ตํ ปราภวโต มุขํฯ สุชนกณฺโฑ นิฏฺฐิโตฯ 4. พาลทุชฺชนกณฺโฑ อติปฺปิโย น กาตพฺโพ, ขโล โกตูหลํ กโร; สิรสา วหฺยมาโนปิ, อฑฺฒปูโร ฆโฏ ยถาฯ สปฺโป ทุฏฺโฐ ขโล ทุฏฺโฐ, สปฺโป ทุฏฺฐตโร ขโล; มนฺโตสเธหิ โส สปฺโป, ขโล เกนุปสมฺมติฯ โย พาโล มญฺญติ พาลฺยํ, ปณฺฑิโต วาปิ เตน โส; พาโลว ปณฺฑิตมานี, โส เว พาโลติ วุจฺจติฯ มธุํว มญฺญตี พาโล, ยาว ปาปํ น ปจฺจติ; อถ ทุกฺขํ นิคจฺฉติฯ น สาธุ พลวา พาโล, สหสา วินฺทเต ธนํ; กายสฺส เภทา ทุปฺปญฺโญ, นิรยํ โสปปชฺชติฯ ฆเร ทุฏฺโฐ จ มูสีโก จ, วเน ทุฏฺโฐ จ วานโร; สกุเณ จ ทุฏฺโฐ กาโก, นเร ทุฏฺโฐจ พฺราหฺมโณฯ ทีฆา ชาครโต รตฺติ, ทีฆํ สนฺตสฺส โยชนํ; ทีโฆ พาลาน สํสาโร, สทฺธมฺมํ อ-วิชานตํฯ ติล มตฺตํ ปเรสํว, อปฺป โทสญฺจ ปสฺสติ; นาฬิเกรมฺปิ สโทสํ, ขล-ชาโต น ปสฺสติฯ นตฺตโทสํ ปเร ชญฺญา, ชญฺญา โทสํ ปรสฺสตุ; ปร โทสญฺจ ลกฺขเยฯ ปณฺฑิตสฺส ปสํสาย, ทณฺโฑ พาเลน ทียเต; ปณฺฑิโต ปณฺฑิเตเนว, วณฺณิโตว สุวณฺณิโตฯ ลุทฺธํ อตฺเถน คณฺเหยฺย, ถทฺธํ อญฺชลิ กมฺมุนา; ฉนฺทานุวตฺติยา มูฬฺหํ, ยถาภูเตน ปณฺฑิตํฯ พาลทุชฺชนกณฺโฑ นิฏฺฐิโตฯ 4. มิตฺตกณฺโฑ หิตกาโร ปโร พนฺธุ, พนฺธูปิ อหิโต ปโร; อ หิโต เทหโช พฺยาธิ, หิตํ อรญฺญโมสธํฯ ปโรกฺเข คุณ-หนฺตารํ, ปจฺจกฺเข ปิยวาทินํ; |