เมนู

อทหนหานมิติ กิมตฺถํ? ทยฺหตีติ ทฑฺโฒ, สํสุฏฺฐุ นยฺหตีติ สนฺนทฺโธฯ

อิติ กิพฺพิธานกปฺเป ตติโย กณฺโฑฯ

จตุตฺถกณฺฑ

[590, 579. ณมฺหิรนฺชสฺส โช ภาวกรเณสุ

มฺหิ ปจฺจเย ปเร รนฺชอิจฺเจตสฺส ธาตุสฺส อนฺตภูตสฺส นฺชการสฺส โชอาเทโส โหติ ภาวกรเณสุ

รญฺชนํ ราโค, รนฺชนฺติ เอเตนาติ ราโคฯ

ภาวกรเณสูติ กิมตฺถํ? รนฺชตีติ รงฺโคฯ

[591, 544. หนสฺส ฆาโต

หนอิจฺเจตสฺส ธาตุสฺส สพฺพสฺส ฆาตาเทโส โหติ มฺหิ ปจฺจเย ปเรฯ

อุปหนตีติ อุปฆาโต, คาโว หนตีติ โคฆาตโกฯ

[592, 503. วโธ วา สพฺพตฺถ

หนอิจฺเจตสฺส ธาตุสฺส วธาเทโส โหติ วา สพฺพตฺถ ฐาเนสุฯ

หนตีติ วโธ, วธโก, อวธิ, อหนิ วาฯ

[593, 564. อาการนฺตานมาโย

อาการนฺตานํ ธาตูนํ อนฺตสฺส อาการสฺส อายาเทโส โหติ มฺหิ ปจฺจเย ปเรฯ

ททาตีติ ทายโก, ทานํ ทาตุํ สีลํ ยสฺสาติ ทานทายี, มชฺชํ ทาตุํ สีลํ ยสฺสาติ มชฺชทายี, นครํ ยาตุํ สีลํ สฺสาติ นครยายีฯ

[564, 582. ปุร สมุป ปรีหิ กโรติสฺส ข ขรา วา ตปจฺจเยสุจ

ปุร สํ อุป ปริอิจฺเจเตหิ กโรติสฺส ธาตุสฺส ข ขราเทสา โหนฺติ วา ปจฺจเย ปเร, มฺหิ จฯ

ปุเร กรียตีติ ปุรกฺขโต, สมฺมา กรียตีติ สงฺขโต, อุปคนฺตฺวา กรียตีติ อุปกฺขโต, ปริสมนฺตโต กโรตีติ ปริกฺขาโร, สํกรียตีติ สงฺขาโรฯ

วาติ กิมตฺถํ? อุปคนฺตฺวา กโรตีติ อุปกาโรฯ

[595, 637. ตเว ตุนาทีสุ กา

ตเว ตุนอิจฺเจวมาทีสุ ปจฺจเยสุ กโรติสฺส ธาตุสฺส กาอาเทโส โหติ วาฯ

กาตเว, กาตุํ, กตฺตุํ วา, กาตุน, กตฺตุน วาฯ

[596, 551. คม ขน หนาทีนํ ตุํ ตพฺพาทีสุ น

คม ขน หนอิจฺเจวมาทีนํ ธาตูนํ อนฺตสฺส กาโร โหติ วา ตุํ ตพฺพาทีสุ ปจฺจเยสุฯ

คนฺตุํ, คมิตุํ, คนฺตพฺพํ, คมิตพฺพํฯ ขนฺตุํฯ ขนิตุํ, ขนฺตพฺพํ, ขนิตพฺพํฯ หนฺตุํ, หนิตุํ, หนฺตพฺพํฯ หนิตพฺพํฯ มนฺตุํ, มนิตุํ, มนฺตพฺพํ, มนิตพฺพํฯ

อาทิคฺคหณํ กิมตฺถํ? ตุนคฺคหณตฺถํฯ คนฺตุน, ขนฺตุน, หนฺตุน, มนฺตุนฯ

[597, 641. สพฺเพหิ ตุนาทีนํ โย

สพฺเพหิ ธาตูหิ ตุนาทีนํ ปจฺจยานํ การาเทโส โหติ วาฯ

อภิวนฺทิย, อภิวนฺทิตฺวา, โอหาย, โอหิตฺวา, อุปนีย, อุปเนตฺวา, ปสฺสิย, ปสฺสิตฺวา, อุทฺทิสฺส, อุทฺทิสิตฺวา, อาทาย, อาทิยิตฺวาฯ

