กุญฺจิกาวิวรํ ตาฬ, จฺฉิคฺคโล ปฺยถ กุญฺจิกา;
ตาโฬ’วาปุรณํ จาถ, เวทิกา เวทิ กถฺยเตฯ
[223]
สงฺฆาโต ปกฺขปาโส จ, มนฺทิรงฺคา ตุลา อปิ;
ถิยํ สมฺมุชฺชนี เจว, สมฺมชฺชนี จ โสธนีฯ
[224]
สงฺกฏีรํ ตุ สงฺการ, ฏฺฐานํ สงฺการกูฏกํ;
อโถ กจวโร, กฺลาโป, สงฺกาโร จ กสมฺพุปิฯ
[225]
ฆราทิภูมิ ตํ วตฺถุ, คาโม สํวสโถ ถ โส;
ปากโฏ นิคโม โภค, มจฺจาทิภฺโย ธิ ตูทิโต [‘อธิภู’ติ อีริโต กถิโต (ฏี.)]ฯ
[226]
สีมา จ มริยาทา ถ,
โฆโส โคปาลคามโกติฯ
ปุรวคฺโค นิฏฺฐิโตฯ
3. นรวคฺค
[227]
มนุสฺโส มานุโส มจฺโจ, มานโว มนุโช นโร;
โปโส ปุมา จ ปุริโส,
โปริโส ปฺยถ ปณฺฑิโตฯ
[228]
พุโธ วิทฺวา วิภาวี จ, สนฺโต สปฺปญฺญ โกวิทา;
ธีมา สุธี กวิ พฺยตฺโต, วิจกฺขโณ วิสารโทฯ
[229]
เมธาวี มติมา ปญฺโญ, วิญฺญู จ วิทูโร วิทู;
ธีโร วิปสฺสี โทสญฺญู, พุทฺโธ จ ทพฺพ วิทฺทสุฯ
[230]
อิตฺถี สีมนฺตินี นารี, ถี วธู วนิตา, งฺคนา;
ปมทา สุนฺทรี กนฺตา, รมณี ทยิตา, พลาฯ
[231]
มาตุคาโม จ มหิลา, ลลนา ภีรุ กามินี;
กุมาริกา ตุ กญฺญา ถ, ยุวตี ตรุณี ภเวฯ
[232]
มเหสี สาภิเสกาญฺญา,
โภคินี ราชนาริโย;
ธวตฺถินี ตุ สงฺเกตํ, ยาติ ยา สา, ภิสาริกาฯ
[233]
คณิกา เวสิยา วณฺณ, ทาสี นครโสภินี;
รูปูปชีวินี เวสี, กุลฏา ตุ จ พนฺธกีฯ
[234]
วราโรโห, ตฺตมา มตฺต, กาสินี วรวณฺณินี;
ปติพฺพตา ตฺวปิ สตี, กุลิตฺถี กุลปาลิกาฯ
[235]
วิธวา ปติสุญฺญา ถ, ปติมฺพรา สยมฺพรา;
วิชาตา ตุ ปสูตา จ, ชาตาปจฺจา ปสูติกาฯ
[236]
ทูตี สญฺจาริกา ทาสี, ตุ เจฏี กุฏธาริกา;
วารุณี, กฺขณิกา ตุลฺยา, ขตฺติยานี ตุ ขตฺติยาฯ
[237]
ทาโร ชายา กลตฺตญฺจ, ฆรณี ภริยา ปิยา,
ปชาปตี จ ทุติยา, สา ปาทปริจาริกาฯ
[238]
สขี ตฺวา’ลี วยสฺสา ถ, ชารี เจวา’ติจารินี;
ปุเม ตู’ตุ รโช ปุปฺผํ, อุตุนี ตุ รชสฺสลาฯ
[239]
ปุปฺผวตี ครุคพฺภา, ปนฺนสตฺตา จ คพฺภินี;
คพฺภาสโย ชลาพุปิ, กลลํ ปุนฺนปุํสเกฯ
[240]
ธโวตุ สามิโก ภตฺตา, กนฺโต ปติ วโร ปิโย;
อโถ ปปติ ชาโร ถา,
ปจฺจํ ปุตฺโต’ตฺรโช สุโตฯ
