เมนู

สูรสฺสตีนีติ

[1]

กตญฺญุตา จ สจฺจญฺจ,

โลกสารา หิ เต ทุเว;

โลกาปิ เตหิ ติฏฺฐนฺติ,

รฏฺฐํ อกํสุ อิสฺสรํฯ

[2]

กากาจ ทุชฺชนา โลเก,

มลีภูตาว สพฺพทา;

อิฏฺฐํ คุณํ นาสยนฺติ,

เต เว โลกสฺส เวริโนฯ

มิคานํ สิงฺคาโล อนฺโต,

ปกฺขีนํ ปน วายโสฯ

อการณเวรี โหนฺติ,

มจฺฉานํ ธีวรา ยถา;

คุณีนํ สชฺชนานญฺจ,

ทุชฺชนา นิจฺจเวริโนฯ

[3]

สิริํ โภนฺโต สุโปเสถ,

สิริ มูลา หิ สมฺปทา;

สิริย อิธ โชตนฺติ,

สิรี สา สพฺพสิทฺธิกาฯ

[4]

มุสา ตโมกรา โลเก,

สจฺจํ มีทิติการกํ;

มุสาตเมน ทุกฺขนฺติ,

สจฺจาภาย สุขนฺติเวฯ

สุวิชานํ สิงฺคาลานํ,

สกุณานญฺจ วสฺสิตํ;

มนุสฺสวสฺสิตํ ราช,

ทุพฺพิชานตรํ ตโตฯ

[5]

กปฺปคฺคิสทิสา อิสฺสา,

ฌาเปติ สพฺพสมฺปทํ;

มุทิตา กปฺปเมโฆว,

โรเปติ สพฺพสมฺปทํฯ

[6]

ยถา อสนฺถิรา ถมฺภา,

ถุสราสิมฺหิ อุสฺสิตา;

ตเถว กปิจิตฺตานํ,

กมฺมนฺตา จญฺจลงฺคตาฯ

หลิทฺทิราคํ กปิจิตฺตํ;

ปุริสํ ราควิราคินํ,

เอทิสํ ตาต มาเสวิ;

นิมฺมนุสฺสมฺปิ เจ สิยาฯ

[7] [ก]

ปุปฺผจุมฺพิ จิตฺตปตฺตี,

สกวณฺเณน มชฺชิโต;

วิกฺกมี ปุปฺผโต ปุปฺผํ,

นสฺสาคารํ น สงฺคโมฯ

[ข]

กิปฺปิลิกา ทุพฺพณฺณาปิ,

สมคฺคาจ ปรกฺกมา;

มา โหถ ปุปฺผจุมฺพีว,

โหถ โว ปจิกา ยถาฯ

[1]

เย มรนฺติ กีฬนฺตา เต,

สฺวานา อญฺโญญฺญโมทิตา;

ทิสฺวาน ฉฏฺฏิตํ ภตฺตํ,

สีฆเวรี วิหิํสเรฯ

[2]

ตเถเกปิ ชนา ทานิ,

สมคฺคา ญฺโญญฺญโมทิตา;

ธนเหตุ วิหิํสนฺติ,

ธีรตฺถุ สีฆเวริกาฯ

[9]

วสนฺเต เหมนฺเต คิมฺเห;

เนว ตาลา วิเสสิโน;

ถิรจิตฺตา ชนา สนฺตา;

สุขทุกฺเขสุ นิจฺจลาฯ

[10]

ยถา ปวฏฺฏมานมฺหิ,

สุฏฺฐุ ติฏฺฐติ เคณฺฐุเก;

อปฺปวฏฺเฏ ภูมฺยํ เสติ,

ตเถว เคณฺฐุโก ชโนฯ

[11]

อคฺฆาเปตุํ นสกฺโกนฺติ,

กาลญฺหิ กาลิกา ชนา;

วชิราทิญฺจ สกฺโกนฺติ,

เตน กาโล อนคฺฆิโกฯ

[12] [ก]

อสโน หิ ทีฆทฺธาโน,

สารสาโร สุคนฺธิโก;

นิคฺคนฺโธ ตฺเวว นิสฺสาโร,

ทีฆทฺธาโนปิ สิมฺพลีฯ

[ข]

ตเถเวเก ชนา โลเก,

ทีฆทฺธานา สุสารกา;

