เมนู

[605, 647. ยถาคมมิกาโร

ยถาคมํ สพฺพธาตูหิ สพฺพปจฺจเยสุ อิการาคโม โหติฯ

การิยํ, ภวิตพฺพํ, ชนิตพฺพํ, วิทิตพฺพํ, กริตฺวา, อิจฺฉิตํฯ

[606, 642. ทธนฺตโต โย กฺวจิ

การธการนฺตาย ธาตุยา ยถาคมํ การาคโม โหติ กฺวจิ ตุนาทีสุ ปจฺจเยสุฯ

พุทฺโธ โลเก อุปฺปชฺชิตฺวา, ธมฺมํ พุชฺฌิตฺวาฯ

ทธนฺตโตติ กิมตฺถํ? ลภิตฺวาฯ

กฺวจีติ กิมตฺถํ? อุปฺปาเทตฺวาฯ

อิติ กิพฺพิธานกปฺเป จตุตฺโถ กณฺโฑฯ

ปญฺจมกณฺฑ

[607, 578. นิคฺคหิต สํโยคาทิโน

สํโยคาทิภูโต กาโร นิคฺคหิตมาปชฺชเตฯ

รงฺโค, ภงฺโค, สงฺโคฯ

[608, 623. สพฺพตฺถ เค คี

เคอิจฺเจตสฺส ธาตุสฺส คีอาเทโส โหติ สพฺพตฺถ ฐาเนฯ

คีตํ คายติฯ

[609, 484. สทสฺส สีทตฺตํ

สทอิจฺเจตสฺส ธาตุสฺส สีทาเทโส โหติ สพฺพตฺถ ฐาเนฯ

นิสินฺโน, นิสีทติฯ

[610, 627. ยชสฺส สรสฺสิ ฏฺเฐ

ยชอิจฺเจตสฺส ธาตุสฺส สรสฺส อิการาเทโส โหติ ฏฺเฐ ปเรฯ

ยิฏฺโฐ, ยิฏฺฐาฯ

ฏฺเฐติ กิมตฺถํ? ยชนํฯ

[611, 608. หจตุตฺถานมนฺตานํ โท เธ

จตุตฺถานํ ธาตฺวนฺตานํ โท อาเทโส โหติ เธ ปเรฯ

สนฺนทฺโธ, กุทฺโธ, ยุทฺโธ, สิทฺโธ, ลทฺโธ, อารทฺโธฯ

[612, 615. โฑ ฒกาเร

หจตุตฺถานํ ธาตฺวนฺตานํ โฑ อาเทโส โหติ ฒกาเร ปเรฯ

ทยฺหตีติ ทฑฺโฒ, วฑฺฒตีติ วุฑฺโฒฯ

ฒกาเรติ กิมตฺถํ? ทาโหฯ

[613, 583. คหสฺส ฆร เณ วา

คหอิจฺเจตสฺส ธาตุสฺส สพฺพสฺส ฆราเทโส โหติ วา ปจฺจเย ปเรฯ

ฆรํ, ฆรานิฯ

วาติ กิมตฺถํ? คาโหฯ

[614, 581. ทหสฺส โท ฬํ

ทหอิจฺเจตสฺส ธาตุสฺส กาโร ฬตฺตมาปชฺชเต วา ปจฺจเย ปเรฯ

ปริทหนํ ปริฬาโหฯ

วาติ กิมตฺถํ? ปริทาโหฯ

[615, 586. ธาตฺวนฺตสฺส โลโป กฺวิมฺหิ

ธาตฺวนฺตสฺส พฺยญฺชนสฺส โลโป โหติ กฺวิมฺหิ ปจฺจเย ปเรฯ

ภุเชน คจฺฉตีติ, ภุชโคฯ อุเรน คจฺฉตีติ อุรโค, ตุรโค, สงฺโขฯ

[616, 587. วิทนฺเต อู

วิทอิจฺเจตสฺส ธาตุสฺส อนฺเต อูการาคโม โหติ กฺวิมฺหิ ปจฺจเย ปเรฯ

โลกํ วิทติ ชานาตีติ โลกวิทูฯ

