[252] ‘‘ตปฺปกติวจเน มโย’’ติ มโยฯ สุวณฺเณน ปกตํ โสวณฺณมยํ, สุวณฺณมยํ วาฯ ปกฺเข - ยทาทินา วุทฺธิฯ

เอเตสโม โลเปฯ

วิภตฺติโลเป มนาทีนมนฺตสฺส โอ โหติฯ มโนมยํฯ

สงฺขฺยาตทฺธิต

[253] สงฺขฺยาปูรเณ ตฺยธิกาโรฯ

‘‘ทฺวิตีหิ ติโย’’ติ ติโย, ‘‘ติเย ทุตาปิ เจ’’ติ ทฺวิตีนํ ทุตาฯ ทฺวินฺนํ ปูรโณ ทุติโย, เอวํ ตติโยฯ

[254] ‘‘จตุจฺเฉหิ ถฐา’’ติ ถฐาฯ จตุตฺโถ, ฉฏฺโฐฯ

[255] เตสมฑฺฒูปปเทน อฑฺฒุฑฺฒ ทิวฑฺฒ ทิยฑฺฒาฑฺฒติยาฯ

จตุตฺถ ทุติย ตติยานํ อฑฺฒูปปเทน สห อฑฺฒุฑฺฒ ทิวฑฺฒ ทิยฑฺฒาฑฺฒติยา โหนฺติฯ

อฑฺเฒน จตุตฺโถ อฑฺฒุฑฺโฒ, อฑฺเฒน ทุติโย ทิวฑฺโฒ, ทิยฑฺโฒ วา, อฑฺเฒน ตติโย อฑฺฒติโยฯ

[256] ‘‘สงฺขฺยาปูรเณ โม’’ติ โม, ปญฺจโมฯ อิตฺถิยํ ปญฺจนฺนํ ปูรณี ปญฺจมีฯ

เอโก จ ทส จาติ ทฺวนฺเท กเต –

ทฺเวกฏฺฐานมากาโร วาฯ

สงฺขฺยาเน อุตฺตรปเท ทฺวิเอกอฏฺฐอิจฺเจเตส มนฺตสฺส อา วา โหติฯ เอกาทส ปญฺจีวฯ เอวํ ทฺวาทสฯ

ยทาทินา ติสฺส เตอาเทเส ‘‘เอกาทิโต ทสฺส ร สงฺขฺยาเน’’ติ ทสสทฺเท ทสฺส โรฯ เตรสฯ

[257] ‘‘จตูปปทสฺส โลโป ตุตฺตรปทาทิจสฺส จุโจปิ นวา’’ติ จตุสทฺเท ตุสฺส โลโป จสฺส จุ จฯ จุทฺทสฯ

‘‘ทเส โส นิจฺจญฺเจ’’ติ ฉสฺส โสอาเทเส – ‘‘ฬ ทรานํ’’ติ ทสสทฺเท ทสฺส โฬฯ โสฬส, อฏฺฐารสฯ

[258] ‘‘วีสติ ทเสสุ พา ทฺวิสฺส ตู’’ติ ทฺวิสฺส พาฯ พาวีสติ, เอกาทสนฺนํ ปูรโณ เอกาทสโมฯ

[259] ‘‘เอกาทิโต ทสสฺสี’’ติ อิตฺถิยํ อีฯ เอกาทสี อิจฺจาทิฯ

‘‘ทฺวาทิโต โกเนกตฺเถ เจ’’ติ โก, ทฺเว ปริมาณานิ อสฺเสติ ทฺวิกํฯ เอวํ ติกาทิฯ

[260] ‘‘สมูหตฺเถ กณฺณา’’ติ กณ จ, โณ จฯ มนุสฺสานํ สมูโห มานุสฺสโก, มานุสฺโส วาฯ

เณ กเต – ‘‘ฌลานมิยุวา สเร วา’’ ตีห วากาเรน อิสฺส อยาเทเส – ทฺวยํ, ตยํฯ เอวํ ‘‘คามชนพนฺธุสหายาทีหิ ตา’’ติ ตาฯ คามตา, นาครตาฯ

ภาวตทฺธิต

[261] ณฺยตฺตตา ภาเว ตุฯ

ภาวตฺเถ ณฺยตฺตตา โหนฺติฯ ตุสทฺเทน ตฺตโน จฯ สกตฺถาทีสุปิ ณฺโย, สกตฺเถ ตา จฯ

[262]