เมนู

อสิมฺหิคฺคหณํ โตมฺหิ ปเร อิการาเทสญาปนตฺถํฯ มาติโต, ปิติโต, ภาติโต, ทุหิติโตฯ

[210, 239. ตยาตยีนํ ตกาโร ตฺวตฺตํ วา

ตยาตยิ อิจฺเจเตสํ กาโร ตฺวตฺตมาปชฺชเต วาฯ

ตฺวยา, ตยา, ตฺวยิ, ตยิฯ

เอเตสมิติ กิมตฺถํ? ตุวํ, ตวํฯ

อิติ นาธกปฺเป ตติโย กณฺโฑฯ

จตุตฺถกณฺฑ

[211, 126. อตฺตนฺโต หิสฺมิ’มนตฺตํ

ตสฺส อตฺตโน อนฺโต อนตฺตมาปชฺชเต หิมฺหิ วิภตฺติมฺหิฯ

อตฺตเนหิ, อตฺตเนภิฯ

อตฺตนฺโตติ กิมตฺถํ? ราเชหิ, ราเชภิฯ

หิสฺมินฺติ กิมตฺถํ? อตฺตโนฯ

อนตฺตมิติภาวนิทฺเทเสน อตฺตสทฺทสฺส สกาเทโส โหติ สพฺพาสุ วิภตฺตีสุฯ สโก, สกา, สกํ, สเกฯ

[212, 329. ตโต สฺมิํนิ

ตโต อตฺตโต สฺมิํวจนสฺส นิ โหติฯ อตฺตนิฯ

[213, 127. สสฺส โน

ตโตอตฺตโต สฺส วิภตฺติสฺส โน โหติ, อตฺตโนฯ

[214, 128. สฺมา นา

ตโต อตฺตโต สฺมา วจนสฺส นา โหติฯ อตฺตนาฯ

ปุน ตโตคหเณน ตสฺส อตฺตโน การสฺเสว กาโร โหติ สพฺเพสุ วจเนสุฯ อตฺรโช, อตฺรชํฯ

[215, 141. ฌลโต จ

ฌลอิจฺเจเตหิ สฺมาวจนสฺส นา โหติฯ

อคฺคินา, ทณฺฑินา, ภิกฺขุนา, สยมฺภุนาฯ

สฺมาติ กิมตฺถํ? อคฺคโย, มุนโย, อิสโยฯ

[216, 180. ฆปโต สฺมิํ ยํ วา

ตสฺมา ฆปโต สฺมิํ วจนสฺส ยํ โหติ วาฯ

กญฺญายํ , กญฺญายฯ รตฺติยํ, รตฺติยาฯ อิตฺถิยํ, อิตฺถิยาฯ ยาคุยํ, ยาคุยาฯ วขุยํ, วธุยาฯ

[217, 199. โยนํ นิ นปุํสเกหิ

สพฺเพสํ โยนํ นิ โหติ วา นปุํสเกหิ ลิงฺเคหิฯ

อฏฺฐีนิ, อฏฺฐี, อายูนิ, อายูฯ

นปุํสเกหีติ กิมตฺถํ? อิตฺถิโยฯ

[218, 196. อโต นิจฺจํ

การนฺเตหิ นปุํสกลิงฺเคหิ โยนํ นิ โหติ นิจฺจํฯ

ยานิ, ยานิฯ ตานิ, ตานิฯ กานิ, กานิฯ ภยานิ, ภยานิฯ รูปานิ, รูปานิฯ

[219, 196. สิํ

การนฺเตหิ นปุํสกลิงฺเคหิ สิวจนสฺส อํ โหติ นิจฺจํฯ

สพฺพํ, ยํ, ตํ, กํ, รูปํฯ

[220, 74. เสสโต โลปํ ปสิปิ

ตโต นิทฺทิฏฺเฐหิ ลิเคหิ เสสขตา คสิอิจฺเจเต โลปมาปชฺชนฺเตฯ

โภติ อิตฺถิ, สา อิตฺถีฯ โภ ทณฺฑิ, โส ทณฺฑีฯ โภ สตฺถ, โส สตฺถาฯ โภ ราช, โส ราชาฯ เสสโตติ กิมตฺถํ? ปุริโส คจฺฉติฯ