นิสฺสารา เกจิ เผคฺคูว,

ทีฆทฺธานาปิ โคยถาฯ

[13]

อุปกาโร จาปกาโร,

ยสฺมิํ คจฺฉติ นฏฺฐตํ;

ปาสาณหทยสฺสสฺส,

ชีวตีตฺยา ภิธามุธาฯ

ปสาโท นิปฺผโล ยสฺส,

โกโปจาปิ นิรตฺถโก;

น ตํ สงฺคนฺตุ มิจฺเฉยฺย,

ถีปุมาว นปุํสกํฯ

[14]

อุปจาโร หิ กาตพฺโพ,

น ยาว โสหทํ ภเว;

อุปจาโร สุมิตฺตมฺหิ,

มายา จ โหติ โกฏิลํฯ

[15]

กเมน อคฺคโต อุจฺฉุ,

รโส สาทุตโร ยถา;

ตเถว สุมิตฺโต โลเก,

ทุมฺมิตฺโต ปน เนทิโสฯ

[16]

โสการาติ ปริตฺตาณํ,

วิสฺสาสปีติภาชนํ;

รตนาภิรตนํ อิจฺเฉ,

สุมิตฺตํ อกฺขรตฺตยํฯ

[17]

ทมฺปตีนํ สุมิตฺตานํ,

มุขํ อญฺโญญฺญทปฺปณํ,

สุเข สุขํ ทุกฺเข ทุกฺขํ,

ปฏิจฺฉาเยว ทปฺปเณฯ

กถํ นุ ตาสํ หทยํ,

สุขราวต อิตฺถิโย;

ยาสามิเก ทุกฺขิตมฺหิ,

สุขมิจฺฉนฺติ อตฺตโนฯ

[18]

นิวาตญฺจ ปุเร กตฺวา,

มานํ กตฺวาน ปจฺฉโต;

สกตฺถํ ธารเย ธีโร,

อตฺถภญฺโช หิ มุฬฺหตาฯ

[19]

ปุเรจารํ สติํ กตฺวา,

สทฺธํ กเรยฺย ปจฺฉโต;

ตุรํ น สทฺทเห ธีโร,

สีฆสทฺโธ หิ มนฺทโกฯ

[20]

วเน 0.0099 พหูนิ กฏฺฐานิ;

ทุลฺลภํ รตฺตจนฺทนํ;

ตถา ชนา พหู โลเก;

ปุมา ชญฺโญ สุทุลฺลโภฯ

[21]

ติณกฏฺฐปลาเสหิ ;

สุกฺเขหิ ทยฺหเต วนํ;

เอตาทีหิ อสาเรหิ;

โลโก ชเนหิ ทยฺหเตฯ

[22]

อนฺโตวสฺเส ติมาสมฺหิ,

ปุญฺญกมฺเมน โมทิตา;

สุขํ วสิํสุ โปราณา,

พุทฺธสาสนมามกาฯ

[23]

มิคมเทน เอเกน,

ตํ วนํ สุรภิคนฺธิกํ;

ตถา ชเนน ตํ รฏฺฐํ,

คุณินา หิ สิรีมตาฯ

สรีรํ ขณวิทฺธํสี,

กปฺปนฺตฏฺฐายิโน คุณาฯ

[24]

ขรานํ สีหพฺยคฺฆานํ,

สงฺคโม โน หิสพฺพทา;

ตเถว พฺยคฺฆจิตฺตานํ,

สชาติกา ขโยนตาฯ

[25]

สก สาธุปิ โน สาธู,

โย เจญฺญ ทุฏฺฐการโก;

พหูนํ สาธู ปาเยน,

ส เว สาธูติ วุจฺจเตฯ

[26]

พหูทเก สมุทฺเทปิ,

ชลํ นตฺเถว ปาตเว;

ขุทฺทเก ขตกูปมฺหิ,

สาทุํ อตฺถิ พหุํ ทกํฯ

[27]

มา สีฆํ วิวเรยฺยาถ,

นินฺทิตุญฺจ ปสํสิตุํ;

มุขญฺหิ โว กถาทฺวารํ,

นิรุนฺเธยฺยาถ สพฺพทาฯ

[28]

มา สีฆํ วิวเรยฺยาถ,

จกฺขุํ โว ทสฺสิตุํ ปิยํ;

สณิกญฺหิ ปิยลาภํ,

ธนลาภํ ตุรํ กเรฯ

[29]

