16. นิวาเส ตนฺนาเม
ติ ตนฺนาเม นิวาเส เทเส โณ โหติฯ สิวีนํ นิวาโส เทโส เสพฺโพฯ เอตฺถ ‘‘ยวา สเร’’ติ ยกาเร พการปุพฺพรูปานิฯ วาสาโตฯ
17. อทูรภเวติ
โณ, วิทิสาย อทูรภวํ เวทิสํฯ
18. เตน นิพฺพตฺเตติ
ตติยนฺตา นิพฺพตฺตตฺเถ โณ โหติฯ กุสมฺเพน นิพฺพตฺตา โกสมฺพี นครํ, เอวํ กากนฺที, มากนฺที, สหสฺเสน นิพฺพตฺตา สาหสฺสี ปริขา, เหตุมฺหิ กตฺตริ กรเณ จ ยถาโยคํ ตติยาฯ
19. ต+มิธ+ตฺถิ
ตนฺติ ปฐมนฺตา อิธาติ สตฺตมฺยตฺเถ เทเส ตนฺนาเม โณ โหติ, ยํ ตํ ปฐมนฺต+มตฺถิ เจฯ อุทุมฺพรา อสฺมิํ เทเส สนฺตีติ โอทุมฺพโร, พาทโร, ปพฺพโชฯ