คสีติ กิมตฺถํ? อิตฺถิยา, สตฺถุสฺสฯ

[221, 282. สพฺพาสมาวุโส ปสคฺคนิปาตาทีหิ จ

สพฺพาสํ วิภตฺตีนํ เอกวจนพหุวจนานํ ปฐมา ทุติยาตติยา จตุตฺถี ปญฺจมี ฉฏฺฐี สตฺตมีนํ โลโป โหติ, อาวุโส อุปสคฺค นิปาตอิจฺเจวมาทีหิ จ,

ตฺวํ ปนาวุโส, ตุมฺเห ปนาวุโส, ปทโส ธมฺมํ วาเจยฺย, วิหารํ สฺเว อุปคจฺเฉยฺยฯ

ป, ปรา, นิ, นี, อุ, ทุ, สํ, วิ, อว, อนุ, ปริ, อธิ, อภิ, ปติ, สุ, อา, อติ, อปิ, อป, อุป, ปหาโร, ปราภโว, นิหาโร, นีหาโร, อุหาโร, ทุหาโร, สํหาโร, วิหาโร, อวหาโร, อนุหาโร, ปริหาโร, อธิหาโร, อภิหาโร, ปติหาโร, สุหาโร, อาหาโร, อติหาโร, อปิหาโร, อปหาโร, อุปหาโร, เอวํ วีสติ อุปสคฺเคหิ จฯ

ยถา, ตถา, เอวํ, ขลุ, โข, ตตฺร, อโถ, อถ, หิ, ตุ จ, วา, โว, หํ, อภํ, อลํ, เอว, โห อโห, เห , อเห, เร, อเร, เอวมาทีหิ นิปาเตหิ จ โยเชตพฺพานิฯ

