เมนู

82. นา สฺมาสฺส

ฌลโต สฺมาสฺส นา โหติ วา, อทฺธุนา อทฺธุมฺหา อทฺธุสฺมา อทฺธา อทฺธมฺหา อทฺธสฺมาฯ ‘‘กมฺมาทิโต’’ติ สฺมิโน นิ, อทฺธนิ อทฺเธ อทฺธมฺหิ อทฺธสฺมิํ, อทฺเธสุฯ อทฺธสทฺโท เจ+ตฺถกาล+ทฺธานวาจิ, น ภาควาจีฯ

อตฺตา, อตฺตาโน อิจฺจาทิ ยาว ทุติยา ราชาว, กมฺมาทิตฺตา เอเน อตฺเตน อตฺตนาฯ

195. สุ+หิสุ นก

อตฺต+อาตุมานํ สุ+หิสุ นกาคโม โหติฯ ‘‘ญกานุพนฺธา+ทฺยนฺตา’’ติ ปริภาสโต กกาโร อนฺตาวยวตฺโถ, อตฺตเนหิ อตฺเถหิ อตฺตเนภิ อตฺเตภิฯ

194. โน+ตฺตาตุมา

อตฺต+อาตุเมหิ สสฺส โน วา โหติฯ อตฺตโน อตฺตสฺส, อตฺตานํฯ

196. สฺมาสฺส นา พฺรหฺมา จ

พฺรหฺมา อตฺต+อาตุเมหิ จ ปรสฺส สฺมาสฺส นา โหติ นิจฺจํฯ อตฺตนาฯ สฺมิมฺหิ กมฺมาทิตฺตา นิ, อตฺตนิ อตฺเต อตฺตมฺหิ อตฺตสฺมิํ, อตฺตเนสุ อตฺเตสุฯ อาตุมา อตฺตาวฯ

พฺรหฺมา, พฺรหฺมาโน พฺรหฺมา, ‘‘พฺรหฺมสฺสุ วา’’ติ สุตฺเต ‘‘พฺรหฺมสฺสู’’ติ โยควิภาคา อาโนมฺหิ พฺรหฺมสฺส อุ, ปรสฺสรโลเป พฺรหฺมุโนติปิ สิชฺฌติฯ อยญฺจ พฺรหฺมสํยุตฺเต ทิสฺสติฯ พฺรหฺมา เค-

60. ฆ+พฺรหฺมาทิเต

อากติคโณ+ยํ , อากตีติ ชาติ, ชาติปธานคโณตฺย+ตฺโถฯ ฆสญฺญโต พฺรหฺม+กตฺตุ+อิสิ+สขาทีหิ จ คสฺเส+วา โหติฯ โภ พฺรหฺเม พฺรหฺมา, พฺรหฺมาโน พฺรหฺมาฯ พฺรหฺมานํ พฺรหฺมํ, พฺรหฺมาโน พฺรหฺเมฯ

191. นามฺหิ

พฺรหฺมสฺสุ โหติ นามฺหิ นิจฺจํฯ พฺรหฺมุนา, พฺรหฺเมหิ พฺรหฺเมภิฯ

190. พฺรหฺมสฺสุ วา

พฺรหฺมสฺสุ วา โหติ ส+นํสุฯ ‘‘ฌลา สสฺส โน’’ติ โนฯ พฺรหฺมุโน พฺรหฺมุสฺส พฺรหฺมสฺส, พฺรหฺมูนํ พฺรหฺมานํฯ ‘‘สฺมาสฺส นา พฺรหฺมา เจ’’ติ สฺมาสฺส นา, อุกาเร พฺรหฺมุนาฯ ‘‘อมฺพฺวาทีหิ’’ติ สฺมิโน นิ, อิมสฺส อากติคณตฺตา พฺรหฺมสฺส กมฺมาทิตฺเตปิ เอตฺถ วุตฺตาฯ พฺรหฺมนิ พฺรหฺเม พฺรหฺมมฺหิ พฺรหฺมสฺมิํ, พฺรหฺเมสุฯ

สขา, ราชาทิตฺตา อาฯ

2,157. อาโย โน จ สขา

สขโต โยน+มาโย โน โหนฺติ วา อาโน จฯ สขาโย สขาโนฯ

159. โน+นา+เสสฺวิ

สขสฺส อิ โหติ นิจฺจํ โน+นา+เสสุฯ สขิโนฯ

161. โย+สฺวํ+หิสุ จา+รง

สขสฺส วา อารง โหติ โย+สฺวํ+หิสุ สฺมา+นํสุจฯ