เมนู

60. ฆ+พฺรหฺมาทิเต

อากติคโณ+ยํ , อากตีติ ชาติ, ชาติปธานคโณตฺย+ตฺโถฯ ฆสญฺญโต พฺรหฺม+กตฺตุ+อิสิ+สขาทีหิ จ คสฺเส+วา โหติฯ โภ พฺรหฺเม พฺรหฺมา, พฺรหฺมาโน พฺรหฺมาฯ พฺรหฺมานํ พฺรหฺมํ, พฺรหฺมาโน พฺรหฺเมฯ

191. นามฺหิ

พฺรหฺมสฺสุ โหติ นามฺหิ นิจฺจํฯ พฺรหฺมุนา, พฺรหฺเมหิ พฺรหฺเมภิฯ

190. พฺรหฺมสฺสุ วา

พฺรหฺมสฺสุ วา โหติ ส+นํสุฯ ‘‘ฌลา สสฺส โน’’ติ โนฯ พฺรหฺมุโน พฺรหฺมุสฺส พฺรหฺมสฺส, พฺรหฺมูนํ พฺรหฺมานํฯ ‘‘สฺมาสฺส นา พฺรหฺมา เจ’’ติ สฺมาสฺส นา, อุกาเร พฺรหฺมุนาฯ ‘‘อมฺพฺวาทีหิ’’ติ สฺมิโน นิ, อิมสฺส อากติคณตฺตา พฺรหฺมสฺส กมฺมาทิตฺเตปิ เอตฺถ วุตฺตาฯ พฺรหฺมนิ พฺรหฺเม พฺรหฺมมฺหิ พฺรหฺมสฺมิํ, พฺรหฺเมสุฯ

สขา, ราชาทิตฺตา อาฯ

2,157. อาโย โน จ สขา

สขโต โยน+มาโย โน โหนฺติ วา อาโน จฯ สขาโย สขาโนฯ

159. โน+นา+เสสฺวิ

สขสฺส อิ โหติ นิจฺจํ โน+นา+เสสุฯ สขิโนฯ

161. โย+สฺวํ+หิสุ จา+รง

สขสฺส วา อารง โหติ โย+สฺวํ+หิสุ สฺมา+นํสุจฯ

171. อารงสฺมา

อารวาเทสโต ปเรสํ โยนํ โฏ โหติฯ สขาโร สขาฯ เค ตุ ‘‘ฆ+พฺรหฺมาทิเต’’ติ เอ, สเข สข สขาฯ พหุวจนํ ปฐมา วิยฯ อํมฺหิ ‘‘วา+มฺหา+นง’’ติ อานง, สขานํ สขารํ สขํ, สขาโย สขาโน สขิโนฯ

172. โฏ เฏ วา

อารวาเทสมฺหา โยนํ โฏ เฏ วา โหนฺติ ยถากฺกมํติ เฏฯ อญฺญตฺถ ‘‘อารงสฺมา’’ติ โฏฯ สขาเร สขาโร สเขฯ โฏคฺคหณํ ลาฆวตฺถํฯ สขินา, สขาเรหิ สเขหิฯ ‘‘ฌลา สสฺส โน’’ติ ฌโต สสฺส โน, สขิโน สขิสฺส, สขารานํฯ

160. สฺมา+นํสุ วา

สขสฺส วา อิ โหติ สฺมา+นํสุฯ สขีนํ สขานํฯ

171. ฏา นา+สฺมานํ

อารวาเทสมฺหา นา+สฺมานํ ฏา โหติ นิจฺจํฯ สขารา, พหุลาธิการา สขารสฺมาฯ ‘‘นา สฺมาสฺสา’’ติ นา, สขินา สขิสฺมา สขา สขมฺหา สขสฺมาฯ

158. เฏ สฺมิโน

สขโต สฺมิโน เฏ โหติ นิจฺจํฯ สเข, สขาเรสุ สเขสุฯ สขิ สขีติ อิตฺถิยํเยว ปโยโค ทิสฺสติ, ตสฺมา ‘‘นทาทิโต งี’’ติ วีมฺหิ อาลปนตฺตา วา รสฺโสฯ