อนารมฺโภ หิ กมฺมานํ,

ปฐมํ พุทฺธิลกฺขณํ;

นิฏฺฐงฺคตํ อารทฺธสฺส,

ทุติยํ พุทฺธิลกฺขณํฯ

อสเมกฺขิตกมฺมนฺตํ ,

ตุริตาภินิปาตินํ;

สานิ กมฺมานิ ตปฺเปนฺติ,

อุณฺหํ วชฺโฌหฏํ มุเขฯ

[30]

อผลานิ ทุรนฺตานิ,

ชนตา นินฺทิตานิ จ;

อสกฺยานิ จ กมฺมานิ,

นารเภถ วิจกฺขโณฯ

[31]

อติวิโรธภีตานํ ,

สงฺกิตานํ ปเท ปเท;

ปรปฺปวาทตาสานํ,

ทูรโต ยนฺติ สมฺปทาฯ

สทฺทมตฺตํ น เภตพฺพํ,

โลโก สทฺทสฺส โคจโร;

โย จ สทฺทปริตฺตาโส,

วเน ภนฺตมิโค หิ โสฯ

[32]

ทฺวินฺนํ ตณฺฑุลถูสานํ,

วิเสโส สุฏฺฐุ ขายติ;

รนฺธิโตปิ สินิทฺโธ โน,

ถุโส วิรสผารุโส;

ตณฺฑุลํ สินิทฺธํ รสํ,

เอวํ โลเกปิ ญายเตฯ

[33]

เอรณฺฑํ นิสฺสิตา วลฺลิ,

รุหเต กิํ ยถาพลํ;

มหาสาลํ สุนิสฺสาย,

รุหเต พฺรหตํ คตาฯ

[34]

เมตฺตา หิ สีมสมฺเภทา,

ปกฺขปาต วิฆาติกา;

ปกฺขปาเตน ทุกฺขนฺติ,

นิปฺปกฺโข วสเต สุขํฯ

[35]

นรา ปญฺญา จ ลงฺการา,

ยถาฐาเน นิยุชฺชเร;

โน หิ จูฬามณิ ปาเท,

ปาทุกา จ สิโรปริฯ

อุกฺกุฏฺเฐ สูร มิจฺฉนฺติ;

มนฺตีสุ อกุตูหลํ;

วิยญฺจ อนฺนปานมฺหิ;

อตฺเถ ชาเต จ ปณฺฑิตํฯ

[36]

ปมาโท หิ ตโม โลเก,

กาโล โจโร ภยานโก;

กายเคหํ พหุฉิทฺทํ,

กาลโจรสฺส โจริตํฯ

[37]

จญฺจโล กาลทาโส หิ,

ธีติมา กาลอิสฺสโร;

กาลิสฺสโร รฏฺฐิสฺสรํ,

อติวตฺตติ สพฺพโสฯ

[38]

วิลุปฺปนฺติ 8 ธนํ เอเก,

กาลเมเก อเนกฺขกา;

เตสุ กาลวิโลปาว,

ภยานกา ติกกฺขฬาฯ

[39]

รญฺญา รฏฺฐหิตํ กตฺตา,

รญฺโญ หิตํ ชเนหิ เว;

เทสฺโส อตฺตหิตํ ทสฺสี,

คารยฺโห กินฺนุ การโกฯ

อตฺตทตฺถํ ปรตฺเถน;

พหุนาปิ น หาปเยฯ

[40]

ยสฺส อุปกาโร ทินฺโน,

อุปการํ ทเท ปุน;

ตโต ปการํ นิจฺเฉยฺย,

กตญฺญู ทุลฺลโภ อิธฯ

สจฺจํ กิเรว มาหํสุ,

นรา เอกจฺจิยา อิธ;

กฏฺฐํ นิปฺลวิตํ เสยฺโย,

นตฺเวเว กจฺจิโย นโรฯ

[41]

การุโก สกปญฺญาย,

มหคฺฆํ ทารุกํ กเร;

ตถา ชโนปิ อตฺตานํ,

มหคฺโฆ โลกมานิโตฯ

[42]

อปฺปคฺโฆ หิ อโย เหมํ,

มหคฺฆํ ฉินฺทเต ยถา;

นิคฺคุโณ สคุณํ โลเก,

อลกฺขีจ สิริํ ตถาฯ

สูรสฺสตีนีติ