เมนู

กตฺตริ ตาว – รชํ หรตีติ รโชหรณํ โตยํฯ

กรเณ ตาว – กโรติ เตนาติ กรณํฯ

ปเทเส ตาว – ติฏฺฐนฺติ ตสฺมินฺติ ฐานํฯ เอวํ สพฺพตฺถ โยเชตพฺพาฯ

[549, 550. รหาทิโต ณ

การการาทฺยนฺเตหิ ธาตูหิ อนาเทสสฺส สฺส โณ โหติฯ

กโรติ เตนาติ กรณํ, ปูเรติ เตนาติ ปูรณํฯ คหณียํ เตนาติ คหณํฯ เอวมญฺเญปิ โยเชตพฺพาฯ

อิติ กิพฺพิธานกปฺเป ปฐโม กณฺโฑฯ

ทุติยกณฺฑ

[550, 546. ณาทโย เตกาลิกา

ณาทโย ปจฺจยา ยุปจฺจยนฺตา เตกาลิกาติ เวทิตพฺพาฯ

กุมฺภํ กโรติ อกาสิ กริสฺสตีติ กุมฺภกาโร, กโรติ อกาสิ กริสฺสติ เตนาติ กรณํฯ เอวมญฺเญปิ โยเชตพฺพาฯ

[551, 598. สญฺญายํ ทา ธาโต อิ

สญฺญายมภิเธยฺยายํ ทา ธาโต อิปจฺจโย โหติฯ

ปฐมํ อาทียตีติ อาทิ, อุทกํ ทธาตีติ อุทมิ, มโหทกานิ ทธาตีติ มโหทธิ, วาลานิ ทธาติ ตสฺมินฺติ วาลธิ, สมฺมา ธียตีติ สนฺธิฯ

[552, 609. ติ กิต จาสิฏฺเฐ

สญฺญายมภิเธยฺยายํ สพฺพธาตูหิ ติปจฺจโย โหติ, กิต จ อาสิฏฺเฐฯ

ชิโน ชนํ พุชฺฌตูติ ชินพุทฺธิ, ธนํ อสฺส ภวตูติ ธนภูติ, ภวตูติ ภูโต, ภวตูติ ภาโว, ธมฺโม ชนํ ททาตูติ ธมฺมทินฺโน, วฑฺฒตูติ วฑฺฒมาโนฯ เอวมญฺเญปิ โยเชตพฺพาฯ

[553, 599. อิตฺถิยมติยโว วา

อิตฺถิยมภิเธยฺยายํ สพฺพธาตูหิ การ ติ ยุ อิจฺเจเต ปจฺจยา โหนฺติ วาฯ

ชีรตีตี ชรา, มญฺญตีติ มติ, เจตยตีติ เจตนา, เวทยตีติ เวทนาฯ เอวมญฺเญปิ โยเชตพฺพาฯ

[554, 601. กรโต ริริย

กรโต อิตฺถิยมนิตฺถิยํ วา อภิเขยฺยายํ ริรียปจฺจโย โหติ วาฯ

กตฺตพฺพา กิริยา, กรณียํ กิริยํฯ

[555, 612. อตีเต ตตวนฺตุตาวี

อตีเต กาเล สพฺพธาตูหิ ตตวนฺตุตาวีอิจฺเจเต ปจฺจยา โหนฺติฯ

หุโต, หุตวา, หุตาวีฯ วุสิโต, วุสิตวา, วุสิตาวีฯ ภุตฺโต, ภุตฺตวา, ภุตฺตาวีฯ

[556, 622. ภาวกมฺเมสุ ต

ภาวกมฺเมสุ อตีเต กาเล ปจฺจโย โหติ สพฺพธาตูหิฯ

ภาเว ตาว – ตสฺส คีตํ, นจฺจํ, นฏฺฏํ, หสิตํฯ

กมฺมนิ ตาว – เตน ภาสิตํ, เทสิตํฯ

[557, 606. พุธคมาทิตฺเถ กตฺตริ

พุธคมุอิจฺเจวมาทีหิ ธาตูหิ ตทตฺเถ คมฺยมาเน ปจฺจโย โหติ กตฺตริ สพฺพกาเลฯ

สพฺเพ สงฺขตาสงฺขเต ธมฺเม พุชฺฌติ อพุชฺฌิ พุชฺฌิสฺสตีติ พุทฺโธ, สรณงฺคโต, สมถงฺคโต, อมถงฺคโต, ชานาติ อชานิ ชานิสฺสตีติ ญาโต, อิจฺเจวมาทิฯ

