[246, 73. อากาโร วาฯ

อากาโร รสฺสมาปชฺชเต วา เค ปเรฯ

โภ ราช, โภ ราชา, โภ อตฺต, โภ อตฺตา, โภ สข, โภ สขา, โภ สตฺถ, โภ สตฺถาฯ

อิติ นามกปฺเป จตุตฺโถ กณฺโฑฯ

ปญฺจมกณฺฑ

[247, 261. ตฺวาทโย วิภตฺติสญฺญาโยฯ

โตอาทิ เยสํ ปจฺจยานํ, เต โหนฺติ ตฺวาทโยฯ เต ปจฺจยา ตฺวาทโย วิภตฺติสญฺญาว ทฏฺฐพฺพาฯ

สพฺพโต, ยโต, ตโต, กุโต, อโต, อิโต, สพฺพทา, ยทา, ตทา, กทา, อิธ, อิทานิฯ

[248, 260. กฺวจิ โต ปญฺจมฺยตฺเถฯ

กฺวจิ โตปจฺจโย โหติ ปญฺจมฺยตฺเถฯ

สพฺพโต, ยโต, ตโต, กุโต, อโต, อิโตฯ

กฺวจีติ กิมตฺถํ? สพฺพสฺมา, อิมสฺมาฯ

[249, 266. ตฺร ถ สตฺตมิยา สพฺพนาเมหิฯ

ตฺรถอิจฺเจเต ปจฺจยา โหนฺติ สตฺตมฺยตฺเถ สพฺพ นาเมหิฯ

สพฺพตฺร, สพฺพตฺถ, ยตฺร, ยตฺถ, ตตฺร, ตตฺถฯ

[250, 268. สพฺพโต ธิฯ

สพฺพอิจฺเจตสฺมา ธิปจฺจโย โหติ กฺวจิ สตฺตมฺยตฺเถฯ สพฺพธิ, สพฺพสฺมิํฯ

[251, 269. กิํ สฺมา โวฯ

กิมิจฺเจตสฺมา วปจฺจโย โหติ สตฺตมฺยตฺเถฯ

กฺว คโตสิ ตฺว เทวานํปิยติสฺสฯ

[252, 271. หิํ หํ หิญฺจนํฯ

กิมิจฺเจตสฺมา หิํหํหิญฺจนํอิจฺเจเต ปจฺจยา โหนฺติ สตฺตมฺยตฺเถฯ

กุหิํ, กุลํ, กุหิญฺจนํฯ

[253, 273. ตมฺหา จฯ

ตมฺหา จ หิ หํอิจฺเจเต ปจฺจยา โหนฺติ สตฺตมฺยตฺเถฯ ตหิํ, ตหํฯ

จคฺคหณํ หิญฺจนคฺคหณนิวตฺตนตฺถํฯ

[254, 274. อิมสฺมา ห ธา จฯ

อิมสฺมา หธอิจฺเจเต ปจฺจยา โหนฺติ สตฺตมฺยตฺเถฯ อิห, อิธฯ

จคฺคหณมวธารณตฺถํฯ

[255, 275. ยโต หิํฯ

ตสฺมา ยโต หิํปจฺจโย โหติ สตฺตมฺยตฺเถฯ ยหิํฯ

[256, 0. กาเลฯ

‘‘กาเล’’อิจฺเจตํ อธิการตฺถํ เวทิตพฺพํฯ

[257, 279. กิํสพฺพญฺเญกยกุหิทาทาจนํฯ

กิํ สพฺพอญฺญ เอก ย กุอิจฺเจเตหิ ทา ทาจนํอิจฺเจเต ปจฺจยา โหนฺติ กาเล สตฺตมฺยตฺเถฯ

กทา, สพฺพทา, อญฺญทา, เอกทา, ยทา, กุทาจนํฯ

[258, 278. ตมฺหา ทานิ จฯ

ตอิจฺเจตสฺมา ทานิ ทาอิจฺเจเต ปจฺจยา โหนฺติ, กาเล สตฺตมฺยตฺเถฯ

ตทานิ , ตทาฯ

จคฺคหณมนุกฑฺฒนตฺถํฯ

[259, 279. อิมสฺมา รหิ ธุนา ทานิ จฯ

อิมสฺมา รหิ ธุนา ทานิอิจฺเจเต ปจฺจยา โหนฺติ กาเล สตฺตมฺยตฺเถฯ

เตรหิ, อธุนา, อิทานิฯ

จคฺคหณมนุกฑฺฒนตฺถํฯ

[260, 277. สพฺพสฺส โส ทามฺหิ วาฯ

สพฺพอิจฺเจตสฺส สการาเทโส โหติ วา ทามฺหิ ปจฺจเย ปเรฯ

สทา, สพฺพทาฯ

[261, 369. อวณฺโณ เย โลปญฺจฯ

อวณฺโณ เย ปจฺจเย ปเร โลปมาปชฺชเตฯ

พาหุสฺสจฺจํ, ปณฺฑิจฺจํ, เวปุลฺลํ, การุญฺญํ, โกสลฺลํ, สามญฺญํ, โสหชฺชํฯ

[262, 391. วุฑฺฒสฺส โช อิยิฏฺเฐสุฯ

สพฺพสฺเสว วุฑฺฒสทฺทสฺส โชอาเทโส โหติ อิย อิฏฺฐอิจฺเจเตสุ ปจฺจเยสุฯ

