ฯ นโม ตสฺส ภควโต อรหโต สมฺมาสมฺพุทฺธสฺสฯ วิสารทํ วาทปถาติ วตฺตินํ, ติโลกปชฺโชตมสยฺหสาหินํ; อเสส เญยฺยาวรณปฺปหายินํ, นมามิ สตฺถารมนนฺตโคจรํฯ ติโลก นาถปฺปภวํ ภยาปหํ, วิสุทฺธวิชฺชาจรเณหิ เสวิตํ; ปปญฺจ สํโยชนพนฺธนจฺฉิทํ, นมามิ ธมฺมํ นิปุณํ สุทุทฺทสํฯ ปสาทมตฺเตน’ปิ ยตฺถ ปาณิโน, ผูสนฺติ ทุกฺขกฺขยมจฺจุตํ ปทํ; ตมาหุเณยฺยํ สุสมาหิตินฺทฺริยํ, นมามิ สงฺฆํ มุนิราชสาวกํฯ วิภุสยํ กาฬกนาครนฺว ยํ, ปรกฺกโม การุณิโก จมูปติ; คเวสมาโน ชินสาสนสฺส โย, วิรูฬฺหิมตฺถญฺจ ชนสฺส ปตฺถยํฯ |