จคฺคหเณน ติณฺณํ พฺยญฺชนานมนฺตเร เย สรูปา, เตสมฺปิ โลโป โหติฯ อคฺยาคารํ, ปฏิสนฺถารวุตฺยสฺสฯ
อิติ สนฺธิกปฺเป จตุตฺโถ กณฺโฑฯ
ปญฺจมกณฺฑ
[42, 32. โคสเร ปุถสฺสาคโม กฺวจิฯ
ปุถอิจฺเจตสฺส อนฺเต สเร ปเร กฺวจิ คการาคโม โหติฯ
ปุถเค วฯ
[43, 33. ปาสฺส จนฺโต รสฺโสฯ
ปาอิจฺเจตสฺส อนฺเต สเร ปเร กฺวจิ คการาคโม โหติ, อนฺโต จ สโร รสฺโส โหติฯ
ปเคว วุตฺยสฺสฯ
กฺวจีติ กสฺมา? ปา เอว วุตฺยสฺสฯ
[44, 24. อพฺโภ อภิฯ
อภิอิจฺเจตสฺส สเร ปเร อพฺภาเทโส โหติฯ อพฺภุทีริตํ, อพฺภุคฺคจฺฉติฯ