[598, 643. จนนฺเตหิ รจฺจํ

จการนการนฺเตหิ ธาตูหิ ตุนาทีนํ ปจฺจยานํ รจฺจาเทโส โหติ วาฯ

วิวิจฺจ, อาหจฺจ, อุหจฺจฯ

วาติ กิมตฺถํ? หนฺตฺวาฯ

[599, 644. ทิสา สฺวาน สฺวานฺตโลโป จ

ทิสอิจฺเจตาย ธาตุยา ตุนาทีนํ ปจฺจยานํ สฺวานสฺวาเทสา โหนฺติ, อนฺตโลโป จฯ

ทิสฺวาน, ทิสฺวาฯ

[600, 645. ม ห ท เภหิ มฺม ยฺห ชฺช พฺภ ทฺธา จ

ม ห ท ภ อิจฺเจวมนฺเตหิ ธาตูหิ ตุนาทีนํ ปจฺจยานํ มฺม ยฺห ชฺช พฺภ ทฺธา อาเทสา โหนฺติ วา อนฺตโลโป จฯ

อาคมฺม, อาคมิตฺวา, โอกฺกมฺมฯ โอกฺกมิตฺวา, ปคฺคยฺห, ปคฺคณฺหิตฺวา, อุปฺปชฺช, อุปฺปชฺชิตฺวา, อารพฺภ, อารภิตฺวา, อารทฺธ, อารภิตฺวาฯ

[601, 334. ตทฺธิตสมาสกิตกา นามํ วา’ ตเว ตุนาทีสุ จ

ตทฺธิตสมาสกิตกอิจฺเจวมนฺตา สทฺทานามํว ทฏฺฐพฺพา ตเว ตุน ตฺวาน ตฺวาทิปจฺจยนฺเต วชฺเชตฺวาฯ

วาสิฏฺโฐ, ปตฺตธมฺโม, กุมฺภกาโร อิจฺเจวมาทิฯ

[602, 6. ทุมฺหิ ครุ

ทุมฺหิ อกฺขเร โย ปุพฺโพ อกฺขโร, โส ครุโกว ทฏฺฐพฺโพฯ

ภิตฺวา, ฉิตฺวา, ทตฺวา, หุตฺวาฯ

[603, 7. ทีโฆ จ

ทีโฆ จ สโร ครุโกว ทฏฺฐพฺโพฯ

อาหาโร, นที, วธู, เต ธมฺมา, โอปนยิโกฯ

[604, 684. อกฺขเรหิ การ

อกฺขรตฺเถหิ อกฺขราภิเธยฺเยหิ การปจฺจโย โหติ ปโยเค สติฯ

อ เอว อกาโร, อา เอว อากาโร, ย เอว ยกาโรฯ

[605, 647. ยถาคมมิกาโร

ยถาคมํ สพฺพธาตูหิ สพฺพปจฺจเยสุ อิการาคโม โหติฯ

การิยํ, ภวิตพฺพํ, ชนิตพฺพํ, วิทิตพฺพํ, กริตฺวา, อิจฺฉิตํฯ

[606, 642. ทธนฺตโต โย กฺวจิ

การธการนฺตาย ธาตุยา ยถาคมํ การาคโม โหติ กฺวจิ ตุนาทีสุ ปจฺจเยสุฯ

พุทฺโธ โลเก อุปฺปชฺชิตฺวา, ธมฺมํ พุชฺฌิตฺวาฯ

ทธนฺตโตติ กิมตฺถํ? ลภิตฺวาฯ

กฺวจีติ กิมตฺถํ? อุปฺปาเทตฺวาฯ

อิติ กิพฺพิธานกปฺเป จตุตฺโถ กณฺโฑฯ

ปญฺจมกณฺฑ

[607, 578. นิคฺคหิต สํโยคาทิโน

สํโยคาทิภูโต กาโร นิคฺคหิตมาปชฺชเตฯ

รงฺโค, ภงฺโค, สงฺโคฯ