เมนู

ภิกฺขุ อตฺถตกถิโน วิปฺปกตจีวรํ อาทาย ปกฺกมติฯ ตสฺส พหิสีมคตสฺส เอวํ โหติ – ‘‘เนวิมํ จีวรํ กาเรสฺสํ, น ปจฺเจสฺส’’นฺติฯ ตสฺส ภิกฺขุโน สนฺนิฏฺฐานนฺติโก กถินุทฺธาโรฯ

ภิกฺขุ อตฺถตกถิโน วิปฺปกตจีวรํ อาทาย ปกฺกมติฯ ตสฺส พหิสีมคตสฺส เอวํ โหติ – ‘‘อิเธวิมํ จีวรํ กาเรสฺสํ น ปจฺเจสฺส’’นฺติฯ โส ตํ จีวรํ กาเรติฯ ตสฺสํ ตํ จีวรํ กยิรมานํ นสฺสติฯ ตสฺส ภิกฺขุโน นาสนนฺติโก กถินุทฺธาโรฯ

ภิกฺขุ อตฺถตกถิโน วิปฺปกตจีวรํ อาทาย ปกฺกมติ ‘‘ปจฺเจสฺส’’นฺติฯ โส พหิสีมคโต ตํ จีวรํ กาเรติฯ โส กตจีวโร สุณาติ – ‘‘อุพฺภตํ กิร ตสฺมิํ อาวาเส กถิน’’นฺติฯ ตสฺส ภิกฺขุโน สวนนฺติโก กถินุทฺธาโรฯ

ภิกฺขุ อตฺถตกถิโน วิปฺปกตจีวรํ อาทาย ปกฺกมติ ‘‘ปจฺเจสฺส’’นฺติฯ โส พหิสีมคโต ตํ จีวรํ กาเรติฯ โส กตจีวโร ‘‘ปจฺเจสฺสํ ปจฺเจสฺส’’นฺติ พหิทฺธา กถินุทฺธารํ วีตินาเมติฯ ตสฺส ภิกฺขุโน สีมาติกฺกนฺติโก กถินุทฺธาโรฯ

ภิกฺขุ อตฺถตกถิโน วิปฺปกตจีวรํ อาทาย ปกฺกมติ ‘‘ปจฺเจสฺส’’นฺติฯ โส พหิสีมคโต ตํ จีวรํ กาเรติฯ โส กตจีวโร ‘‘ปจฺเจสฺสํ ปจฺเจสฺส’’นฺติ สมฺภุณาติ กถินุทฺธารํฯ ตสฺส ภิกฺขุโน สห ภิกฺขูหิ กถินุทฺธาโรฯ

อาทายฉกฺกํ นิฏฺฐิตํฯ

191. สมาทายฉกฺกํ

[314] ภิกฺขุ อตฺถตกถิโน วิปฺปกตจีวรํ สมาทาย ปกฺกมติฯ ตสฺส พหิสีมคตสฺส เอวํ โหติ – ‘‘อิเธวิมํ จีวรํ กาเรสฺสํ, น ปจฺเจสฺส’’นฺติฯ โส ตํ จีวรํ กาเรติฯ ตสฺส ภิกฺขุโน นิฏฺฐานนฺติโก กถินุทฺธาโรฯ

ภิกฺขุ อตฺถตกถิโน วิปฺปกตจีวรํ สมาทาย ปกฺกมติฯ ตสฺส พหิสีมคตสฺส เอวํ โหติ – ‘‘เนวิมํ จีวรํ กาเรสฺสํ, น ปจฺเจสฺส’’นฺติฯ ตสฺส ภิกฺขุโน สนฺนิฏฺฐานนฺติโก กถินุทฺธาโรฯ

ภิกฺขุ อตฺถตกถิโน วิปฺปกตจีวรํ สมาทาย ปกฺกมติฯ ตสฺส พหิสีมคตสฺส เอวํ โหติ – ‘‘อิเธวิมํ จีวรํ กาเรสฺสํ, น ปจฺเจสฺส’’นฺติฯ โส ตํ จีวรํ กาเรติฯ ตสฺส ตํ จีวรํ กยิรมานํ นสฺสติฯ ตสฺส ภิกฺขุโน นาสนนฺติโก กถินุทฺธาโรฯ

ภิกฺขุ อตฺถตกถิโน วิปฺปกตจีวรํ สมาทาย ปกฺกมติ ‘‘ปจฺเจสฺส’’นฺติฯ โส พหิสีมคโต ตํ จีวรํ กาเรติฯ โส กตจีวโร สุณาติ – ‘‘อุพฺภตํ กิร ตสฺมิํ อาวาเส กถิน’’นฺติฯ ตสฺส ภิกฺขุโน สวนนฺติโก กถินุทฺธาโรฯ

ภิกฺขุ อตฺถตกถิโน วิปฺปกตจีวรํ สมาทาย ปกฺกมติ ‘‘ปจฺเจสฺส’’นฺติฯ โส พหิสีมคโต ตํ จีวรํ กาเรติฯ โส กตจีวโร ‘‘ปจฺเจสฺสํ ปจฺเจสฺส’’นฺติ พหิทฺธา กถินุทฺธารํ วีตินาเมติฯ ตสฺส ภิกฺขุโน สีมาติกฺกนฺติโก กถินุทฺธาโรฯ

ภิกฺขุ อตฺถตกถิโน วิปฺปกตจีวรํ สมาทาย ปกฺกมติ ‘‘ปจฺเจสฺส’’นฺติฯ โส พหิสีมคโต ตํ จีวรํ กาเรติฯ โส กตจีวโร ‘‘ปจฺเจสฺสํ ปจฺเจสฺส’’นฺติ สมฺภุณาติ กถินุทฺธารํฯ ตสฺส ภิกฺขุโน สห ภิกฺขูหิ กถินุทฺธาโรฯ

สมาทายฉกฺกํ นิฏฺฐิตํฯ

192. อาทายปนฺนรสกํ

[315] ภิกฺขุ อตฺถตกถิโน จีวรํ อาทาย ปกฺกมติฯ ตสฺส พหิสีมคตสฺส เอวํ โหติ – ‘‘อิเธวิมํ จีวรํ กาเรสฺสํ, น ปจฺเจสฺส’’นฺติฯ โส ตํ จีวรํ กาเรติฯ ตสฺส ภิกฺขุโน นิฏฺฐานนฺติโก กถินุทฺธาโรฯ

ภิกฺขุ อตฺถตกถิโน จีวรํ อาทาย ปกฺกมติฯ ตสฺส พหิสีมคตสฺส เอวํ โหติ – ‘‘เนวิมํ จีวรํ กาเรสฺสํ, น ปจฺเจสฺส’’นฺติฯ ตสฺส ภิกฺขุโน สนฺนิฏฺฐานนฺติโก กถินุทฺธาโรฯ

ภิกฺขุ อตฺถตกถิโน จีวรํ อาทาย ปกฺกมติฯ ตสฺส พหิสีมคตสฺส เอวํ โหติ –