เชยฺโย , เชฏฺโฐฯ

[263, 392. ปสตฺถสฺส โส จฯ

สพฺพสฺเสว ปสตฺถสทฺทสฺส โสอาเทโส โหติ, ชาเทโส จ อิยอิฏฺฐอิจฺเจเตสุ ปจฺจเยสุฯ

เสยฺโย, เสฏฺโฐ, เชยฺโย, เชฏฺโฐฯ

[264, 393. อนฺติกสฺส เนโทฯ

สพฺพสฺส อนฺติกสทฺทสฺส เนทาเทโส โหติ อิย อิฏฺฐอิจฺเจเตสุ ปจฺจเยสุฯ

เนทิโย, เนทิฏฺโฐฯ

[265, 394. พาฬฺหสฺส สาโธฯ

สพฺพสฺส พาฬฺหสทฺทสฺส สาธาเทโส โหติ อิย อิฏฺฐอิจฺเจเตสุ ปจฺจเยสุฯ

สาธิโย, สาธิฏฺโฐฯ

[266, 395. อปฺปสฺส กณฯ

สพฺพสฺส อปฺปสทฺทสฺส กณ อาเทโส โหติ อิย อิฏฺฐอิจฺเจเตสุ ปจฺจเยสุฯ

กณิโย, กณิฏฺโฐฯ

[267, 396. ยุวานญฺจ ฯ

สพฺพสฺส ยุวสทฺทสฺส กณ อาเทโส โหติ อิย อิฏฺฐอิจฺเจเตสุ ปจฺจเยสุฯ

กนิโย, กนิฏฺโฐฯ

จคฺคหณมนุกฑฺฒนตฺถํฯ

[268, 397. วนฺตุมนฺตุ วีนญฺจ โลโปฯ

วนฺตุมนฺตุวีอิจฺเจเตสํ ปจฺจยานํ โลโป โหติ อิยอิฏฺฐอิจฺเจเตสุ ปจฺจเยสุฯ

คุณิโย, คุณิฏฺโฐ, สติโย, สติฏฺโฐ, เมธิโย, เมธิฏฺโฐฯ

[269, 401. ยวตํ ต ล ณ ทการานํ พฺยญฺชนานิ จ ล ญ ชการตฺตํฯ

ยการวนฺตานํ ต ล ณ ทการานํ พฺยญฺชนานิ จ ล ญ ชการตฺตมาปชฺชนฺเต ยถาสงฺขฺยํฯ

พาหุสฺสจฺจํ, ปณฺฑิจฺจํ, เวปุลฺลํ, การุญฺญํ, โกสลฺลํ, เนปุญฺญํ, สามญฺญํ, โสหชฺชํฯ

ย ว ตมิติ กิมตฺถํ? ติณทลํฯ

ต ล ณ ทการานมิติ กิมตฺถํ? อาลสฺยํ, อาโรคฺยํฯ

พฺยญฺชนานมิติ กิมตฺถํ? มจฺจุนาฯ

การคฺคหณํ กิมตฺถํ? ยการสฺส มการาเทสญาปนตฺถํฯ โอปมฺมํฯ

[270, 120. อมฺห ตุมฺหนฺตุราช พฺรหฺมตฺต สขสตฺถุ ปิตาทีหิสฺมา นาวฯ

อมฺห ตุมฺหนฺตุราช พฺรหฺม อตฺต สข สตฺถุ ปิตุอิจฺเจวมาทีหิ สฺมาวจนํ นาว ทฏฺฐพฺพํฯ

มยา, ตยา, คุณวตา, รญฺญา, พฺรหฺมุนา, อตฺตนา, สขินา, สตฺถารา, ปิตรา, มาตรา, ภาตรา, ธีตรา, กตฺตารา, วตฺตาราฯ

เอเตหีติ กิมตฺถํ? ปุริสาฯ

อิติ นามกปฺเป ปญฺจโม กณฺโฑ

นามกปฺโป นิฏฺฐิโตฯ

3. การกกปฺป

ฉฏฺฐกณฺฑ

[271, 88, 308. ยสฺมา ทเปติ ภยมาทตฺเต วา ตทปาทานํฯ

ยสฺมา วา อเปติ, ยสฺมา วา ภยํ ชายเต, ยสฺมา วา อาทตฺเต, ตํ การกํ อปาทานสญฺญํ โหติฯ

ตํ ยถา? คามา อเปนฺติ มุนโย, นครา นิคฺคโต ราชา, โจรา ภยํ ชายเต, อาจริยุปชฺฌาเยหิ สิกฺขํ คณฺหาติ สิสฺโสฯ

อปาทานมิจฺจเนน กฺวตฺโถ? อปาทาเน ปญฺจมีฯ

[272, 309. ธาตุนา มานมุปสคฺคโยคาทฺวีสฺวปิ จฯ

ธาตุนามานํ ปโยเค จ อุปสคฺคโยคาทีสฺวปิ จ ตํ การกํ อปาทานสญฺญํ โหติฯ

ธาตูนํ ปโยเค ตาว ชิอิจฺเจตสฺส ธาตุสฺส ปราปุพฺพสฺส ปโยเค โย อสโห, โส อปาทานสญฺโญ โหติฯ

ตํ ยถา? พุทฺธสฺมา ปราเชนฺติ อญฺญติตฺถิยาฯ