ทณฺฑี , สิโลโปฯ ‘‘เอกวจเน’’ จฺจาทินา รสฺเส สมฺปตฺเต อนปุํสกตฺตา ‘‘สิสฺมิํนา+นปุํสกสฺสา’’ติ นิเสโธฯ โยมฺหิ เอกวจเน จ สพฺพตฺถ รสฺโสฯ

75. โยนํ โน+เน ปุเม

ฌสญฺญิโต โยนํ โน+เน วา โหนฺติ ยถากฺกมํ ปุลฺลิงฺเคฯ ทณฺฑิโนฯ

115. ชนฺตุเหตฺวีฆเปหิ วา

ชนฺตุ+เหตูหิ อีการนฺเตหิ ฆ+ปสญฺเญหิ จ ปเรสํ โยนํ วา โลโป โหติฯ ‘‘โยโลปนิสุ ทีโฆ’’ติ ทีเฆ ทณฺฑี ทณฺฑิโยฯ เค ตุ ‘‘เค วา’’ติ วา รสฺโสฯ โภ ทณฺฑิ ทณฺฑี, ทณฺฑิโน ทณฺฑี ทณฺฑิโยฯ

74. นํ ฌีโต

ฌสญฺญีโต อํวจนสฺส นํ วา โหติฯ ทณฺฑินํ ทณฺฑิํ, ทณฺฑิเนฯ

76. โน

ฌีโต โยนํ โน วา โหติ ปุลฺลิงฺเคฯ ทณฺฑิโน ทณฺฑี ทณฺฑิโยฯ ทณฺฑินา, ทณฺฑีหิ ทณฺฑีภิฯ ‘‘ฌลา สสฺส โน’’ติ โนมฺหิ กเต ทณฺฑิโน ทณฺฑิสฺส, ทณฺฑีนํฯ ‘‘นา สฺมาสฺสา’’ติ สฺมาสฺส นา, ทณฺฑินา ทณฺฑิมฺหา ทณฺฑิสฺมาฯ

77. สฺมิโน นิ

ฌีโต สฺมิํวจนสฺส นิ โหติ วาฯ ทณฺฑินิ ทณฺฑิสฺมิํ, ทณฺฑีสุ, พหุลาธิการา สฺมิมฺหิ คามณี+เสนานี+สุธีปภุตีนํ นิอาเทสาภาโว จ วิเสโสฯ เอวํ –