ปตฺยาทีหิ อีการนฺเตหิ จ อิตฺถิยํ อินี โหติฯ
‘‘ปติสฺสินีมฺหี’’ติ ปตฺยนฺตสฺส อตฺเต สรโลปาโท ตุกาเรน โลปาภาโวฯ ‘‘วา ปโร อสรูปา’’ติ อิโลโป, ทีโฆ จฯ คหปตานี, ภิกฺขุนี, ราชินี, เมธาวินี, ตปสฺสินี, ธมฺมจาริณี, ภยทสฺสาวินี, ภุตฺตาวินีตฺยาทิฯ
อิตฺถิลิงฺคาฯ
นปุํสกลิงฺค
[130] จิตฺต , สิฯ
นปุํสเกหิ อโต นิจฺจนฺเตวฯ
สิํฯ
อการนฺเตติ นปุํสเกหิ สิสฺส นิจํ อํ โหติฯ จิตฺตํฯ
โยนํ นิ นปุํสเกหิตฺเววฯ
อโต นิจฺจํฯ
อการนฺเตหิ น ปุํสเกหิ โยนํ นิจฺจํ นิ โหติ, นิสฺส อาฯ จิตฺตาฯ ปกฺเข – โยสฺวาทินา ทีเฆ – จิตฺตานิฯ
[131] คโลเป – เห – จิตฺตฯ จิตฺตา, จิตฺตานิฯ
[132] จิตฺตํ ฯ นิสฺส เอ – จิตฺเต, จิตฺตานิฯ เสสํ พุทฺโธวฯ
[133] มน, สิ, มนํฯ
นา วาตฺเววฯ
[134] มโนคณาทิโต สฺมินฺนานมิอาฯ
มนาทิโต สฺมินฺนานํ อิอา วา โหนฺติฯ
ส สเร วาคโมฯ
วิภตฺยาเทเส สเร ปเร มนาทิโต สาคโม วา โหติฯ มนสาฯ
[135] สสฺส โจ
มนาทิโต สสฺส โอ โหติ, จสทฺเทน สฺมาสฺส อา จฯ มนโส, มนสาฯ
[136] มนสิ ฯ เสสํ จิตฺตํวฯ
[137]
มนํ สิรํ อุรํ เตชํ, รชํ โอชํ วยํ ปยํ;
ยสํ ตปํ วจํ เจตํ, เอวมาทิ มโนคโณฯ
[138] คุณวนฺตุ , สิฯ
‘‘อํ นปุํสเก’’ติ สิมฺหิ สวิภตฺติสฺส นฺตุสฺส อํฯ คุณวํฯ นฺตุสฺส ตฺเต – คุณวนฺตานิฯ
[139] โยโตญฺญํ ปุเมวฯ เอวํ คจฺฉํฯ
[140] อฏฺฐิฯ
วาตฺเววฯ
‘‘โยนนฺนิ นปุํสเกหี’’ติ โยนํ นิ วาฯ อฏฺฏีนิฯ ฌตฺตา โยโลเป – อฏฺฐีฯ ตถาลปเนฯ
[141] อฏฺฐิํ, อฏฺฐีนิ, อฏฺฐีฯ เสสํ อคฺคีวฯ
[142] ทณฺฑี, สิฯ
อฆตฺตา รสฺโส, ทณฺฑิฯ โยโตญฺญํ ปุเมวฯ
[143] อายุ อฏฺฐีวฯ
นปุํสกลิงฺคาฯ
ปุมิตฺถิลิงฺค