กายขมนีย-นิทฺเทส

[234]

อภิวาทน-สีลิสฺส ,

นิจฺจํ วุฑฺฒาปจายิโน;

จตฺตาโร ธมฺมา วฑฺฒนฺติ,

อายุ วณฺโณ สุขํ พลํฯ

[235] ปญฺจิเม ภิกฺขเว ธมฺมา อายุสฺสา, กตเม ปญฺจฯ สปฺปาย-การี โหติฯ สปฺปาเยจ มตฺตํ ชานาติฯ ปริณตฺตโภชี จ โหติฯ กาล-จารี จ, พฺรหฺม-จารีจฯ อิเม โข ภิกฺขเว ปญฺจ ธมฺมา อายุสฺสาติฯ

[236] ปญฺจิเม ภิกฺขเว ธมฺมา อายุสฺสา, กตเม ปญฺจฯ สปฺปาย-การี โหติฯ สปฺปาเยจ มตฺตํ ชานาติฯ ปริณตโภชีจโหติฯ สีลวาจ, กลฺยาณ มิตฺโตจฯ อิเม โข ภิกฺขเว ปญฺจ ธมฺมา อายุสฺสาติฯ

[237]

ปญฺจ-สีลํ สมาทาย,

สมํ กตฺวา ทิเน ทิเน;

สติมา ปญฺญวา หุตฺวา,

จเร สพฺพิริยาปเถฯ

[238] ปญฺจิเม ภิกฺขเว จงฺกเม อานิสํสา, กตเม ปญฺจ, อทฺธานกฺขโม โหติฯ ปธานกฺขโม โหติฯ อปฺปาพาโธ โหติฯ อสิตํปีตํขายิตํสายิตํ สมฺมา ปริณามํ คจฺฉติฯ จงฺกมาธิคโต สมาธิ จิรฏฺฐิติโก โหติฯ อิเมโข ภิกฺขเว ปญฺจ จงฺกเม อานิ สํสาติฯ

[239]

ปริสฺสาวน-ทานญฺจ ,

อาวาส-ทานเมว จ;

คิลาน-วตฺถุ-ทานญฺจ,

ทาตพฺพํ มนุชาธิปฯ

[240]

กาตพฺพํ ชิณฺณกาวาสํ,

ปฏิสงฺขรณํ ตถา;

ปญฺจ-สีล-สมาทานํ,

กตฺวา ตํ สาธุ-รกฺขิตํ;

อุโปสโถปวาโส จ,

กาตพฺโพโปสเถ อิติฯ

[241]

อติ-โภตฺตา โรค-มูลํ,

อายุกฺขยํ กโรติ เว;

ตสฺมา ตํ อติ-ภุตฺติํว,

ปริหเรยฺย ปณฺฑิโตฯ

[242]

อ-ชิณฺเณ โภชนํ วิสํ,

ทุลฺลทฺเธ อ-วิจารเก;

ชิณฺเณ สุ-ลทฺเธ วิจาเร,

น วชฺชํ สพฺพ-โภชนํฯ

[243]

จตฺตาโร ปญฺจ อาโลเป,

อาภุตฺวา อุทกํ ปิเว;

อลํ ผาสุ-วิหาราย;

ปหิตตฺตสฺส ภิกฺขุโนฯ

[244]

มนุชสฺส สทา สติมโต,

มตฺตํ ชานโต ลทฺธ-โภชนํ;

ตนุกสฺส ภวนฺติ เวทนา,

สนิกํ ชีรติ อายุ ปาลยํฯ

[245]

ครูนํ อฑฺฒ-โสหิจฺจํ,

ลหูนํ นาติ-กิตฺติยา;

มตฺตา-ปมาณํ นิทฺทิฏฺฐํ,

สุขํ ชีรติ ตาวตาฯ

[246]

โตยาภาเว ปิปาสตฺตา,

ขณา ปาเณหิ มุจฺจเต;

ตสฺมา สพฺพาสุวตฺถาสุ,

เทยฺยํ วาริํ ปิปาสเยฯ

[247]

สีโตทกํ ปโย ขุทฺทํ,

ฆตเมเกกโส ทฺวิโส;

ติสฺโส สมคฺคมถ วา,

ปเค ปิตํ ยุวตฺตทํฯ

[248]

อนฺนํ พฺรหฺมา รเส วิณฺหุ,

ภุตฺเต เจว มเหสโร;

เอวํ ญตฺวาตุ โย ภุญฺเช,

อนฺน-โทสํ น ลิมฺปเตฯ

[249]

กตฺติกสฺสนฺติโม ภาโค,

ยํ จาโท มิค-มาสโช;

ตาวุโภ ยม-ทาฐาขฺโย,

ลฆฺวาหาโรว ชีวติฯ

[250]

สตฺถานุกุล-จริยา ,

จิตฺตญฺญาวสวตฺตินา;

พุทฺธิ-รกฺขิลิตตฺเถน,

ปริปุณฺณํ รสายนํฯ

[250]

อ-ชาติยา อ-ชาตานํ,

ชาตานํ วินิวตฺติยา;

โรคานํ โย วิธิ ทิฏฺโฐ,

ตํ สุขตฺถี สมาจเรฯ

[252]

อาโรคฺยํ ปรมา ลาภา,

สนฺตุฏฺฐิ ปรมํ ธนํ;

วิสฺสาสา ปรมา ญาติ,

นิพฺพานํ ปรมํ สุขํฯ

ปกิณฺณก-นิทฺเทส

[253]

กุมุทํ โก ปโพธยิ,

นาโถ รวินฺทุ ปณฺฑิโต;

กมลํ โก กุมุทํ โก,

นรปํ โก ปโพธยิฯ

[254]