[241]
ตนุโช ตนโย สูนุ, ปุตฺตาที ธีตริ’ตฺถิยํ;
นาริยํ ทุหิตา ธีตา,
สชาโต ตฺโว’รโส สุโตฯ
[242]
ชายาปตี ชนิปตี, ชยมฺปตี ตุ ทมฺปตี [ทมฺปตีติ ปทํ ปุลฺลิงฺค พหุวจนนฺตํ อิการนฺตํ, ตุทมฺปติ (ฏี.)];
อถ วสฺสวโร วุตฺโต, ปณฺฑโก จ นปุํสกํฯ
[243]
พนฺธโว พนฺธุ สชโน, สโคตฺโต ญาติ ญาตโก;
สาโลหิโต สปิณฺโฑ จ,
ตาโต ตุ ชนโก ปิตาฯ
[244]
อมฺม, มฺพา ชนนี มาตา, ชเนตฺติ ชนิกา ภเว;
อุปมาตา ตุ ธาติ’ตฺถี,
สาโล ชายาย ภาติโกฯ
[245]
นนนฺทา สามิภคินี, มาตามหี ตุ อยฺยิกา;
มาตุโล มาตุภาตา,สฺส, มาตุลานี ปชาปติฯ
[246]
ชายาปตีนํ ชนนี, สสฺสุ วุตฺตาถ ตปฺปิตา;
สสุโร ภาคิเนยฺโยตุ, ปุตฺโต ภคินิยา ภเวฯ
[247]
นตฺตา วุตฺโต ปปุตฺโต ถ, สามิภาตา ตุ เทวโร;
ธีตุปติ ตุ ชามาตา,
อยฺยโก ตุ ปิตามโหฯ
[248]
มาตุจฺฉา มาตุภคินี, ปิตุจฺฉา ภคินี ปิตุ;
ปปิตามโห ปยฺยโก,
สุณฺหา ตุ สุณิสา หุสาฯ
[249]
โสทริโย สคพฺโภ จ, โสทโร สหโช ปฺยถ;
มาตาปิตู เต ปิตโร, ปุตฺตา ตุ ปุตฺตธีตโรฯ
[250]
สสุรา สสฺสุสสุรา, ภาตุภคินี ภาตโร;
พาลตฺตํ พาลตา พาลฺยํ, โยพฺพญฺญํตุ จ โยพฺพนํฯ
[251]
สุกฺกา ตุ ปลิตํ เกสา, ทโย ถ ชรตา ชรา;
ปุถุโก ปิลฺลโก ฉาโป, กุมาโร พาล โปตกาฯ
[252]
อถุ’ ตฺตานสยุ’ตฺตาน, เสยฺยกา ถนโปปิ จ;
[253]
ตรุโณ จ วยฏฺโฐ จ, ทหโร จ ยุวา สุสุ;
มาณโวทารโกจาถ, สุกุมาโร สุเขธิโตฯ
[254]
มหลฺลโก จ วุทฺโธ จ, เถโร ชิณฺโณ จ ชิณฺณโก;
อคฺคโช ปุพฺพโช เชฏฺโฐ, กนิโย กนิฏฺโฐ นุโชฯ
[255]
วลิตฺตโจ ตุ วลิโน; ตีสุ’ตฺตานสยาทโย;
[256]
สีโส’ตฺตมงฺคานิ สิโร, มุทฺธา จ มตฺถโก ภเว;
เกโส ตุ กุนฺตโล วาโล, ตฺตมงฺครุห มุทฺธชาฯ
[257]
ธมฺมิลฺโล สํยตา เกสา,
กากปกฺโข สิขณฺฑโก;
ปาโส หตฺโถ เกสจเย;
ตาปสานํ ตหิํ ชฏาฯ
[258]
ถิยํ เวณี ปเวณี จ;
อโถ จูฬา สิขา สิยา;
สีมนฺโต ตุ มโต นาริ, เกสมชฺฌมฺหิ ปทฺธติฯ
[259]
โลมํ ตนุรุหํ โรมํ, ปมฺหํ ปขุม มกฺขิคํ;
มสฺสุ วุตฺตํ ปุมมุเข, ภู ตฺวิตฺถี ภมุโก ภมุฯ
[260]
พปฺโป [ขปฺโป (ฏี.)] เนตฺตชล’สฺสูนิ, เนตฺตตารา กนีนิกา;
