[109] ‘‘สุหินาสุ เจ’’ตีห จกาเรน โคสฺส คุ จฯ ทฺวิตฺเต-คุนฺนํ, โคนํฯ คาวา, ควา, คาวมฺหา, ควมฺหา, คาวสฺมา, ควสฺมาฯ โคภิ, โคหิฯ

[110] คาเว, คเว, คาวมฺหิ, ควมฺหิ, คาวสฺมิํ, ควสฺมิํฯ คาเวสุ, คเวสุ, โคสุฯ

ปุลฺลิงฺคาฯ

อิตฺถิลิงฺค

[111] กญฺญา ฯ สิโลโปฯ

‘‘อา โฆ’’ติ อิตฺถิยํ อาการสฺส ฆสญฺญาฯ โย โลเป – กญฺญาฯ ปกฺเข – กญฺญาโยฯ

[112] ‘‘ฆเต เจ’’ติ คสฺส เอฯ เห-กญฺเญฯ กญฺญา, กญฺญาโยฯ

[113] กญฺญํฯ กญฺญา, กญฺญาโยฯ

[114] อาย เอกวจนสฺเสตฺเววฯ

‘‘ฆโต นาทีน’’นฺติ นาเทกวจนานมาโยฯ กญฺญายฯ กญฺญาภิ, กญฺญาหิฯ

[115] กญฺญายฯ กญฺญานํฯ

[116] ฆปโต สฺมิํ ยํ วาฯ

ฆเปหิ สฺมิโน ยํ วา โหติฯ กญฺญายํ, กญฺญายฯ กญฺญาสุฯ

[117] รตฺติ , สิโลโปฯ

‘‘เต อิตฺถิขฺยา โป’’ติ อิตฺถิยมิวณฺณุวณฺณานํ ปสญฺญาฯ โยโลปทีฆาฯ รตฺตีฯ ปกฺเข – รตฺติโยฯ ตถาลปเนฯ

[118] รตฺติํ, รตฺตีฯ รตฺติโยฯ

[119] เอกวจนสฺส นาทีนนฺเตฺววฯ

‘‘ปโต ยา’’ติ นาเทกวจนานํ ยาฯ รตฺติยาฯ รตฺตีภิ, รตฺตีหิฯ

[120] รตฺติยาฯ รตฺตีนํฯ

[121] รตฺติยํ, รตฺติยาฯ รตฺตีสุฯ

[122] นที ฯ เสสํ รตฺตีวฯ อฆตฺตา รสฺโสว วิเสโสฯ

[123] ยาคุ รตฺตีวฯ

[124] มาตุ, ธีตุ, ทุหิตฺวาทโย ปิเตวฯ

[125] ชมฺพู นทีวฯ

กญฺญอิติ ฐิเต –

อิตฺถิยมโต อาปจฺจโยฯ

อิตฺถิยํ วตฺตมานา อการนฺตโต อาปจฺจโย โหติฯ สรโลปปกลฺยาทิฯ กญฺญาฯ

‘‘ธาตุปฺปจฺจยวิภตฺติ วชฺชิตมตฺถวํ ลิงฺค’’นฺติ วจนโต ปจฺจยนฺตสฺสาลิงฺคตฺตา ตทฺธิตาทิสุตฺเต จกาเรน นามมิว กเต – สฺยาทิฯ เอวํ อีอินีสุฯ

เอวํ อชา, เอฬกา, โกกิลา, อสฺสา, มูสิกา, พลากา, มนฺทา, ชราอิจฺจาทิฯ

[126] อิตฺถิยนฺตฺยธิกาโรฯ

นทาทิโต วา อีฯ

อิตฺถิยํ นทาทิโต วา อนทาทิโต วา อี โหติฯ นที, นครี, กุมารี, พฺราหฺมณี, ตรุณี, กุกฺกุฏี, อิตฺถี อิจฺจาทิฯ

‘‘มาตุลาทีนมานตฺตมีกาเร’’ติ อีมฺหิ มาตุลาทฺยนฺตสฺส อาโนฯ มาตุลานีตฺยาทิฯ

อนทาทิโต วา อีฯ สขี, หตฺถีฯ

ภวโต โภโตฯ

อีมฺหิ ภวนฺตสฺส โภโต โหติฯ โภตีฯ

[127] ‘‘ณ ว ณิกเณยฺย ณนฺตูหี’’ติ อีฯ มานวี, นาวิกี, เวนเตยฺยี, โคตมีฯ

[128] ‘‘นฺตุสฺส ตมีกาเร’’ติ นฺตุสฺส โต วาฯ คุณวตี, คุณวนฺตีฯ ธิติมตี, ธิติมนฺตีฯ

นฺตสฺส นฺตุพฺยปเทโสฯ มหตี, มหนฺตีฯ

[129] ปติภิกฺขุราชีการนฺเตหิ อินีฯ

ปตฺยาทีหิ อีการนฺเตหิ จ อิตฺถิยํ อินี โหติฯ

‘‘ปติสฺสินีมฺหี’’ติ ปตฺยนฺตสฺส อตฺเต สรโลปาโท ตุกาเรน โลปาภาโวฯ ‘‘วา ปโร อสรูปา’’ติ อิโลโป, ทีโฆ จฯ คหปตานี, ภิกฺขุนี, ราชินี, เมธาวินี, ตปสฺสินี, ธมฺมจาริณี, ภยทสฺสาวินี, ภุตฺตาวินีตฺยาทิฯ

อิตฺถิลิงฺคาฯ

นปุํสกลิงฺค