92. นฺตสฺส จ ฏ วํ+เส

อํเสสุ นฺตปจฺจยสฺส ฏ โหติ วา นฺตุสฺส จฯ ววตฺถิตวิภาสา+ยํฯ คจฺฉํ คจฺฉนฺตํ, คจฺฉนฺเตฯ

217. โต+ตา+ติ+ตา ส+สฺมา+สฺมิํ นาสุ

ส+สฺมา+สฺมิํ+นาสุ นฺต+นฺตูนํ สวิภตฺตีนํ โต+ตา+ติ+ตา โหนฺติ วา ยถากฺกมํฯ คจฺฉตา คจฺฉนฺเตน, คจฺฉนฺเตหิ คจฺฉนฺเตภิฯ คจฺฉโต คจฺฉสฺส คจฺฉนฺตสฺสฯ

216. ตํ นํมฺหิ

นํมฺหิ นฺต+นฺตูนํ สวิภตฺตีนํ ตํ วา โหติฯ คจฺฉตํ คจฺฉนฺตานํฯ คจฺฉตา คจฺฉนฺตา คจฺฉนฺตมฺหา คจฺฉนฺตสฺมาฯ คจฺฉติ คจฺฉนฺเต คจฺฉนฺตมฺหิ คจฺฉนฺถสฺมิํ, จฺเฉนฺเตสุฯ

เอวํ มหํ จรํ ติฏฺฐํ, ททํ ภุญฺชํ สุณํ ปจํ;

ชยํ ชีรํ วจํ ปียํ, สรํ กุพฺพํ ชปํ วชํฯ

อิจฺจาทโยฯ

ภวนฺต สิ,

149. ภูโต

นิยมสุตฺต+มิทํฯ ภูธาตุโต นฺตสฺส อํ โหติ สิมฺหิ นิจฺจํ ปุนพฺพิธานาฯ ภวํฯ

146. ภวโต วา โภนฺโตค+โย+นา+เส

ภวนฺตสทฺทสฺส โภนฺตาเทโส วา โหติ ค+โย+นา+เสฯ นฺโตอาเทโส, โภนฺโต โภนฺตา ภวนฺโต ภวนฺตาฯ เค ปน โภ โภนฺต โภนฺตา ภว ภวา ภวํ, โภนฺโต โภนฺตา ภวนฺโต ภวนฺตาฯ โภนฺตาเทสปกฺเข ฏ+ฏา+อํอาเทสา พหุลาธิการา น โหนฺติฯ ภวํ ภวนฺตํ, โภนฺเต ภวนฺเตฯ โภตา โภนฺเตน ภวตา ภวนฺเตน, ภวนฺเตหิ ภวนฺเตภิฯ โภโต โภนฺตสฺส ภวโต ภวสฺส ภวนฺตสฺส, ภวตํ ภวนฺตานํฯ ภวตา อิจฺจาทิ คจฺฉนฺตสมํฯ

โภอิติ อามนฺตเณ นิปาโต, ‘‘กุโต นุ อาคจฺฉถ โภ ตโย ชนา’’ติ พหุวจเนปิ ทสฺสนโตฯ เอวํ ภนฺเตติฯ ภทฺเทติ ภทฺทสทฺทนฺตเรน สิทฺธํฯ ภทฺทนฺตอิติ ทสฺส ทฺวิภาเวนฯ

สํ สนฺโต, สนฺโต สนฺตาฯ โภ ส สา สํ, สนฺโต สนฺตาฯ สํ สนฺตํ ‘‘สํโยคาทิโลโปติ นสฺส โลเป ‘‘ยํ ยญฺหิ ราช ภชติ, สนฺตํ วา ยทิ วา อสํ’’, สนฺเตฯ สตา สนฺเตนฯ

145. สโต สพ เภ

สนฺตสทฺทสฺส สพ ภวติ ภกาเรฯ สพฺภิ สนฺเตหิฯ นิจฺจตฺตา สนฺเตภีติ น โหติฯ สโต สสฺส สนฺตสฺส อิจฺจาทิ คจฺฉนฺตสมํฯ

150. มหนฺตา+รหนฺตานํ ฏา วา

สิมฺหิ มหนฺตา+รหนฺตานํ นฺตสฺส ฏา วา โหติฯ มหา มหํ มหนฺโต, มหนฺโต มหนฺตาฯ อรหา อรหํ, อรหนฺโต อรหนฺตา อิจฺจาทิ คจฺฉนฺตสมํฯ

อสฺม สิ,