วทนํ ตุ มุขํ ตุณฺฑํ, วตฺตํ ลปน มานนํฯ
[261]
ทฺวิโช ลปนโช ทนฺโต, ทสโน รทโน รโท;
ทาฐา ตุทนฺตเภทสฺมิํ, อปางฺโค ตฺวกฺขิโกฏิสุฯ
[262]
ทนฺตาวรณ โมฏฺโฐ จา, ปฺย’ธโร ทสนจฺฉโท;
คณฺโฑ กโปโล หนฺวิตฺถี [คณฺฑตฺถี (ฏี.) หนฺวตฺถี=หนุ+อิตฺถี; หน+อุ (ณฺวาทิ)],
จุพุกํ ตฺว’ ธรา อโธฯ
[263]
คโล จ กณฺโฐ คีวา จ, กนฺธรา จ สิโรธรา;
กมฺพุคีวา ตุ ยา คีวา, สุวณฺณาลิงฺคสนฺนิภา;
องฺกิตา ตีหิ เลขาหิ, กมฺพุคีวา ถวา มตาฯ
[264]
อํโส นิตฺถี ภุชสิโร, ขนฺโธ ตสฺสนฺธิ ชตฺตุ ตํ;
พาหุมูลํ ตุ กจฺโฉ, โธ, ตฺว’สฺส ปสฺส มนิตฺถิยํฯ
[265]
พาหุ ภุชาทฺวีสุ พาหา, หตฺโถ ตุ กร ปาณโย;
มณิพนฺโธ ปโกฏฺฐนฺโต, กปฺปโร ตุ กโปณฺย’ถฯ
[266]
มณิพนฺธ กนิฏฺฐานํ, ปาณิสฺส กรโภ,นฺตรํ;
กรสาขา, งฺคุลี ตา ตุ, ปญฺจ, งฺคุฏฺโฐ จ ตชฺชนี;
มชฺฌิมา นามิกา จาปิ, กนิฏฺฐา’ติ กมา สิยุํฯ
[267]
ปเทโส ตาลโคกณฺณา, วิทตฺถิ,ตฺถี กมา ตเต;
ตชฺชนฺยาทิยุเต’งฺคุฏฺเฐ, ปสโต ปาณิ กุญฺจิโตฯ
[268]
รตนํ กุกฺกุ หตฺโถ ถ, ปุเม กรปุโฏ,ญฺชลิ;
กรโช ตุ นโข นิตฺถี, ขฏโก มุฏฺฐิ จ ทฺวีสุฯ
[269]
พฺยาโม สหกรา พาหุ, ทฺเว ปสฺสทฺวยวิตฺถตา;
อุทฺธนฺตต ภุชโปส, ปฺปมาเณ โปริสํ ติสุฯ
[270]
อุโร จ หทยํ จาถ, ถโน กุจ ปโยธรา;
จูจุกํ ตุ ถนคฺคสฺมิํ, ปิฏฺฐํ ตุ ปิฏฺฐิ นาริยํฯ
[271]
มชฺโฌ’นิตฺถี วิลคฺโค จ, มชฺฌิมํ กุจฺฉิ [จตุกฺกํ อุทเร; 944-คาถาปิ ปสฺสิตพฺพา] ตุ ทฺวิสุ;
คหณีตฺถฺยุทรํ คพฺโภ, โกฏฺโฐนฺโต กุจฺฉิสมฺภเวฯ
[272]
ชฆนํ ตุ นิตมฺโพ จ, โสณี จ กฏิ นาริยํ;
องฺคชาตํ รหสฺสงฺคํ, วตฺถคุยฺหญฺจ เมหนํฯ
[273]
นิมิตฺตญฺจ วรงฺคญฺจ, พีชญฺจ ผลเมว จ;
ลิงฺคํ อณฺฑํ ตุ โกโส จ,
โยนิ ตฺวิตฺถีปุเมภคํฯ
[274]
อสุจิ สมฺภโว สุกฺกํ, ปายุ ตุ ปุริเส คุทํ;
วา ปุเม คูถ กรีส, วจฺจานิ จ มลํ ฉกํฯ
[275]
อุจฺจาโร มีฬฺห มุกฺกาโร, ปสฺสาโว มุตฺต มุจฺจเต;
ปูติมุตฺตญฺจ โคมุตฺเต, สฺสาทีนํ ฉกณํ มเลฯ
[276]
ทฺวีสฺวโธ นาภิยา วตฺถิ, อุจฺฉงฺค’งฺกา ตุ’โภ ปุเม;