จคฺคหณม วธารณตฺถํฯ

[222, 342. ปุมสฺส ลิงฺคาทีสุ สมาเสสุ

ปุมอิจฺเจตสฺส อนฺโต โลปมาปชฺชเต ลิงฺคาทีสุ ปรปเทสุ สมาเสสุฯ

ปุลฺลิงฺคํ, ปุมฺภาโว, ปุงฺโกกิโลฯ

ปุมสฺเสติ กิมตฺถํ? อิตฺถิลิงฺคํ, นปุํสกลิงฺคํฯ

ลิงฺคาทีสูติ กิมตฺถํ? ปุมิตฺถีฯ

สมาเสสูติ กิมตฺถํ? ปุมสฺส ลิงฺคํฯ

[223, 188. อํ ยมีโต ปสญฺญโต

อํ วจนสฺส ยํ โหติ วา อีโต ปสญฺญโตฯ

อิตฺถิยํ, อิตฺถิํฯ

ปสญฺญโตติ กิมตฺถํ? ทณฺฑินํ, โภคินํฯ

มิติ กิมตฺถํ? อิตฺถีหิฯ

[224, 153. นํ ฌโต กตรสฺสา

ตสฺมา โต กตรสฺสา อํ วจนสฺส นํ โหติฯ

ทณฺฑินํ , โภคินํฯ

ฌโตติ กิมตฺถํ? เวสฺสภุํฯ

กตรสฺสาติ กิมตฺถํ? กุจฺฉิํฯ

[225, 151. โยนํ โน

สพฺเพสํ โยนํ โต กตรสฺสา โน โหติฯ

ทณฺฑิโน โภคิโน, เห ทณฺฑิโน, เห โภคิโนฯ

กตรสฺสาติ กิมตฺถํ? อคฺคโย, มุนโย, อิสโยฯ

ฌโตติ กิมตฺถํ? สยมฺภุโนฯ

โยนนฺติ กิมตฺถํ? ทณฺฑินา, โภคินาฯ

[226, 154. สฺมิํนิ

ตสฺมา โต กตรสฺสา สฺมิํวจนสฺส นิอาเท โส โหติฯ

ทณฺฑินิ, โภคินิฯ

กตรสฺสาติ กิมตฺถํ? พฺยาธิมฺหิฯ

[227, 270. กิสฺส กเวจ

กิมิจฺเจตสฺส โก จ โหติ ปจฺจเย ปเรฯ

กฺว คโตสิ ตฺวํ เทวานํ ปิยติสฺสฯ

จคฺคหเณน อวปจฺจเย ปเรปิ โก จ โหติฯ โก ตํนินฺทิตุ มรหติ, กถํ โพธยิตุํ ธมฺมํฯ

เวติ กิมตฺถํ? กุโต อาคโตสิ ตฺวํฯ

[228, 272. กุหิํ หํ สุ จ

กิมิจฺเจตสฺส กุ โหติ หิํ หํอิจฺเจเตสุ จฯ กุหิํ คจฺฉสิ, กุลํ คจฺฉสิฯ

จคฺคหเณน หิญฺจนํทาจนํ ปจฺจเยสุ ปเรสุ อญฺญตฺถาปิ กุ โหติฯ กุหิญฺจนํ, กุทาจนํฯ

[229, 226. เสเสสุ จ

กิมิจฺเจตสฺส โก โหติ เสเสสุ วิภตฺติปจฺจเยสุ ปเรสุฯ

โก ปกาโร กถํ, กํ ปการํ กถํฯ

จคฺคหณมนุกฑฺฒนตฺถํฯ

[230, 262. ตฺรโภเถสุ จ

กิมิจฺเจตสฺส กุ โหติ ตฺรโตถ อิจฺเจเตสุ จฯ

กุตฺร, กุโต, กุตฺถฯ

จคฺคหณมนุกฑฺฒนตฺถํ,

[231, 263. สพฺพสฺเสตสฺส , กาโร วา

สพฺพสฺส เอตสทฺทสฺส กาโร โหติ วา โตถอิจฺเจเตสุฯ

อโต, อตฺถ, เอตฺโต, เอตฺถฯ

[232, 267. ตฺเร นิจฺจํ

สพฺพสฺส เอตสทฺทสฺส กาโร โหติ นิจฺจํ ตฺรปจฺจเย ปเรฯ

อตฺรฯ

[233, 264. เอ โตเถสุ จ

สพฺพสฺส เอตสทฺทสฺส เอกาโร โหติ วา โตถอิจฺเจเตสุฯ

เอตฺโต, อโต, เอตฺถ, อตฺถฯ

[234, 265. อิมสฺสิ ถํ ทานิ ห โต เธสุ จ

อิมสทฺทสฺส สพฺพสฺเสว อิกาโร โหติ ถํ ทานิหโต ธอิจฺเจเตสุฯ

อิตฺถํ, อิทานิ, อิห, อิโต, อิธฯ

[235, 281. อธุนามฺหิ

อิมสทฺทสฺส สพฺพสฺเสว กาโร โหติ ธุนามฺหิ ปจฺจเย ปเรฯ

อธุนาฯ

