เมนู

ตตฺถ เจติยฐานมฺหิ, สสงฺโฆว นิสีทิย;

สมาธิํ อปฺปยี นาโถ, ฐานาคารวปตฺติยาฯ

[80]

ตโต วุฏฺฐาย ฐานมฺหา, ฐานาฐาเนสุ โกวิโท;

มหาเมฆวนาราม-ฐานมาค มหามุนิฯ

[81]

มหาโพธิฐิตฐาเน, นิสีทิตฺวา สสาวโก;

สมาธิํ อปฺปยี นาโถ, มหาถูปฐิเต ตถาฯ

[82]

ถูปารามมฺหิ ถูปสฺส, ฐิตฐาเน ตเถว จ;

สมาธิโต’ถ วุฏฺฐาย, สิลาเจติยฐานโคฯ

[83]

สหาคเต เทวคโณ, คณี สมนุสาสิย;

ตโต เชตวนํ พุทฺโธ, พุทฺธสพฺพตฺถโก อคาฯ

[84]

เอวํ ลงฺกาย นาโถ, หิตมมิตมตี อายติํ เปกฺขมาโน;

ตสฺมิํ กาลมฺหิ ลํกาสุรภุชคคณาทีนมตฺถญฺจ ปสฺสํ;

อาคา ติกฺขตฺตุเมตํ อติวิปุลทโย โลกทีโป สุทีปํ;

ทีโป เตนายมาสิ สุชนพหุมโน ธมฺมทีปาว ภาสีติฯ

กลฺยาณาคมนํ

สุชนปฺปสาทสํเวคตฺถาย กเต มหาวํเส

ตถาคตาภิคมนํ นาม

ปฐโม ปริจฺเฉโทฯ

ทุติยปริจฺเฉท