[558, 602. ชิโต อิน สพฺพตฺถ

ชิอิจฺเจตาย ธาตุยา อินปจฺจโย โหติ สพฺพกาเล กตฺตริฯ

ปาปเก อกุสเล ธมฺเม ชินาติ อชินิ ชินิสฺสตีติ ชิโนฯ

[556, 603. สุปโต จ

สุปอิจฺเจตาย ธาตุยา อินปจฺจโย โหติ กตฺตริ, ภาเว จฯ

สุปตีติ สุปินํ, สุปียเต สุปินํฯ

[560, 604. อีสํทุสูหิ ข

อีสํทุสุสทฺทาทีหิ สพฺพธาตูหิ ปจฺจโย โหติฯ

อีสสฺสโย, ทุสฺสโย, สุสฺสโย ภวตา, อีสกฺกรํ, ทุกฺกรํ, สุกรํ, ภวตาฯ

[561, 636. อิจฺฉตฺเถสุ สมานกตฺตุเกสุ ตเว ตุํ วา

อิจฺฉตฺเถสุ สมานกตฺตุเกสุ สพฺพธาตูหิตเวตุํอิจฺเจเต ปจฺจยา โหนฺติ สพฺพกาเล กตฺตริฯ

ปุญฺญานิ กาตเว, สทฺธมฺมํ โสตุ มิจฺฉติฯ

[562, 638. อรหสกฺกาทีสุ จ

อรหสกฺกาทีสุ จ อตฺเถสุ สพฺพธาตูหิ ตุํปจฺจโย โหติฯ

โก ตํ นินฺทิตุมรหติ, สกฺกา เชตุํ ธเนน วาฯ เอวมญฺเญปิ โยเชตพฺพาฯ

[563, 639. ปตฺตวจเน อลมตฺเถสุ จ

ปตฺตวจเน อลมตฺเถสุ สพฺพธาตูหิ ตุํปจฺจโย โหติฯ

อลเมว ทานานิ ทาตุํ, อลเมว ปุญฺญานิ กาตุํฯ

[564, 640. ปุพฺพกาเล’ กกตฺตุกานํ ตุน ตฺวาน ตฺวาวา

ปุพฺพกาเล เอกกตฺตุกานํ ธาตูนํ ตุนตฺวาน ตฺวาอิจฺเจเต ปจฺจยา โหนฺติ วาฯ

กาตุน กมฺมํ คจฺฉติ, อกาตุน ปุญฺญํ กิลิสฺสติ, สตฺตา สุตฺวาน ธมฺมํ โมทนฺติ, ริปุํ ชิตฺวาน วสติ, ธมฺมํ สุตฺวาน’สฺส เอตทโหสิ, อิโต สุตฺวาน อมุตฺร กถยนฺติ, สุตฺวา ชานิสฺสามฯ เอวํ สพฺพตฺถ โยเชตพฺพาฯ

[565, 646. วตฺตมาเน มานนฺตา

วตฺตมาเน กาเล สพฺพธาตูหิ มานอนฺตอิจฺเจเต ปจฺจยา โหนฺติฯ

สรมาโน โรทติฯ คจฺฉนฺโต คณฺหาติฯ

[566, 574. สาสาทีหิ รตฺถุ

สาสอิจฺเจวมาทีหิ ธาตูหิ รตฺถุปจฺจโย โหติฯ

สาสตีติ สตฺถา, สาสติ หิํสตีติ วา สตฺถาฯ

[567, 575. ปาติโตริตุ

ปาอิจฺเจตาย ธาตุยา ริตุปจฺจโย โหติฯ

ปาติ ปุตฺตนฺติ ปิตาฯ

[568, 576. มานาทีหิ ราตุ

มานอิจฺเจวมาทีหิ ธาตูหิ ราตุปจฺจโย โหติ, ริตุ ปจฺจโย จฯ

ธมฺเมน ปุตฺตํ มาเนตีติ มาตา, ปุพฺเพ ภาสตีติ ภาตา, มาตาปิตูหิ ธารียตีติ ธีตาฯ

[569, 610. อาคมา ตุโก

อาอิจฺจาทิมฺหา คมิโต ตุกปจฺจโย โหติฯ

อาคจฺฉตีติ อาคนฺตุโก, ภิกฺขุฯ

[570, 611. ภพฺเพ อิก

คมุอิจฺเจตมฺหา ธาตุมฺหา อิกปจฺจโย โหติ ภพฺเพฯ คมิสฺสติ คนฺตุํ ภพฺโพติ คมิโก, ภิกฺขุฯ

อิติ กิพฺพิธานกปฺเป ทุติโย กณฺโฑฯ

ตติยกณฺฑ

[571, 624. ปจฺจยาทนิฏฺฐา นิปาตนา สิชฺฌนฺติ,

สงฺขฺยานามสมาสตทฺธิตาขฺยาตกิตกปฺปมฺหิ สปฺปจฺจยา เย สทฺทา อนิฏฺฐงฺคตา, เต สาธเนน นิรกฺขิตฺวา สเกหิ สเกหิ นาเมหิ นิปาตนา สิชฺฌนฺติฯ