจนํ สุตฺวา, พฺราหฺมโณ มนฺตปารคูฯ

[14]

‘‘อสฺสมา อภินิกฺขมฺม, ทิสํ ปุจฺฉติ สิสฺสเก [พฺราหฺมโณ (สฺยา.)];

ยมฺหิ เทเส มหาวีโร, วสติ โลกนายโกฯ

[15]

‘‘ตาหํ ทิสํ นมสฺสิสฺสํ, ชินํ อปฺปฏิปุคฺคลํ;

อุทคฺคจิตฺโต สุมโน, ปูเชสิํ ตํ ตถาคตํฯ

[16]

‘‘เอถ สิสฺสา คมิสฺสาม, ทกฺขิสฺสาม ตถาคตํ;

วนฺทิตฺวา สตฺถุโน ปาเท, โสสฺสาม ชินสาสนํฯ

[17]

‘‘เอกาหํ อภินิกฺขมฺม, พฺยาธิํ ปฏิลภิํ อหํ;

พฺยาธินา ปีฬิโต สนฺโต, สาลํ วาสยิตุํ คมิํฯ

[18]

‘‘สพฺเพ สิสฺเส สมาเนตฺวา, อปุจฺฉิํ เต ตถาคตํ;

กีทิสํ โลกนาถสฺส, คุณํ ปรมพุทฺธิโนฯ

[19]

‘‘เต เม ปุฏฺฐา วิยากํสุ, ยถา ทสฺสาวิโน ตถา;

สกฺกจฺจํ พุทฺธเสฏฺฐํ ตํ, เทเสสุํ [ทสฺเสสุํ (สี. สฺยา.)] มม สมฺมุขาฯ

[20]

‘‘เตสาหํ วจนํ สุตฺวา, สกํ จิตฺตํ ปสาทยิํ;

ปุปฺเผหิ ถูปํ กตฺวาน, ตตฺถ กาลงฺกโต อหํฯ

[21]

‘‘เต เม สรีรํ ฌาเปตฺวา, อคมุํ พุทฺธสนฺติกํ;

อญฺชลิํ ปคฺคเหตฺวาน, สตฺถารมภิวาทยุํฯ

[22]

‘‘ปุปฺเผหิ ถูปํ กตฺวาน, สุคตสฺส มเหสิโน;

กปฺปานํ สตสหสฺสํ, ทุคฺคติํ นุปปชฺชหํฯ

[23]

‘‘จตฺตาลีสสหสฺสมฺหิ , กปฺเป โสฬส ขตฺติยา;

นาเมนคฺคิสมา นาม, จกฺกวตฺตี มหพฺพลาฯ

[24]

‘‘วีสกปฺปสหสฺสมฺหิ, ราชาโน จกฺกวตฺติโน;

ฆตาสนสนามาว, อฏฺฐตฺติํส มหีปตีฯ

[25]

‘‘ปฏิสมฺภิทา จตสฺโส…เป.… กตํ พุทฺธสฺส สาสนํ’’ฯ

อิตฺถํ สุทํ อายสฺมา ปุปฺผถูปิโย เถโร อิมา คาถาโย อภาสิตฺถาติฯ

ปุปฺผถูปิยตฺเถรสฺสาปทานํ ทุติยํฯ

3. ปายสทายกตฺเถรอปทานํ

[26]

สุวณฺณวณฺณํ …เป.… ปุรกฺขตํ-เอวํ ทุติยนฺตวเสน สี. สฺยา. โปตฺถเกสุ ทิสฺสติ> ‘‘สุวณฺณวณฺโณ สมฺพุทฺโธ, พาตฺติํสวรลกฺขโณ;

ปวนา [ปธาโน (ก.)] อภินิกฺขนฺโต, ภิกฺขุสงฺฆปุรกฺขโต [สุวณฺณวณฺณํ …เป.… ปุรกฺขตํ-เอวํ ทุติยนฺตวเสน สี. สฺยา. โปตฺถเกสุ ทิสฺสติ]ฯ

[27]

‘‘มหจฺจา [สหตฺถา (สฺยา. ก.)] กํสปาติยา, วฑฺเฒตฺวา ปายสํ [ปายาสํ (สฺยา. ก.)] อหํ;

อาหุติํ ยิฏฺฐุกาโม โส, อุปเนสิํ พลิํ อหํฯ

[28]

‘‘ภควา ตมฺหิ สมเย, โลกเชฏฺโฐ นราสโภ;

จงฺกมํ สุสมารูฬฺโห, อมฺพเร อนิลายเนฯ

[29]

‘‘ตญฺจ อจฺฉริยํ ทิสฺวา, อพฺภุตํ โลมหํสนํ;

ฐปยิตฺวา กํสปาติํ, วิปสฺสิํ อภิวาทยิํฯ

[30]

‘‘ตุวํ เทโวสิ [พุทฺโธสิ (สฺยา.)] สพฺพญฺญู, สเทเว สหมานุเส;

อนุกมฺปํ อุปาทาย, ปฏิคณฺห มหามุนิฯ

[31]

‘‘ปฏิคฺคเหสิ ภควา, สพฺพญฺญู โลกนายโก;

มม สงฺกปฺปมญฺญาย, สตฺถา โลเก มหามุนิ [อนุตฺตโร (สฺยา.)]ฯ

[32]

‘‘เอกนวุติโต กปฺเป, ยํ ทานมททิํ ตทา;

ทุคฺคติํ นาภิชานามิ, ปายสสฺส [ปายาสสฺส (สฺยา. ก.)] อิทํ ผลํฯ

[33]