เมนู

165. สโลโป

ลฺตุ+ปิตาทีหิ สสฺส โลโป วา โหติฯ วตฺตุ วตฺตุโน วตฺตุสฺสฯ

163. นํมฺหิ วา

นํมฺหิ ลฺตุ+ปิตาทีน+มารง วา โหติฯ วตฺตารานํฯ

164. อา

นํมฺหิ ลฺตุ+ปิตาทีน+มา วา โหติฯ วตฺตานํ วตฺตูนํฯ สฺมาสฺส ฏา, วตฺตาราฯ

174. ฏิ สฺมิโน

อารวา+เทสมฺหา สฺมิโน ฏิ โหติฯ

176. รสฺสา+รง

สฺมิมฺหิ อาโร รสฺโส โหติฯ วตฺตริ, วตฺตาเรสุ วตฺตูสุ วตฺตุสุฯ เอวํ –

เอวํ ภตฺตุ กตฺตุ เนตุ, โสตุ ญาตุ เชตุ เฉตฺตุ;

เภตฺตุ ทาตุ ธาตุ โพทฺธุ, วิญฺญาเปตาทโยปิ จฯ

สตฺถุสทฺทสฺส ปน นามฺหิ พหุลาธิการา ‘‘ลฺตุ+ปิตาทีน+มเส’’ติ วา อารวาเทเส สตฺถารา สตฺถุนาฯ เสสํ วตฺตุสมํฯ

สิมฺหิ อา, ปิตาฯ ‘‘ลฺตุ+ปิตาทีน+มเส’’ติ อารวาเทเส –

177. ปิตาทีน+มนตฺวาทีนํ

นตฺวาทิวชฺชิตานํ ปิตาทีน+มาโร รสฺโส โหติ สพฺพาสุ วิภตฺตีสุฯ ‘‘ลฺตุ+ปิตาทีน+มเส’’ ‘‘สุ+หิสฺวา+รง’’ ‘‘นํมฺหิ วา’’ติ เอตฺถ วุตฺตวิภตฺตีสุ ปเรสุ อารง โหตีติ ตา วิภตฺติโย ปฏิจฺจ สพฺพาสูติ วุตฺตํฯ ปิตโรฯ โภ ปิต ปิตา, ปิตโรฯ ปิตรํ, ปิตเร ปิตโรฯ ปิตรา, ปิตเรหิ ปิตเรภิ ปิตูหิ ปิตูภิฯ ปิตุ ปิตุโน ปิตุสฺส, ปิตรานํ ปิตูนํฯ ‘‘ปิตุนฺนํ’’ติ นํมฺหิ ทีเฆ รสฺส+ทฺวิตฺตานีติ วุตฺตํฯ ‘‘สานุวุตฺตํ สุตฺตํ’’ติ ญายา ‘‘พหุกตินฺนํ’’ติ เอตฺถ นุก-อิติ โยควิภาเคนปิ สิชฺฌติ เอตฺถ อนุวตฺติตนํมฺหิฯ ปญฺจมีฉฏฺฐี ตติยาจตุตฺถีสมํฯ ปิตริ, ปิตเรสุ ปีตูสุ, รสฺสาภาโวฯ นตฺตา, นตฺตาโรฯ โภ นตฺต นตฺตา, นตฺตาโร อิจฺจาทิ วตฺตุสมํฯ

คุณวนฺตุ สิ,

151. นฺตุสฺส

สิมฺหิ นฺตุสฺส ฏา โหติฯ คุณวาฯ โยมฺหิ ‘‘นฺตนฺตูนํ นฺโต โยมฺหิ ปฐเม’’ติ สวิภตฺติสฺส นฺตุสฺส นฺโต โหติฯ เอตฺถ จ ‘‘นฺตุ วนฺตุ+มนฺตา+วนฺตุ+ตวนฺตุสมฺพนฺธี’’ติ ปริภาสโต นฺตุ จ วนฺตฺวาทิสมฺพนฺธีเยว คยฺหเต, น ชนฺตุ ตนฺตาทีนํฯ คุณวนฺโตฯ อญฺญตฺร –