อูรุ สตฺถิ ปุเม อูรุ, ปพฺพํ ตุ ชาณุ ชณฺณุ จฯ
[277]
โคปฺผโก ปาทคณฺฐิปิ, ปุเม ตุ ปณฺหิ ปาสณิ;
ปาทคฺคํ ปปโท ปาโท, ตุ ปโท จรณญฺจ วาฯ
[278]
องฺคํตฺว’วยโว วุตฺโต, ผาสุลิกา ตุ ผาสุกา;
ปณฺฑเก อฏฺฐิ ธาตฺวิตฺถี, คลนฺตฏฺฐิ ตุ อกฺขโกฯ
[279]
กปฺปโร ตุ กปาลํ วา, กณฺฑรา ตุ มหาสิรา;
ปุเม นฺหารุ จิตฺถี สิรา, ธมนี ถ รสคฺคสาฯ
[280]
รสหรณฺย’โถ มํส, มามิสํ ปิสิตํ ภเว;
ติลิงฺคิกํ ตุ วลฺลูร, มุตฺตตฺตํ อถ โลหิตํฯ
[281]
รุธิรํ โสณิตํ รตฺตํ, ลาลา เขโฬ เอลา ภเว;
ปุริเส มายุ ปิตฺตญฺจ, เสมฺโห นิตฺถี สิเลสุโมฯ
[282]
วสา วิลีนสฺเนโห ถ, เมโท เจว วปา ภเว;
อากปฺโป เวโส เนปจฺฉํ, มณฺฑนํ ตุ ปสาธนํฯ
[283]
วิภูสนํ จาภรณํ, อลงฺกาโร ปิลนฺธนํ;
กิรีฏ มกุฏา’นิตฺถี, จูฬามณิ สิโรมณิฯ
[284]
สิโรเวฐน มุณฺหีสํ, กุณฺฑลํ กณฺณเวฐนํ;
กณฺณิกา กณฺณปูโร จ, สิยา กณฺณวิภูสนํฯ
[285]
กณฺฐภูสา ตุ คีเวยฺยํ, หาโร มุตฺตาวลิ’ตฺถิยํ;
นิยุโร วลโย นิตฺถี, กฏกํ ปริหารกํฯ
[286]
กงฺกณํ กรภูสา ถ, กิงฺกิณี [กิํกณี กิํ กณิกา (ก.)] ขุทฺทฆณฺฏิกา;
องฺคุลียก มงฺคุลฺยา, ภรณํ, สากฺขรํ ตุ ตํฯ
[287]
มุทฺทิกา’งฺคุลิมุทฺทา ถ, รสนา เมขลา ภเว;
เกยูร มงฺคทญฺเจว, พาหุมูลวิภูสนํฯ
[288]
ปาทงฺคทํ ตุ มญฺชีโร, ปาทกฏก นูปุรา;
[289]
อลงฺการปฺปเภทา ตุ, มุขผุลฺลํ ตโถ’ณฺณตํ;
อุคฺคตฺถนํ คิงฺคมก, มิจฺเจวมาทโย สิยุํฯ
[290]
เจล มจฺฉาทนํ วตฺถํ, วาโส วสน มํสุกํ;
อมฺพรญฺจ ปโฏ นิตฺถี, ทุสฺสํ โจโล จ สาฏโกฯ
[291]
โขมํ ทุกูลํ โกเสยฺยํ, ปตฺตุณฺณํ กมฺพโล จ วา;
สาณํ โกฏมฺพุรํ ภงฺค, นฺตฺยาทิ วตฺถนฺตรํ มตํฯ
[292]
นิวาสน นฺตรียานฺย, นฺตรมนฺตรวาสโก;
ปาวาโร ตุ’ตฺตราสงฺโค, อุปสํพฺยาน มุตฺตรํฯ
[293]
อุตฺตรีย มโถ วตฺถ, มหตนฺติ มตํ นวํ;
นนฺตกํ กปฺปโฏ ชิณฺณ, วสนํ ตุ ปฏจฺจรํฯ
[294]
กญฺจุโก วารวาณํ วา, ถ วตฺถาวยเว ทสา;
นาลิปฏฺโฏติ กถิโต, อุตฺตมงฺคมฺหิ กญฺจุโกฯ
[295]
อายาโม ทีฆตา โรโห,
ปริณาโห วิสาลตาฯ
[296]
อรหทฺธโช จ กาสาย, กาสาวานิ จ จีวรํ;
