เมนู

คุยฺเห กุมฺโม องฺคานิ,

ปร โทสญฺจ ลกฺขเยฯ

[77]

ปณฺฑิตสฺส ปสํสาย,

ทณฺโฑ พาเลน ทียเต;

ปณฺฑิโต ปณฺฑิเตเนว,

วณฺณิโตว สุวณฺณิโตฯ

[78]

ลุทฺธํ อตฺเถน คณฺเหยฺย,

ถทฺธํ อญฺชลิ กมฺมุนา;

ฉนฺทานุวตฺติยา มูฬฺหํ,

ยถาภูเตน ปณฺฑิตํฯ

พาลทุชฺชนกณฺโฑ นิฏฺฐิโตฯ

4. มิตฺตกณฺโฑ

[79]

หิตกาโร ปโร พนฺธุ,

พนฺธูปิ อหิโต ปโร;

อ หิโต เทหโช พฺยาธิ,

หิตํ อรญฺญโมสธํฯ

[80]

ปโรกฺเข คุณ-หนฺตารํ,

ปจฺจกฺเข ปิยวาทินํ;

วชฺเชยฺย ตาทิสํ มิตฺตํ,

วิสกุมฺเภ ยถา มธุํฯ

[81]

ธนหีเน จเช มิตฺโต,

ปุตฺตทารา สโหทรา;

ธนวนฺตํว เสวนฺติ,

ธนํ โลเก มหา สขาฯ

[82]

ชาเนยฺย เปเสน ภจฺจํ,

พนฺธุํ วาปิ ภยาคเต;

อปฺปกาสุ ตถา มิตฺตํ,

ทารญฺจ วิภวกฺขเยฯ

[83]

โส พนฺธุ โย หิเต ยุตฺโต,

ปิตโร โหนฺติ โปสโก;

ตํ มิตฺตํ ยตฺถ วิสฺสาโส,

สา ภริยา จ ยสฺส นิพฺพูติฯ

[84]

น วิสฺสเส อ-วิสฺสตฺตํ,

มิตฺตญฺจาปิ น วิสฺสเส;

กทาจิ กุปิโต มิโต,

สพฺพํ โทสํ ปกาสเยฯ

[85]

สกิํ ทุฏฺฐญฺจ โย มิตฺตํ,

ปุน สนฺธิตุมิจฺฉติ;

โส มจฺจุํ อุปคณฺหาติ,

คพฺภมสฺสตรี ยถาฯ

[86]

วเห อ-มิตฺตํ ขนฺเธน,

ยาว กาโล อนาคโต;

ตเมว อาคเต กาเล,

เสเล ภินฺเท ฆฏํ อิวฯ

[87]

อิณเสโส อคฺคิเสโส,

สตฺรุเสโส ตเถว จ;

ปุนปฺปุนํ วิวฑฺฒนฺติ,

ตสฺมา เสสํ น การเยฯ

[88]

ปทุมํว มุขํ ยสฺส,

วาจา จนฺทน สีตลา;

ตาทิสํ โนปเสเวยฺย,

หทเยตุ หลาหลํฯ

[89]

น เสเว ผรุสํ สามิํ,

นจ เสเวยฺย มจฺฉริํ;

ตโต อปคฺคณฺหํ สามิํ,

เนว นิคฺคหิตํ ตโตฯ

[90]

สิงฺคี ปญฺญาส หตฺเถน,

วชฺเช สเตน วาชินํ;

หตฺถิํ ทนฺติํ สหสฺเสน,

เทส จาเคน ทุชฺชนํฯ

[91]

กุเทสญฺจ กุมิตฺตญฺจ,

กุกุลญฺจ กุพนฺธวํ;

กุทารญฺจ กุทาสญฺจ,

ทูรโต ปริวชฺชเยฯ

[92]

โรคาตุเร จ ทุพฺภิกฺเข,

พฺยสเน สตฺตุ วิคฺคเห;

ราชทฺวาเร สุสาเน จ,

เย ติฏฺฐนฺติ สุมิตฺตกาฯ

[93]

สีตวาโจ พหุมิตฺโต,

ผรุโส อปฺปมิตฺตโก;

อุปมํ เอตฺถ ญาตพฺพา,

จนฺท-สูริย-ราชูนํฯ

มิตฺตกณฺโฑ นิฏฺฐิโตฯ

5. อิตฺถิกณฺโฑ

[94]

โกกิลานํ สทฺทํ รูปํ,

นารีรูปํ ปติพฺพตา;