52. สฺสํ+สฺสา+สฺสาเยสฺวิ-ตเร+ก+ญฺเญ+ติ+มาน+มิ

สฺสมาทีสุ อิตร+เอก+อญฺญ+เอต+อิม อิจฺเจเตสํ อิ โหติ นิจฺจํฯ อิตริสฺสา อิตราย, อญฺญิสฺสา อญฺญาย, อญฺญาสํ อญฺญาสานํฯ อญฺญิสฺสํ อญฺญายํ อญฺญายฯ อญฺญตร+ญฺญตมา ลิงฺคตฺตเย สพฺพสมาฯ

ปุพฺโพ,

143. ปุพฺพาทีหิ ฉหิ

เอเตหิ ฉหิ สวิสเย เอฏ วา โหตีติ โยสฺส เอฏ, ปุพฺเพ ปุพฺพาฯ โภ ปุพฺพ ปุพฺพา, ปุพฺเพ ปุพฺพาฯ ปุพฺพํ, ปุพฺเพฯ ปุพฺเพนฯ เสสํ สพฺพลิงฺเค สพฺพสมํฯ เอวํ ปราทโย ปญฺจฯ

139. นา+ญฺญญฺจ นาม+ปฺปธานา

ตํนามภูเตหิ อปฺปธาเนหิ จ สพฺพาทีหิ สพฺพาทิการิยํ น โหติฯ เต สพฺพา, สพฺพนามา เตติ อตฺโถฯ เต ปิยสพฺพา, เต อติสพฺพาฯ นามภูเต จ อญฺญปทตฺถาโท อปฺปธานวิสเย จ สพฺพาทิการิยนิเสเธน ‘‘ปรมสพฺเพ ติฏฺฐนฺติ’’ ตฺยาทิโต ปธานปทนฺตโต เอฏอาทโย โหนฺติ, วิเสสนสมาสสฺส อุตฺตรปทตฺถปธานตฺตาฯ

140. ตติยตฺถโยเค

ตติยตฺเถน โยเค จ สพฺพาทิการิยํ น โหติฯ มาเสน ปุพฺพา มาสปุพฺพา อิจฺจาทิฯ

141. จตฺถสมาเส

จตฺถสมาสวิสเย สพฺพาทิการิยํ น โหติฯ ทกฺขิณุตฺตรปุพฺพานนฺติอาทิฯ

142. เว+ฏ

อิติ จตฺถสมาเส สพฺพาทิการิยํ น โหติ, นิจฺเจน เอฏอาเทสปฺปสงฺเค อยํ สมฺปตฺตวิภาสาฯ ปุพฺพุตฺตเร ปุพฺพุตฺตราฯ เสสํ สุคตสมํฯ

โย, เยฯ ยา, ยาโยฯ ยํ, ยานิ อิจฺจาทิ สพฺพสมํฯ ยาทีน+มาลปเน รูปํ น สมฺภวติฯ

ตฺย สิ –

128. ตฺย+เต+ตานํ ตสฺส โส

ตฺย+เต+ตาน+มนปุํสกานํ ตสฺส โส โหติ สิมฺหิฯ สฺโย, ตฺเยฯ สฺยา, ตฺยา, ตฺยาโยฯ ตฺยํ, ตฺยานิ อิจฺจาทิ สพฺพสมํฯ

โส,

131. ตตสฺส โน สพฺพาสุ

ตสทฺทสฺส ตสฺส โน วา โหติ สพฺพาสุ วิภตฺตีสุฯ ‘‘ตฺย+เต+ตานํ ตสฺสา’’ติ จ เอตฺถ ตฺยาทีนํ ตการคฺคหณํ สฺยา สา เอสา นาโยติ อิตฺถิยํ สพฺพสมา โหตีติฯ เน เตฯ นํ ตํ, เน เตฯ เนน เตเน, เนหิ เนภิ เตหิ เตภิฯ