มณฺฑลํ ตุ ตทงฺคานิ, วิวฏฺฏ กุสิอาทโยฯ
[297]
ผล,ตฺตจ, กิมิ, โรมา, นฺเยตา วตฺถสฺส โยนิโย;
ผาลํ กปฺปาสิกํ ตีสุ, โขมาที ตุ ตจพฺภวาฯ
[298]
โกเสยฺยํ กิมิชํ, โรม, มยํ ตุ กมฺพลํ ภเว;
สมานตฺถา ชวนิกา, สา ติโรกรณี ปฺยถฯ
[299]
ปุนฺนปุํสก มุลฺโลจํ, วิตานํ ทฺวย มีริตํ;
นหานญฺจ สินาเน โถ, พฺพฏฺฏนุ’มฺมชฺชนํ สมํฯ
[300]
วิเสสโก ตุ ติลโก, ตฺยูโภ นิตฺถี จ จิตฺตกํ;
จนฺทโน นิตฺถิยํ คนฺธ, สาโร มลยโช ปฺยถฯ
[301]
โคสีสํ เตลปณฺณิกํ, ปุเม วา หริจนฺทนํ;
ติลปณฺณี ตุ ปตฺตงฺค, รญฺชนํ รตฺตจนฺทนํฯ
[302]
กาฬานุสารี กาฬิยํ, โลหํ ตฺวา’ครุ จา’คฬุ;
กาฬาครุตุ กาเฬ’สฺมิํ, ตุรุกฺโขตุ จ ปิณฺฑโกฯ
[303]
กตฺถูริกา มิคมโท, กุฏฺฐํ ตุ อชปาลกํ;
ลวงฺคํ เทวกุสุมํ, กสฺมีรชํ ตุ กุงฺกุมํฯ
[304]
ยกฺขธูโป สชฺชุลโส, ตกฺโกลํ ตุ จ โกลกํ;
โกสผล มโถ ชาติ, โกสํ ชาติผลํ ภเวฯ
[305]
ฆนสาโร สิตพฺโภ จ, กปฺปูรํ ปุนฺนปุํสเก;
อลตฺตโก ยาวโก จ, ลาขา ชตุ นปุํสเกฯ
[306]
สิริวาโส ตุ สรล, ทฺทโว’ ญฺชนํ ตุ กชฺชลํ;
วาสจุณฺณํ วาสโยโค, วณฺณกํ ตุ วิเลปนํฯ
[307]
คนฺธมาลฺยาทิสงฺขาโร, โย ตํ วาสน มุจฺจเต;
มาลา มาลฺยํ ปุปฺผทาเม [ปุปฺผํ ทามํ (ก.)], ภาวิตํ วาสิตํ ติสุฯ
[308]
อุตฺตํโส เสขรา’ เวฬา, มุทฺธมาลฺเย วฏํสโก;
เสยฺยา จ สยนํ เสนํ, ปลฺลงฺโก ตุ จ มญฺจโกฯ
[309]
มญฺจาธาโร ปฏิปาโท, มญฺจงฺเค ตฺวฏนี ตฺถิยํ,
[310]
กุฬีรปาโท อาหจฺจ, ปาโท เจว มสารโก;
จตฺตาโร พุนฺทิกาพทฺโธ, ติเม มญฺจนฺตรา สิยุํฯ
[311]
พิพฺโพหนํ โจ’ ปธานํ, ปีฐิกา ปีฐ มาสนํ;
โกจฺฉํ ตุ ภทฺทปีเฐ ถา, สนฺที ปีฐนฺตเร มตาฯ
[312]
มหนฺโต โกชโว ทีฆ,
โลมโก โคนโก มโต;
อุณฺณามยํ ตฺวตฺถรณํ, จิตฺตกํ วานจิตฺตกํฯ
[313]
ฆนปุปฺผํ ปฏลิกา, เสตํ ตุ ปฏิกา ปฺยถ;
ทฺวิทเสกทสานฺยุ’ ทฺท,โลมิ เอกนฺตโลมิโนฯ
[314]
ตเทว โสฬสิตฺถีนํ, นจฺจโยคฺคญฺหิ กุตฺตกํ;
สีหพฺยคฺฆาทิรูเปหิ, จิตฺตํ วิกติกา ภเวฯ
[315]
กฏฺฏิสฺสํ โกเสยฺยํ รตน, ปริสิพฺพิต มตฺถรณํ กมา;
โกสิยกฏฺฏิสฺสมยํ, โกสิยสุตฺเตน ปกตญฺจฯ
