[25] ปร สหสฺสํ, อติปฺปโขตีห – ‘‘กฺวจิ โอ พฺยญฺชเน’’ติ โอการาคโมฯ ปโรสหสฺสํฯ คาคเม จ, อติปฺปโคโขฯ

[26] อว นทฺธาตฺยตฺร – ‘‘โอ อวสฺเส’’ติ กฺวจิ อวสฺส โอฯ โอนทฺธาฯ

กฺวจีติ กิํฯ อวสุสฺสตุฯ

พฺยญฺชนสนฺธิฯ

นิคฺคหีตสนฺธิ

[27] นิคฺคหีตนฺตฺยธิกาโร ฯ กิํ กโต, สํ ชาโต, สํ ฐิโต, ตํ ธนํ, ตํ มิตฺตนฺติห –

วคฺคนฺตํ วา วคฺเคฯ

วคฺคพฺยญฺชเน ปเร พินฺทุสฺส ตพฺพคฺคนฺโต วา โหติฯ กิงฺกโต, สญฺชาโต, สณฺฐิโต, ตนฺธนํ, ตมฺมิตฺตํฯ

วาติ กิํฯ น ตํ กมฺมํฯ

วากาเรเนว เล โล จฯ ปุลฺลิงฺคํฯ

[28] วาตฺยธิกาโร ฯ เอวํ อสฺส, เอตํ อโวเจตีห –

มทา สเรฯ

สเร ปเร พินฺทุโน ม ทา วา โหนฺติฯ เอวมสฺส, เอตทโวจฯ

วาติ กิํฯ มํ อชินิฯ

[29] ตํ เอว, ตํ หีตีห –

เอเหญํฯ

เอกาเร, เห จ ปเร พินฺทุโน โญ วา โหติฯ ทฺวิตฺเต – ตญฺเญว, ตเมวฯ ตญฺหิ, ตํ หิฯ

[30] สํโยโคตีห –

สเย จฯ

ยกาเร ปเร เตน สห พินฺทุโน โญ วา โหติฯ ทฺวิตฺเต – สญฺโญโค, สํโยโคฯ

[31] จกฺขุ อนิจฺจํ, อว สิโรตีห - อาคโม, กฺวจิตฺเววฯ

นิคฺคหีตญฺจฯ

สเร, พฺยญฺชเน วา ปเร กฺวจิ พินฺทฺวาคโม โหติฯ จกฺขุํอนิจฺจํ, อวํสิโรฯ

[32] วิทูนํ อคฺคํ, ตาสํ อหํตีห –

‘‘กฺวจิ โลปํ’’ติ สเร พินฺทุโลโป, วิทูนคฺคํฯ ทีเฆตาสาหํฯ

[33] พุทฺธานํ สาสนํ, สํ ราโคตีห –

‘‘พฺยญฺชเน เจ’’ติ พินฺทุโลโป, พุทฺธานสาสนํฯ ทีเฆสาราโคฯ

[34] พีชํ อิเวตีห –

ปโร วา สโรฯ

พินฺทุโต ปโร สโร วา ลุปฺยเต, พีชํวฯ

[35] เอวํ อสฺเสตีห –

พฺยญฺชโน จ วิสญฺโญโคฯ

พินฺทุโต ปเร สเร ลุตฺเต สํโยโค พฺยญฺชโน วินฏฺฐสํโยโค โหตีติ ปุพฺพสโลโปฯ เอวํสฯ

นิคฺคหีตสนฺธิฯ

โวมิสฺสก สนฺธี

[36] อนุปทิฏฺฐานํ วุตฺตโยคโตฯ