จตุตฺถกณฺฑ

[30, 58. อํ พฺยญฺชเน นิคฺคหิตํฯ

นิคฺคหิตํ โข พฺยญฺชเน ปเร อํ อิติ โหติฯ

เอวํ วุตฺเต, ตํ สาธูติ ปฏิสฺสุณิตฺวาฯ

[31, 49. วคฺคนฺตํ วา วคฺเคฯ

วคฺคภูเต พฺยญฺชเน ปเร นิคฺคหิตํ โข วคฺคนฺตํ วา ปปฺโปติฯ

ตนฺนิจฺจุตํ, ธมฺมญฺจเร สุจริตํ, จิรปฺปวาสิํ ปุริสํฯ สนฺตนฺตสฺส มนํ โหติ, ตงฺการุณิกํ, เอวงฺโข ภิกฺขเว สิกฺขิตพฺพํฯ

วาคฺคหเณนนิคฺคหิตํ โข ลการาเทโส โหติฯ ปุคฺคลํฯ

วาติ กสฺมา? น ตํ กมฺมํ กตํ สาธุฯ

[32, 50. เอเห อุํฯ

เอการหกาเร ปเร นิคฺคหิตํ โข ญการํ ปปฺโปติ วาฯ

ปจฺจตฺตญฺเญว ปรินิพฺพายิสฺสามิ, ตญฺเญเวตฺถ ปฏิปุจฺฉิสฺสามิ, เอวญฺหิ โว ภิกฺขเว สิกฺขิตพฺพํฯ ตญฺหิ ตสฺส มุสา โหติฯ