[316]
ทีโป ปทีโป ปชฺโชโต, ปุเม ตฺวาทาส ทปฺปณา;
เคณฺฑุโก กณฺฑุโก ตาล, วณฺฏํ ตุ พีชนีตฺถิยํฯ
[317]
จงฺโกฏโก กรณฺโฑ จ, สมุคฺโค สมฺปุโฏ ภเว;
คามธมฺโม อสทฺธมฺโม, พฺยวาโย เมถุนํ รติฯ
[318]
วิวาโห ปยมา ปาณิ, คฺคโห ปริณโย ปฺยถ;
ติวคฺโค ธมฺม, กาม,ตฺถา, จตุวคฺโค สโมกฺขกาฯ
[319]
ขุชฺโช จ คณฺฑุโล รสฺส, วามนา ตุ ลกุณฺฑโก;
ปงฺคุโล ปีฐสปฺปี จ, ปงฺคุ ฉินฺนิริยาปโถฯ
[320]
ปกฺโข ขญฺโช ตุ โขณฺโฑ ถ,
มูโค สุญฺญวโจ ภเว;
กุณี หตฺถาทิวงฺโก จ, วลิโร ตุ จ เกกโรฯ
[321]
นิกฺเกสสีโส ขลฺลาโฏ,
มุณฺโฑ ตุ ภณฺฑุ มุณฺฑิโก;
กาโณ อกฺขีน เมเกน,
สุญฺโญ อนฺโธ ทฺวเยน ถฯ
[322]
พธิโร สุติหีโน ถ, คิลาโน พฺยาธิตา’ตุรา;
อุมฺมาทวติ อุมฺมตฺโต, ขุชฺชาที วาจฺจลิงฺคิกาฯ
[323]
อาตงฺโก อามโย พฺยาธิ, คโท โรโค รุชาปิ จ;
เคลญฺญากลฺล มาพาโธ,
โสโส ตุ จ ขโย สิยาฯ
[324]
ปีนโส [ปีนาโสติปิ ปาโฐ] นาสิกาโรโค,
ฆาเน สิงฺฆานิกา สฺสโว;
เญยฺยํ ตฺว’รุ วโณ นิตฺถี, โผโฏ ตุ ปิฬกา ภเวฯ
[325]
ปุพฺโพ ปูโย ถ รตฺตาติ, สาโร ปกฺขนฺทิกา ปฺยถ;
อปมาโร อปสฺมาโร, ปาทโผโฏ วิปาทิกาฯ
[326]
วุฑฺฒิโรโค ตุ วาตณฺฑํ, สีปทํ ภารปาทตา;
กณฺฑู กณฺฑูติ กณฺฑูยา, ขชฺชุ กณฺฑูวนํ ปฺยถฯ
[327]
ปามํ วิตจฺฉิกา กจฺฉุ, โสโถ ตุ สยถู’ทิโต;
ทุนฺนามกญฺจ อริสํ, ฉทฺทิกา วมถู’ทิโตฯ
[328]
ทวถุ ปริตาโป ถ, ติลโก ติลกาฬโก;
วิสูจิกา อิติ มหา, วิเรโก ถ ภคนฺทโล [ภคนฺทโร (ก.)]ฯ
[329]
เมโห ชโร กาส สาสา, กุฏฺฐํ สูลามยนฺตรา;
วุตฺโต เวชฺโช ภิสกฺโก จ, โรคหารี ติกิจฺฉโกฯ
[330]
สลฺลเวชฺโช สลฺลกตฺโต, ติกิจฺฉา ตุ ปติกฺริยา;
เภสชฺช มคโท เจว, เภสชํ โม’สธํ ปฺยถฯ
[331]
กุสลา นามยา โรคฺยํ,
อถ กลฺโล นิรามโยติ,
นรวคฺโค นิฏฺฐิโตฯ
4. จตุพฺพณฺณวคฺค
ขตฺติยวคฺค
[332]
กุลํ วํโส จ สนฺตานา, ภิชนา โคตฺต มนฺวโย;
ถิยํ สนฺตตฺย โถ วณฺณา, จตฺตาโร ขตฺติยาทโยฯ
[333]
กุลีโน สชฺชโน สาธุ,
สภฺโย จายฺโย มหากุโล;
ราชา ภูปติ ภูปาโล, ปตฺถิโว จ นราธิโปฯ
[334]