มุนิ สิโลโปฯ เฌ กเต –
93. โยสุ ฌิสฺส ปุเม
ฌสญฺญสฺส อิสฺส โยสุ วา ฏ โหติ ปุลฺลิงฺเคฯ มุนโย, ฌคฺคหณํ กิํ, อิการนฺตสมุทายสฺส มา สิยาฯ อิคฺคหณํ กิํ, อีการสฺส วาติฯ อโตติ สามญฺญนิทฺเทสา ลกฺขณิกอการโต โยนํ ฏาเฏ สมฺปตฺตาปิ อวิธานสามตฺถิยา น โหนฺติฯ สามตฺถิยญฺจ อญฺญถา อนุปปตฺติฯ
114. โลโป
ฌลโต โยนํ โลโป โหตีติ โยโลเป –
88. โยโลป+นิสุ ทีโฆ
โยนํ โลเปนิสุ จ ทีโฆ โหติฯ มุนิฯ มุนโยติ เอตฺถ โยโลโป กิมตฺถํ น โหติ, อกฺเกน ฌตฺตสฺส นาสิตตฺตาฯ กินฺติ ปฐมํ น โหติ, อนฺตรงฺคตฺตา ฌตฺตสฺสฯ โภ มุนิ มุนี, มุนโย มุนีฯ มุนิํ, มุนโย มุนีฯ มุนินา, มุนีหิ มุนีภิฯ ‘‘โยโลปนิสุ’’ ‘‘วีมนฺตุวนฺตูน’’ มิจฺจาทิญาปกา อิการุการานํ สุนํหิสุ ทีฆสฺสา+นิจฺจตฺตา มุนิหิ มุนินํ มุนิสุ อิติปิ โหติฯ ‘‘ฌลา สสฺส โน’’ติ โน, มุนิโน มุนิสฺส, มุนีนํฯ ‘‘นาสฺมาสฺสา’’ติ นา, มุนินา มุนิมฺหา มุนิสฺมาฯ มุนิมฺหิ มุนิสฺมิํ, มุนีสุฯ ‘‘อิโต กฺวจิ สสฺส ฏานุพนฺโธ’’ (คณสุตฺต)ติ พฺรหฺมาทีสุ ปาฐา ‘‘โย จ สิสฺโส มหามุเน’’ติ เอตฺถ ‘‘ฆ+พฺรหฺมาทิเต’’ติ สสฺส เอฏฯ
เอวํ –
โชติ ปาณิ คณฺฐิ มุฏฺฐิ, กุจฺฉิ วตฺถิ สาลิ วีหิ;
พฺยาธิ โอธิ โพธิ สนฺธิ, ราสิ เกสิ สาติ ทีปิฯ
อิสิ คินิ มณิ ธนิ, คิริ รวิ กวิ กปิ;
อสิ มสิ นิธิ วิธิ, อหิ กิมิ ปติ หริฯ
อริ ติมิ กลิ พลิ, ชลธิ จ คหปติ;
อุรมิติ วรมติ, นิรุปธิ อธิปติ;
อญฺชลิ สารถิ อติถิ, สมาธิ อุทธิปฺปภุตโยฯ
อคฺคิ+อิสีนํ อยํ วิเสโส –
147. สิสฺสา+คฺคิโต นิ
อคฺคิสฺมา สิสฺส นิ โหติ วาฯ อคฺคินิ อคฺคิ, อคฺคโย อิจฺจาทิ มุนิสทฺทสมํฯ
133. เฏ สิสฺสิ+สิสฺมา
อิสิสฺมา สิสฺส เฏ วา โหติฯ อิเส อิสิฯ ‘‘ฆ+พฺรหฺมาทิเต’’ติ คสฺส เอ วา, โภ อิเส อิสิ, อิสโย อิสีฯ อิสิํฯ