จคฺคหณมวธารณตฺถํฯ

[236, 280. เอต รหิมฺหิ

สพฺพสฺเสว อิมสทฺทสฺส เอตาเทโส โหติ รหิมฺหิ ปจฺจเย ปเรฯ

เอตรหิฯ

[237, 176. อิตฺถียโต อาปจฺจโย

อิตฺถิยํ วตฺตมานาย การโต อาปจฺจโย โหติฯ

สพฺพา, ยา, สา, กาฯ กตราฯ

[238, 187. นทาทิโต วา อี

นทาทิโต วาอนทาทิโตวา อิตฺถิยํ วตฺตมานาย อีปจฺจโย โหติฯ

นที, มหี, กุมารี, ตรุณี, สขี, อิตฺถีฯ

[239, 190. ณว ณิก เณยฺย ณ นฺตุหิ

ณว ณิก เณยฺย ณ นฺตุอิจฺเจเตหิ อิตฺถิยํ วตฺตมาเนหิ อีปจฺจโย โหติฯ

มาณวี, ปณฺฑวี, นาวิกี, เวนเตยฺยี, กุนฺเตยฺยี, โคตมี, คุณวตี, สามาวตีฯ

[240, 193. ปติ ภิกฺขุราชีการนฺเตหิ อินี

ปติ ภิกฺขุ ราชีการนฺเตหิ อิตฺถิยํ วตฺตมาเนหิ อินีปจฺจโย โหติฯ

คหปตานี, ภิกฺขุนี, ราชินี, หตฺถินี, ทณฺฑินี, เมธาวินี, ตปสฺสินีฯ

[241, 191. นฺตุสฺส ตมีกาเร

สพฺพสฺเสว นฺตุปจฺจยสฺส กาโร โหติ วา อีกาเร ปเรฯ

คุณวตี, คุณวนฺตี, กุลวตี, กุลวนฺตี, สติมตีฯ สติมนฺตี, มหตี, มหนฺตี, โคตฺตมตี, โคตฺตมนฺตีฯ

[242, 192. ภวโต โภโต

สพฺพสฺเสว ภวนฺตสทฺทสฺส โภตาเทโส โหติ อีกาเร อิตฺถิคเต ปเรฯ

โภติ อยฺเย, โภติ กญฺเญ, โภติ ขราทิเยฯ

[243, 110. โภเค ตุ

สพฺพสฺเสว ภวนฺตสทฺทสฺส โภอาเทโส โหติ เค ปเรฯ

โภ ปุริส, โภ อคฺคิ, โภ ราช, โภ สตฺถ, โภ ทณฺฑิ, โภ สยมฺภุฯ

เคติ กิมตฺถํ? ภวตา, ภวํฯ

ตุคฺคหเณน อญฺญสฺมิมฺปิ วจเน สพฺพสฺส ภวนฺตสทฺทสฺส โภนฺต ภนฺเต โภนฺโต ภทฺเท โภตา โภ โตอิจฺเจเต อาเทสา โหนฺติฯ

โภนฺต, ภนฺเต, โภนฺโต, ภทฺเท, โภตา, โภโตฯ

[244, 72. อการปิตาทฺยนฺตานมา

กาโร จ ปิตาทีนมนฺโต จ อตฺตมาปชฺชเต เค ปเรฯ

โภ ปุริสา, โภ ราชา, โภ ปิตา, โภ มาตา, โภ สตฺถาฯ

[245, 152. ฌลปา รสฺสํ

ฌลปอิจฺเจเต รสฺสมาปชฺชนฺเต เค ปเรฯ

โภ ทณฺฑิ, โภ สยมฺภุ, โภติ อิตฺถิ, โภติวธุ,

[246, 73. อากาโร วา

อากาโร รสฺสมาปชฺชเต วา เค ปเรฯ

โภ ราช, โภ ราชา, โภ อตฺต, โภ อตฺตา, โภ สข, โภ สขา, โภ สตฺถ, โภ สตฺถาฯ

อิติ นามกปฺเป จตุตฺโถ กณฺโฑฯ

ปญฺจมกณฺฑ

[247, 261. ตฺวาทโย วิภตฺติสญฺญาโย

โตอาทิ เยสํ ปจฺจยานํ, เต โหนฺติ ตฺวาทโยฯ เต ปจฺจยา ตฺวาทโย วิภตฺติสญฺญาว ทฏฺฐพฺพาฯ

สพฺพโต, ยโต, ตโต, กุโต, อโต, อิโต, สพฺพทา, ยทา, ตทา, กทา, อิธ, อิทานิฯ

[248, 260. กฺวจิ โต ปญฺจมฺยตฺเถ

กฺวจิ โตปจฺจโย โหติ ปญฺจมฺยตฺเถฯ

สพฺพโต, ยโต, ตโต, กุโต, อโต, อิโตฯ

กฺวจีติ กิมตฺถํ? สพฺพสฺมา, อิมสฺมาฯ