เมนู

109. กถ+มิตฺถํ

กิ+มิเมหิ ถํปจฺจโย, ก+อิตฺตํ เตสํ ยถากฺกมํฯ เกน ปกาเรน กถํ, อิมินา ปกาเรน อิตฺถํฯ

110. ธา สงฺขฺยาหิติ

ปกาเร ธา โหติฯ ทฺวีหิ ปกาเรหิ ทฺเว วา ปกาเร กโรติ ทฺวิธา กโรติ, พหุธา กโรติ, เอกํ ราสิํ ปญฺจปฺปการํ กโรติ ปญฺจธา กโรติฯ ปญฺจปฺปการ+เมกปฺปการํ กโรติ เอกธา กโรติฯ

111. เว+กา+ชฺฌนฺติ

เอกสฺมา ปกาเร ชฺฌํ วา โหติฯ เอเกน ปกาเรน เอกํ วา ปการํ กโรติ เอกชฺฌํ กโรติ, เอกธา กโรติ วาฯ

112. ทฺวิตีเห+ธาติ

เอธา วาฯ ทฺวีหิ ปกาเรหิ ทฺเว วา ปกาเร กโรติ ทฺเวธา, เตธาฯ ทฺวิธา ติธาฯ

113. ตพฺพติ ชาติโย

ปการวติ ตํสามญฺญวาจกา สทฺทา ชาติโย โหติฯ ปฏุชาติโย, มุทุชาติโยฯ

114. วารสงฺขฺยาย กฺขตฺตุํ

วารสมฺพนฺธินิยา สํขฺยาย กฺขตฺตุํ โหติฯ ทฺเว วาเร ภุญฺชติ ทฺวิกฺขตฺตุํ ทิวสสฺส ภุญฺชติฯ วารคฺคหณํ กิํ, ปญฺจ ภุญฺชติฯ สงฺขฺยายาติ กิํ, ปหูเต วาเร ภุญฺชติฯ