[617, 633. น ม ก รานมนฺตานํ นิยุตฺตตมฺหิ

การ การ การ การานํ ธาตฺวนฺตานํ โลโป น โหติ อิการยุตฺเต ปจฺจเย ปเรฯ

หนิภุํ, คมิโต, รมิโต, สกิโต, สริโต, กริตฺวาฯ

อิยุตฺตตมฺหีติ กิมตฺถํ? คโต, สโตฯ

[618, 571. น ก คตฺตํ จ ชาณฺวุมฺหิ

การ การา การ การตฺตํ นาปชฺชนฺเต ณฺวุมฺหิ ปจฺจเย ปเรฯ

ปจตีติ ปาจโก, ยชตีติ ยาชโกฯ

[619, 573. กรสฺส จ ตตฺตํ ตุสฺมิํ

กรอิจฺเจตสฺส ธาตุสฺส อนฺตสฺส การสฺส การตฺตํ โหติ ตุปจฺจเย ปเรฯ

กโรตีติ กตฺตา, กโรนฺตีติ กตฺตาโรฯ

[620, 549. ตุํ ตุน ตพฺเพสุ วา

กรอิจฺเจตสฺส ธาตุสฺส อนฺตสฺส การสฺส การตฺตํ โหติ วา ตุํ ตุน ตพฺพอิจฺเจเตสุ ปจฺจเยสุฯ

กตฺตุํ, กาตุํ, กตฺตุนฯ กาตุน, กตฺตพฺพํ, กาตพฺพํฯ

[621, 553. การิตํ วิย ณานุพนฺโธ

การานุพนฺโธ ปจฺจโย การิตํ วิย ทฏฺฐพฺโพ วาฯ

ทาโห, เทโห, วาโห, พาโห, จาโค, วาโร, จาโร, ปริกฺขาโร, ทายโก, นายโก, ลาวโก, ภาวโก, การี, ฆาตี, ทายีฯ

วาติ กิมตฺถํ? อุปกฺขโรฯ

[622, 570. อนกา ยุ ณฺวูนํ

ยุณฺวุอิจฺเจเตสํ ปจฺจยานํ อน อกอิจฺเจเต อาเทสา โหนฺติฯ

นนฺทนํ, การโกฯ

[623, 554. ก คา จ ชานํ

จ ชอิจฺเจเตสํ ธาตฺวนฺตานํ การคการาเทสา โหนฺติ ณานุพนฺเธ ปจฺจเย ปเรฯ

ปาโก, โยโคฯ

อิติ กิพฺพิธานกปฺเป ปญฺจโม กณฺโฑฯ

กิตกปฺโป นิฏฺฐิโตฯ

8. อุณาทิกปฺป

ฉฏฺฐกณฺฑ

[624, 563. กตฺตริ กิต

กตฺตุอิจฺเจตสฺมิํ อตฺเถ กิต ปจฺจยา โหนฺติฯ

การุ, การุโก, การโก, ปาจโก, กตฺตา, ชนิตา, ปจิตา, เนตาฯ

[625, 605. ภาวกมฺเมสุ กิจฺจตฺต ขตฺถา

ภาวกมฺมอิจฺเจเตสฺวตฺเถสุ กิจฺจ ตฺต ขตฺถอิจฺเจเต ปจฺจยา โหนฺติฯ

อุปสมฺปาเทตพฺพํ อุปสมฺปาทนียํ ภวตา, สยิตพฺพํ ภวตา, กตฺตพฺพํ ภวตา, โภตฺตพฺโพ โอทโน ภวตา, อสิตพฺพํ โภชนํ ภวตา, อสิตํ ภวตา, สยิตํ ภวตา, ปจิตํ ภวตา, อสิตํ อสนํ ภวตา, สยิตํ สยนํ ภวตา, ปจิโต โอทโน ภวตา, กิญฺจิสฺสโย, อีสสฺสโย, ทุสฺสโย, สุสฺสโย ภวตาฯ