เมนู

ยถริว วสุธาตลญฺจ สพฺพํ, ตถริว คุณวา สุปูชนิโยฯ

นวาติ กสฺมา? ยถา เอว, ตถา เอวฯ

อิติ สนฺธิกปฺเป ทุติโย กณฺโฑฯ

ตติยกณฺฑ

[23, 26. สรา ปกติ พฺยญฺชเน

สรา โข พฺยญฺชเน ปเร ปกติรูปานิ โหนฺติฯ

มโนปุพฺพงฺคมา ธมฺมา, ปมาโท มจฺจุโน ปทํ, ติณฺโณ ปารงฺคโต อหุฯ

[24, 35. สเร กฺวจิ

สรา โข สเร ปเร กฺวจิ ปกติรูปานิ โหนฺติฯ

โก อิมํ ปถวิํ วิเจสฺสติฯ

กฺวจีติ กสฺมา? อปฺปสฺสุตายํ ปุริโสฯ

[25, 37. ทีฆํ

สรา โข พฺยญฺชเน ปเร กฺวจิ ทีฆํ ปปฺโปนฺติฯ