ตโป เจโต ตโม ยโสฯ อโย วโย สิโร สโร, อุโร+ตฺเย+เต มนาทโยฯ รูปสิทฺธิยํ อห+รหสทฺทา มนาทีสุ ปฐิตาฯ อหสฺส อาปาทิตฺตา รโหติ นิปาตตฺตา รหสีติ วิภตฺยนฺตปฏิรูปกนิปาตตฺตา อิธ น คหิตาฯ คจฺฉนฺต สิ, ‘‘สิสฺส’’ ‘‘เว’’ติ จ วตฺตเตฯ ปรโต ภิยฺโย นานุวตฺตยิสฺสาม, วุตฺติยา เอว อนุวตฺตสฺส คมฺยมานตฺตาฯ 148. นฺตสฺสํ สิมฺหิ นฺตปจฺจยสฺส อํ โหติ วาฯ ‘‘สุตานุมิเตสุ สุตสมฺพนฺโธว พลวา’’ติ ญายา ‘‘นฺตสฺสา’’ติ สุตตฺตา นฺตสฺเสว อํ, น ตทนฺตสฺส อนุมิตสฺส สทฺทสฺสฯ เอว+มุปริปิ นฺต+นฺตูนํ อาเทสวิธานฏฺฐาเนสุฯ ‘‘คสินํ’’ติ สิโลโปฯ คจฺฉํ คจฺฉนฺโตฯ 215. นฺต+นฺตูนํ นฺโต โยมฺหิ ปฐเม ปฐเม โยมฺหิ นฺต+นฺตูนํ สวิภตฺตีนํ นฺโตอิจฺจาเทโส โหติ วาฯ ส จ พหุลาธิการา ปุเมว, คจฺฉนฺโต คจฺฉนฺตาฯ 218. ฏ+ฏา+อํ เค เค ปเร นฺต+นฺตูนํ สวิภตฺตีนํ ฏ+ฏา+อํอิจฺจาเทสา นิจฺจํ โหนฺติ พหุลํฯ โภ คจฺฉ คจฺฉา คจฺฉํ, คจฺฉนฺโต คจฺฉนฺตาฯ |