กตเม ทฺเว? สงฺฆสุฏฺฐุตาย, สงฺฆผาสุตาย… ทุมฺมงฺกูนํ ปุคฺคลานํ นิคฺคหาย, เปสลานํ ภิกฺขูนํ ผาสุวิหาราย… ทิฏฺฐธมฺมิกานํ อาสวานํ สํวราย, สมฺปรายิกานํ อาสวานํ ปฏิฆาตาย… ทิฏฺฐธมฺมิกานํ เวรานํ สํวราย, สมฺปรายิกานํ เวรานํ ปฏิฆาตาย… ทิฏฺฐธมฺมิกานํ วชฺชานํ สํวราย, สมฺปรายิกานํ วชฺชานํ ปฏิฆาตาย… ทิฏฺฐธมฺมิกานํ ภยานํ สํวราย, สมฺปรายิกานํ ภยานํ ปฏิฆาตาย… ทิฏฺฐธมฺมิกานํ อกุสลานํ ธมฺมานํ สํวราย, สมฺปรายิกานํ อกุสลานํ ธมฺมานํ ปฏิฆาตาย… คิหีนํ อนุกมฺปาย, ปาปิจฺฉานํ ภิกฺขูนํ ปกฺขุปจฺเฉทาย… อปฺปสนฺนานํ ปสาทาย, ปสนฺนานํ ภิยฺโยภาวาย… สทฺธมฺมฏฺฐิติยา, วินยานุคฺคหายฯ อิเม โข, ภิกฺขเว, ทฺเว อตฺถวเส ปฏิจฺจ ตถาคเตน สาวกานํ ติณวตฺถารโก ปญฺญตฺโต’’ติฯ

วินยเปยฺยาลํ นิฏฺฐิตํฯ

4. ราคเปยฺยาลํ

[231] ‘‘ราคสฺส , ภิกฺขเว, อภิญฺญาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, อภิญฺญาย อิเม ทฺเว ธมฺมา ภาเวตพฺพา’’ติฯ

‘‘ราคสฺส, ภิกฺขเว, ปริญฺญาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, ปริญฺญา อิเม ทฺเว ธมฺมา ภาเวตพฺพาฯ ราคสฺส, ภิกฺขเว, ปริกฺขยาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, ปริกฺขยา อิเม ทฺเว ธมฺมา ภาเวตพฺพาฯ ราคสฺส, ภิกฺขเว, ปหานาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, ปหานา อิเม ทฺเว ธมฺมา ภาเวตพฺพาฯ ราคสฺส, ภิกฺขเว, ขยาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, ขยา อิเม ทฺเว ธมฺมา ภาเวตพฺพาฯ ราคสฺส, ภิกฺขเว, วยาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, วยา อิเม ทฺเว ธมฺมา ภาเวตพฺพาฯ ราคสฺส, ภิกฺขเว, วิราคาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, วิราคา อิเม ทฺเว ธมฺมา ภาเวตพฺพาฯ ราคสฺส, ภิกฺขเว, นิโรธาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, นิโรธา อิเม ทฺเว ธมฺมา ภาเวตพฺพาฯ ราคสฺส, ภิกฺขเว, จาคาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, จาคา อิเม ทฺเว ธมฺมา ภาเวตพฺพาฯ ราคสฺส, ภิกฺขเว, ปฏินิสฺสคฺคาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ราคสฺส, ภิกฺขเว, ปฏินิสฺสคฺคาย อิเม ทฺเว ธมฺมา ภาเวตพฺพา’’ติฯ

[232-246] ‘‘โทสสฺส…เป.… โมหสฺส… โกธสฺส… อุปนาหสฺส… มกฺขสฺส… ปฬาสสฺส… อิสฺสาย… มจฺฉริยสฺส… มายาย… สาเฐยฺยสฺส… ถมฺภสฺส… สารมฺภสฺส… มานสฺส… อติมานสฺส… มทสฺส… ปมาทสฺส, ภิกฺขเว, อภิญฺญาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส, ภิกฺขเว, อภิญฺญา อิเม ทฺเว ธมฺมา ภาเวตพฺพาฯ ปมาทสฺส, ภิกฺขเว, ปริญฺญาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส, ภิกฺขเว, ปริญฺญา อิเม ทฺเว ธมฺมา ภาเวตพฺพาฯ ปมาทสฺส, ภิกฺขเว, ปริกฺขยาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส , ภิกฺขเว, ปริกฺขยาย อิเม ทฺเว ธมฺมา ภาเวตพฺพาฯ ปมาทสฺส, ภิกฺขเว, ปหานาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส, ภิกฺขเว, ปหานา อิเม ทฺเว ธมฺมา ภาเวตพฺพาฯ ปมาทสฺส, ภิกฺขเว, ขยาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส, ภิกฺขเว, ขยา อิเม ทฺเว ธมฺมา ภาเวตพฺพาฯ ปมาทสฺส, ภิกฺขเว, วยาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส, ภิกฺขเว, วยา อิเม ทฺเว ธมฺมา ภาเวตพฺพาฯ ปมาทสฺส, ภิกฺขเว, วิราคาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส, ภิกฺขเว, วิราคา อิเม ทฺเว ธมฺมา ภาเวตพฺพาฯ ปมาทสฺส, ภิกฺขเว, นิโรธาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส, ภิกฺขเว, นิโรธา อิเม ทฺเว ธมฺมา ภาเวตพฺพาฯ ปมาทสฺส, ภิกฺขเว, จาคาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส, ภิกฺขเว, จาคา อิเม ทฺเว ธมฺมา ภาเวตพฺพาฯ ปมาทสฺส, ภิกฺขเว, ปฏินิสฺสคฺคาย ทฺเว ธมฺมา ภาเวตพฺพาฯ กตเม ทฺเว? สมโถ จ วิปสฺสนา จฯ ปมาทสฺส, ภิกฺขเว, ปฏินิสฺสคฺคาย อิเม ทฺเว ธมฺมา ภาเวตพฺพา’’ติฯ

(อิทมโวจ ภควาฯ อตฺตมนา เต ภิกฺขู ภควโต ภาสิตํ อภินนฺทุนฺติฯ) [( ) เอตฺถนฺตเร ปาโฐ สี. สฺยา. กํ. ปี. โปตฺถเกสุ นตฺถิ]

ราคเปยฺยาลํ นิฏฺฐิตํฯ

ทุกนิปาตปาฬิ นิฏฺฐิตาฯ